2 Pekuru 1:11 - Kakaɨyari Niukieya

¹¹ Mɨpaɨ xeteyurietɨ, yemekɨ matsi xekanipitɨariekakuni xemaye'axɨanikɨ hakewa yuheyemekɨ mɨre'aita Tati'aitɨwame Tatsiwikweitsitɨwame Ketsutsi Kɨritsitu.

2 Pekuru 1:11 ပူးပေါင်းရင်းမြစ်များ

Matsiɨkɨtɨ kemɨratɨa 5:10

Takakaɨyari teɨterimama pepɨtatsi'ayeitɨa te'aitamete, mawari wewiwamete pepɨtatsi'ayeitɨa, kwiepa tepɨte'aitani».

Mateu 25:34

»Hikɨ Ti'aitame mɨpaɨ pɨtiwatahɨawe mɨkɨ tserietana memɨti'uka: “Xeme xekenakɨni, ne'ukiyari 'aixɨa mɨxe'uyuri, ne'ukiyari mɨra'aita yuhetsiemieme xekenayeitɨa mukuha'aritsie kepauka kwie munetɨarietsie paitɨtɨ.

Matsiɨkɨtɨ kemɨratɨa 3:21

Kemɨ'ane mɨrayu'iwa, mɨkɨ nekanipitɨamɨkɨ nehamatɨa mayerɨnikɨ ne'uwenitsie hakewa nemɨre'aita, neta ne'ukiyari hamatɨa kenemɨraya 'uwenieyatsie nerane'iwaka.

Hepɨrayutsixi 6:17

'Ayumieme Kakaɨyari yaxeikɨa pɨtiuyuri kepauka muyuwaɨri matsi heitseriemekɨ mɨwahekɨatsitɨiyanikɨ mɨkɨ wahetsie mɨtinakenikekai tita memɨtehahɨawaruwakai, mɨpaɨ memɨtemaikakɨ kemɨkatipatsiewe tita mɨtiyuriemɨkɨ, 'ayumieme pitaxewiriyaxɨ yuniuki yɨhɨritɨatɨ.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

Wani 10:10

Tinawayame wanawamɨtɨ wakwimɨtɨ wata'unamɨtɨ xeikɨa kani'axeni. Ne pɨta nekaninuani tukari memexeiyanikɨ, 'anayuhayewame memexeiyanikɨ.

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

'Epetsutari 3:20

Kemɨ'ane mɨyɨwe matsi kwinimieme mɨtiyurienenikɨ tsepa kemɨtitita, tame matsi ketemɨkate'iwawiriewawe ketemɨkateta'iyaritɨawawe, tɨrɨkariyaya kemɨtatikuyuitɨwa,

Tanieri 7:14

mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

2 Kurinitutari 5:1

Mɨpaɨ tekatenimaika, xɨka 'uka'unarieni 'ikɨ xamaru hakewa temayetei 'ena kwiepa, kii tekanexeiyani Kakaɨyari mɨtatsipitɨa mamakɨ mɨkawewiya yuheyemekɨ 'amuwe muyuawitsie.

2 Pekuru 1:1

Ne Tsimuni Pekuru, Ketsutsi Kɨritsitu hetsiemieme nekatini'uximayatametɨni meta nekaninɨ'ariekametɨni, nekanixewaɨritɨaka xeme xemupitɨarie yuri xemɨte'eriekakɨ tahepaɨ, takakaɨyari tatsiwikweitsitɨwame Ketsutsi Kɨritsitu kemɨtixepitɨa heitseriemekɨ yamɨtikamiekɨ.

Kitsariyaxi 35:2

Pɨkaxutuni puyutemawieka: putahiwani temawierikakɨ. Riwanu tsimɨtiyuxexeiya mɨpaɨ pɨtipitɨarieni, meta Kaximeru metatsiere Tsaruni 'aixɨa kememɨte'utixuawitɨwakai. Mɨkɨ Yawé mariweme mepɨxeiya, Kakaɨyari witsi'anetɨ kemɨtimariwe.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Kwikari 5:1

Neharaweritari nekaninuani, 'uka ne'iwa nemɨmatsi naki'erie, muwa nepikaxei mixaxi waritsamu meta, muwa xiete kwaiyarikɨ ne'iyari paye'axe. Muwa nepikaxexeiya waɨkawa winu meta retsi, naitɨ 'ikɨ pɨtinehetsiemieme. Hamikutsixi, xeketenekwaka xeketene'ieka, xekeneutitarɨwai naki'eriyakɨ.

Nɨawari 36:8

'Akie meputihuxarɨwe naitɨ mɨtixuawekɨ, 'ahaa 'aixɨa ma'ane muwanake pepɨwaharitɨa.

Nɨawari 145:13

Kepemɨti'aitani yuheyemekɨ hawaikɨ pɨkaheu'aka, 'ekɨ pepɨti'aitani naime wiyaritsie. Yawé yuniuki paye'atɨa, meta 'aixɨa pɨtiuka'iyari naime yu'uximayatsikatsie.

Xumatari 2:4

¿Kauka pe'ixani'erie kwini mieme 'aixɨa kemɨtiuka'iyari, kemɨtita'ikwewa, kemɨkatiyumexɨitɨa. Kauka 'atsipekatimate Kakaɨyari 'aixɨa mɨtiuka'iyarikɨ para pemɨtihayewanikɨ kepemɨtiyuriene?

1 Kurinitutari 15:24

'Arike naitɨ katinitaparimɨkɨ, kepauka Kɨritsitu kemɨti'aita mɨyetuanitsie, 'ukiyarieya mɨti'aitanikɨ Kakaɨyaritɨtɨ. Yakatiniyetuiriemɨkɨ waka'uname yunaitɨ memɨte'aita, yunaitɨ heitserie memexeiya tɨrɨkariya memexeiya.

1 Timuteu 6:17

Mɨpaɨ ketiniwa'aitɨaka mɨkɨ memeuka'u hikɨ kwiepa, mepɨkateyukatawe'erieka, yuri mepɨkate'erieka yupinitsie, 'atsimɨkatimatsiɨkɨkɨ xɨka xuawekamɨkɨ, matsi yuri mekete'erieka Kakaɨyari hetsie pɨta, mɨkɨ naime pɨtatipitɨa yemekɨ matsi temɨtatemamawiekakɨ.

2 Timuteu 4:18

Ti'aitame pɨnetsitawikweitsitɨani tsepa kememɨteyurie 'axamenetsiyuriekutɨ. 'Atsineka'itɨariewekaku pɨnetsi'aye'atɨani hakewa mɨre'aita muyuawitsie, mana nemaye'anikɨ. Hepaɨtsitana 'aixɨa ketikuxaxatsiwani yuheyemekɨ. Mɨpaɨ ketiuyɨni.

2 Pekuru 1:5

Mɨkɨ 'ayumiemeyarikɨ yuri xete'erietɨ kwini mieme xekeneyumexɨitɨaka 'aixɨa xe'anenetɨ xemayuyeitɨanikɨ, 'aixɨa xe'anenetɨ, tita mɨreuyewetse xetematetɨ xekenakɨni.

2 Pekuru 2:20

Mɨkɨ memutawikwei mepɨte'uhayewaxɨ kememɨteyutsewixima kwiepa memɨtama, memeitimakɨ Ti'aitame Tiyuwikweitsitɨwame Ketsutsi Kɨritsitu, peru mɨkɨ xɨka me'a'iwarieni tawari me'uwiniyarieni meripai hepaɨ, 'imatɨrieka matsi yemekɨ 'axame'itɨarietɨwetɨ mekanakɨnikuni, memɨka'itɨarietɨwekai hepaɨ matɨari paitɨ.

2 Pekuru 3:18

Matsitsɨ xekenewawereni waɨkawa matsi 'aixɨa xete'u'iyaritɨ xemakɨnirɨmenikɨ, xe'imatetɨ Tati'aitɨwame Tatsiwikweitsitɨwame Ketsutsi Kɨritsitu. Mɨkɨ mariwemekɨ kekuxaxatsiwani hikɨ, tukari mɨkaxɨwe mexi ka'aye'awe. Mɨpaɨ xeikɨa kani'aneni.