2 Pekuru 2:12 - Kakaɨyari Niukieya

¹² Mɨkɨ tatewama memɨkate'u'iyari wahepaɨ me'anenetɨ, yɨkɨmana xeikɨa mepɨte'u'iyari, mepɨtinunuiwa memɨtiwiyarienikɨ memɨkwi'iwakɨ xeikɨa, mɨkɨ 'axame'utiyuatɨ mepitsewixima tita 'atsimemɨkatemate hepaɨtsita. Merikɨte, tatewama wahepaɨ mepɨtatɨmaiyarieni mɨkɨ.

2 Pekuru 2:12 ပူးပေါင်းရင်းမြစ်များ

Kura 1:10

'Ikɨ pɨta matsi 'axamekaniutiyuaneni tita 'atsimemɨkatemate hepaɨtsita, kememɨtemate, yɨkɨmana xeikɨa mepɨtemate tatewama memɨka'u'iyari wahepaɨ, mɨpaɨ metemaitɨ 'ayumieme mekaniyuka'unani.

Keremiyaxi 12:3

Yawé, 'ekɨ ne pepɨnetsimate, 'ekɨ pepɨnetsixeiya meta pepɨtimate kenemɨtinewaɨriya 'ahetsiemieme. Keniwaranuhapani, muxatsi memɨkwi'iwa wahepaɨ, keniwaranuyeteɨxi 'iya tukaritsie memɨkwi'iwakɨ.

2 Pekuru 2:19

Mɨpaɨ mepɨtewakuxaxatɨwa kename waniu meyɨwaweni memɨyunɨ'akakɨ yɨkɨmana me'utiyuatɨ, peru mɨkɨtɨtɨ mɨya memutiyua matsi yemekɨ waɨriyarika mepɨte'uximaya tita mɨtipɨpɨnitsie miemekɨ, tita mɨre'iwa tewi, mɨkɨtsie mieme waɨriyarika katini'uximayakamɨkɨ.

Karatsiyatari 6:8

Kemɨ'ane yuwaiyaritsie xeikɨa mɨtiuka'e, waiyarieya pitixuawitɨirieni pɨniya, 'ika'itsanayu. Kemɨ'ane 'Iyaritsie mɨtiuka'e, 'Iyari pitixuawitɨirieni tukari mɨkaxɨwe, 'ika'itsanayu.

Nɨawari 92:6

Yuri memɨkate'erie 'atsimepɨkatemate, 'atsimemɨkatemate mepɨkaheitimaitɨkɨka,

Keremiyaxi 10:21

Muxatsi wahɨwemete 'atsimekatemaitɨ mepakɨ, Yawé mepɨka'utiwau, 'ayumieme kememɨteku'eriwakai yapɨkatiuyɨ, wamuxatsi naitsarie mepeutaxɨriexɨa.

Keremiyaxi 10:8

Yunaitɨ mepɨka'u'iyari 'axamemɨteyurienikɨ xeikɨa pɨwanake, kɨyexi kakaɨyarixiyari 'ɨxatsitamete mepɨhɨkɨ wahetsiemieme.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

Temaiwawemete 14:32

'Axatiyuruwame kanekawautseni yukɨmana 'axatiyurienetɨ, kemɨ'ane heitseriemekɨ yamɨtikamie tsepa mɨmɨxime pɨ'ɨwiyarieka.

2 Pekuru 1:4

Mɨpaɨ mɨ'anekɨ 'iya pɨtatsi'umi tita mɨtatiutahɨawixɨ temeixeiyanikɨ kwini mieme raye'arɨkame mariweme, mɨpaɨ pɨtatiumi, mɨkɨkɨ hamatɨana xemɨyutaxewirekɨ kemɨti'ane Kakaɨyaritɨtɨ, kepauka xemɨtawikweni kapa xetsewiximariekakɨ, kwiepa memɨtama kememɨteyutsewixima memɨte'ukaheiwe'eriekɨ.

Wani 8:21

Hikɨ tawari mɨpaɨ katiniwarutahɨawe: —Netsɨ nepɨyemie, xeme xepɨnetsikuwautɨweni, tita 'axaxemɨteyurietsie xetewiyatɨ xekanikwikuni. Hakewa ne nemeyemie xeme xepɨkayɨwawe mana xemɨyehukɨ.

'Etsekieri 21:31

'Ahetsie nehaxɨa nekanikawiwimɨkɨ, nehaxɨa tai hepaɨ 'anekame nekanita'iemɨkɨ, hipame wahetsɨa nekamaniyetuamɨkɨ 'axamemɨte'u'iyari wahetsɨa memɨteyukukuya.

Keremiyaxi 5:4

Hikɨ mɨpaɨ nepɨtiu'eri: «Mɨpaɨ pɨ'ane hawerimɨ'ane, memɨka'u'iyarini wahepaɨ mepɨte'u'uwa, memɨka'imatekɨ Yawé huyeya meta yukakaɨyari 'aitsikateya.

Nɨawari 94:8

'Ikɨ xekeneuti'eniexɨa, teɨteri 'atsixemɨkatemate, ¿'atsixemɨkatemate kepaukari xepeiti'enietɨkɨne?

Nɨawari 49:10

Meyunaitɨ yaxeikɨa mepɨtetakukuwe, memɨtemaiwawe meta memɨkatemaiwawe yaxeikɨa mepɨtakukuwe, wapiinitɨarika hipatɨ wapiini pɨrayeika.

Marikuxi 7:22

'inawari, xeime kemɨtiumieni, xeime kemɨtiukumayɨani kayɨ'ɨya kayɨkɨna, katiyupini mɨtihiwe'erie, 'axakememɨteyurie, 'irɨmari, kememɨteyukahiwe'erie merukuyatɨwetɨ, kememɨteyukwatsirie, 'axaniuki hipame wahepaɨtsita, kememɨteyukatawe'erie meta yakɨ xeikɨa kememɨteyɨkɨhɨawe.

Kurutsetari 2:22

Mɨkɨ 'aitsikate naitɨ teɨteri kememɨte'aita kememɨte'ɨkita kanihɨkɨtɨni, mɨkɨ naitɨ katinitixɨmɨkɨ tikumayɨiwatɨ.