2 Kurinitutari 7:10 - Kakaɨyari Niukieya

¹⁰ Xɨka yuheiwerieka Kakaɨyari yatipitɨakaku, pɨtihayewa kemɨtiyurienekai, meta pɨtawikweitsitɨarieni. Tihayewame kemɨtiyurienekai, tawarita 'axapɨkatiyɨkɨhɨaweni mɨtiuhayewaxɨkɨ. Mexɨka yuheiwerieka kwiepa memɨtama wahepaɨ xeikɨa, pɨpitɨarieni mumɨnikɨ.

2 Kurinitutari 7:10 ပူးပေါင်းရင်းမြစ်များ

Nɨ'ariekate 3:19

'Ayumieme xeketeneuhayewa kexemɨteyurie, ta'aurie xekenaxɨrieka manuyeitɨarienikɨ tita 'axaxemɨte'uyuri, xehetsɨa 'uxipiya maye'anikɨ Ti'aitame hetsɨa mieme,

Nɨ'ariekate 11:18

Hikɨ 'ikɨ me'u'enieka, kayuwatɨ mekaniutamare, 'aixɨa mekaniutiyuanekaitɨni Kakaɨyari hepaɨtsita mɨpaɨ me'utiyuatɨ: —Mɨkɨta Kakaɨyari katiniwarupitɨani memɨkahuriyutsixi memɨtehayewanikɨ kememɨteyuriekai matsi tukari memexeiyanikɨ.

2 Tsamuheri 12:13

Rawiri Natani 'u'enieka mɨpaɨ katinetimani, 'ayumieme mɨpaɨ kaniutayɨni: —Yawé hɨxie 'axanekatiniuyurieni. Hikɨ Natani mɨpaɨ katinita'eiya: —Ke'axapemɨtiuyuri Yawé kamatineuyehɨwirieniri, mɨkɨkɨ pepɨkamɨni.

Rukaxi 18:13

Hikɨ tiwawame yatewa 'uwetɨ pɨkayuwaɨriyakai tsikere yuheima meutinierekɨ, matsi yutawitsie yukuhutsunatɨ hiwerikakɨ mɨpaɨ kaniutainekaitɨni: “Kakaɨyari 'aku, kene'awaɨriya 'aixɨa pemɨnetixeiyakɨ, 'axanetiyuruwametɨme”.

Rukaxi 15:10

Mɨpaɨ nepɨtixekɨhɨawe, yaxeikɨa Kakaɨyari hetsɨa miemete niuki tuayamete temawierika mekanexeiyani, kepauka xewitɨ mɨtihayewa 'axatiyurienetɨ».

Kunatsi 3:10

Hikɨ Kakaɨyari waruxeiyaka kememɨyɨkai, tatsɨari, kememɨte'uhayewakai 'axameteyurietɨ, kaniwarutinenimayata, yapɨkatiuyuri pɨkawaruka'unaxɨ kemɨtiwarahɨawekai.

Hepɨrayutsixi 12:17

Mɨpaɨ xepɨtemate, 'arike kepauka heixeiyatɨ mayeimɨkɨkai tita hetsiena mɨtiutaxatsie 'aixɨa mɨ'itɨarienikɨ, pɨxani'eriwakai. Mɨpaɨ pɨkatiupitɨarie muyupatanikɨ tawari, tsepa 'utatsuatɨ mɨpaɨ mɨtiwaukai.

Temaiwawemete 17:22

Waɨkawa yu'iyaritsie xɨka yutemawieka 'uaye hepaɨ kani'aneni, kepauka pemɨkayutemawieka 'awaiyaritsieta pepuwerani.

Kunatsi 4:9

Peru Kakaɨyari Kunatsi mɨpaɨ katiniutahɨawe: ―¿Xatsuni perexeiya pemɨha'akakɨ 'ikɨ naaná 'etɨpiwarikɨ? Kunatsi mɨpaɨ katinita'eiya: ―Ne huu xatsuni nepexeiya, ne haxɨakɨ nepɨmɨxime.

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.

2 Kurinitutari 12:21

Nepɨma nenuayu tawarita nekakaɨyari tixaɨtɨ nekatihɨkɨtɨme netsi'ayeitɨanikɨ xehetsɨa ne'uyeikakaku, neneheiweriekakɨ newara'eriwatɨ yumɨireme 'ana meripai 'axamemɨteyuriekai memɨkate'uhayewaxɨ 'axameteyurietɨ meka'itiyatɨkaitɨ, mewakumaɨwatɨ kemɨ'ane mɨkayɨ'ɨya mɨkayɨkɨna, meyutatuatɨ memɨrukuyatɨwenikɨ kememɨteyukahiwe'erie.

Mateu 26:75

Pekuru Ketsutsi niukieya kanaye'erieni kemɨtitahɨawixɨ: «Wakana katahiwawekaku 'akuxi, 'ekɨ haikakɨa pepɨ'aku'imawani kename pekanetsimate pe'utaitɨ». Hikɨ 'anuyeyaka kaniutatsuani kwinimieme tiyuhiwerietɨ.

Kunatsi 3:8

Matsi, ti'aitame mɨpaɨ katatina'aitɨwani, yunaitɨ teɨteri yutewama meyunaitɨ mekeyuhiwerieka meta Kakaɨyari mekehahɨaweni karima. Meta mɨpaɨ katiniuta'aita yuxexuitɨ mekete'uhayewa 'axakememɨteyuriekai meta kememɨte'ayukwiwawiekai.

'Etsekieri 7:16

Kemɨ'ane memuyuta'una hɨritsie mepuyuhayewa kukuruxi wahepaɨ, yuxexuitɨ me'utitsuatɨ 'axakememɨte'uyurikɨ.

Keremiyaxi 31:9

Xe'utitsuatɨ xekani'axɨakuni, nexenɨtɨatɨ nekanixe'ayewitɨmɨkɨ. Hakewa haa mauyehane mana nekanixe'atɨamɨkɨ huyeta 'uwerikaku xemɨkahekaxɨrienikɨ. Ne 'Ixaheri paapaya nepɨhɨkɨ, neniwe 'Epɨrahini mexɨakame pɨhɨkɨ.

Temaiwawemete 18:14

Yuwaɨriyatɨ kemɨtiuka'eniwa kananayewemɨkɨ mɨtikuye, ¿matsi kemɨ'aneta mukayuwaɨriya keranayeweni yuhiwerietɨ?

Temaiwawemete 15:15

Naitɨ tukari 'axapɨ'anene munutuixie hetsiemieme, matsi muyutemawie hetsiemieme tukarikɨ 'ixɨarari puxuawe.

Temaiwawemete 15:13

'Iyari xɨka yutemawieka pɨmatsiɨkɨ tahɨxie paitɨ, 'iyari xɨka tiuka'eniwani yaxeikɨa pɨmatsiɨkɨta.

1 Te'aitamete 21:4

Hikɨ 'Akawi kaneyani yukie nutuixietɨ meta ha'atɨ Nawuhuti Ketsireri kiekame mɨpaɨ mɨtitahɨawixɨkɨ: «Nepɨkayɨwe nemɨmatiyetuirieni neti'aitɨwame, tita ne'ukiyarima memɨnete'uku'eiriri». 'Ayumieme mɨkɨkɨ yukiita kaniukahuni 'ixumeritsie heunieretɨ, meta katikwaimɨtɨ kanayani.

2 Tsamuheri 17:23

'Akituperi matsi 'Awitsaruni mɨkahenu'enikɨ kemɨtiuxatakai, puxu 'ukuha'aritɨaka yukiekaritsie kaneyani. Kepauka yukie munua, 'aixɨa tiuyurieka yutɨɨriyama wahetsiemieme, heyaka xaɨtsie kaneyukawieni. Mɨpaɨ katiniumɨni, kaniukateukieni yupaapa teɨkipa.

2 Tsamuheri 13:4

'Aminuni mɨpaɨ katiniuta'iwawiya: —¿Titayari 'ekɨ ti'aitame penu'ayatɨtɨ kwinimieme petiyɨxime petikuye? ¿Titayari pekaneraxaxatɨwa kepemɨti'akuhɨawe? Hikɨ 'Aminuni mɨpaɨ katinita'eiya: —Nerikɨ Tamaxi nepɨhiwe'erie, ne'iwa 'Awitsaruni 'iwaya.

Tsutɨarika 30:1

Kepauka Xakeri tɨɨri mɨkawarayexeiyawekai Kakuwu hetsiemieme, yukuri kani'uxiwe'erikaitɨni, hikɨ Kakuwu mɨpaɨ katiniutahɨawe: —Neta keneneupitɨa tɨɨri nemɨwaraxeiyakɨ, xɨka pekanetsi'upitɨani, nepɨmɨni.

Nɨawari 38:18

Ke'axanemɨtiuyuri nepɨnetahekɨata, 'axamɨti'ane pɨnetsi'iyarimɨtsitɨa.

Ti'ɨkitame 7:3

Mɨyuhiwerieka kaneuyeweka keyuri mutanaweni, kananakanutuixieka yuhɨxie, matsi 'aixɨa kaniyurieka 'iyarieya.

2 Kurinitutari 7:9

peru hikɨ matsi nepɨnetemawie. Xemuheiweritɨariekɨ, mɨkɨkɨ nepɨkanetemawie. Matsi yaxete'uheiweritɨarieka xemɨte'uhayewaxɨkɨ kexemɨteyuriekai, 'ayumieme nepɨnetemawie. Kakaɨyari yatixepitɨakaku xekaniuheiweritɨarieni, 'ayumieme tixaɨtɨkɨ tepɨkatexe'ukwinitɨa mɨpaɨ temɨte'uyurikɨ.