2 Kurinitutari 6:2 - Kakaɨyari Niukieya

² Mɨkɨ mɨpaɨ mainekɨ: «Yemekɨ kepauka yanemɨra'eriwakai 'ana nepɨmetsi'u'eni, kepauka newikweitsitɨarika maye'a 'ana nepɨmetsi'uparewi». Kamɨ hikɨ tukari 'aixɨa mɨ'ane kanihɨkɨtɨni, kamɨ hikɨ tukari kanaye'ani xemɨtawikweitsitɨarienikɨ.

2 Kurinitutari 6:2 ပူးပေါင်းရင်းမြစ်များ

Kitsariyaxi 49:8

Mɨpaɨ kanaineni Yawé: «Yemekɨ kepauka yanemɨra'eriwakai 'ana nepɨmetsi'uta'ei, kepauka newikweitsitɨarika maye'a 'ana nepɨmetsi'uparewi. Hikɨri nekameni'ɨwiyakamɨkɨ, meta ne tɨratu nepɨmetsi'ayeitɨa teɨteri wahetsiemieme, tawari 'akwieyari 'aixɨa pemukuyurienikɨ, meta kwie yuxaɨta mukumane 'aniwema pemɨwaxatɨanikɨ,

Hepɨrayutsixi 4:7

Tawarita xeime tukari kaniupata: «Hikɨ mɨterɨwarie», Rawiri xapayatsie mɨpaɨ putayɨ mɨixa wiyari 'anuyeyaku, yaxeikɨa meripai kemutayɨ mɨpaɨ 'utaitɨ: «Xɨka xeme hikɨ niukieya xe'i'enieni, yu'iyari xepɨkatse'iriyani».

Hepɨrayutsixi 3:13

Matsitsɨ xexuime tukaritsie xekeneyutuikani mexi 'akuxi hikɨ tukari xuawe, kapa xewitɨ xeme yu'iyari 'utse'iriyakɨ, tita 'axamɨti'ane xekwamanakaku.

Kitsariyaxi 61:2

Yawé parewiyaya tukariyari nemɨkuxatanikɨ kemɨraye'anikɨ meta takakaɨyari kepauka mɨtiwarakapitɨani tukariyari, kemɨ'ane memuyuhiwerie nemɨwanɨtɨanikɨ,

Hepɨrayutsixi 3:7

'Ayumieme kemaine 'Iyari Mɨtiyupata: «Hikɨ xɨka xe'i'enieni 'utaniukakaku,

Rukaxi 4:19

nemɨtikuxatanikɨ kename tukari 'aye'a kepauka Ti'aitame muyuwaɨriya 'aixɨa mɨtatixeiyakɨ».

'Etsekieri 16:8

»”Hutariekata 'a'aurie nemuyetɨatsie, nekameniuxeiya. 'Ari kanaye'akaitɨniri pematiwikieni. Hikɨ nematakɨ nekamenanakakamixatɨani pemɨmawekaikɨ. Tɨratu 'ahetsɨa nekaniuwewieni, yatekaniutiyuani, hikɨ nehetsiemieme pekanayani. Yawé naimekɨmɨyɨwe mɨpaɨ kanaineni.

Nɨawari 69:13

Peru Yawé, neuxei nepumetiwawirie hikɨ 'ekɨ mɨpaɨ mumetinakekɨ. Kakaɨyari 'aku, 'anaki'eriya mɨmariwekɨ, keneneuta'eiya, 'aixɨa pemɨtikamiekɨ, keneneutawikweitsitɨa.

Rukaxi 18:37

Mɨpaɨ mekatenitahɨawe kename Ketsutsi natsaretitanaka mana 'uyemiekai.