2 Kurinitutari 5:6 - Kakaɨyari Niukieya

⁶ 'Ayumieme ta'iyari tepukayetsa taheyemekɨ. Mɨpaɨ tepɨtemate, mexi tawaiyaritsie te'u'uwa, Ti'aitame hetsɨa tepɨka'u'uwa.

2 Kurinitutari 5:6 ပူးပေါင်းရင်းမြစ်များ

2 Kurinitutari 5:1

Mɨpaɨ tekatenimaika, xɨka 'uka'unarieni 'ikɨ xamaru hakewa temayetei 'ena kwiepa, kii tekanexeiyani Kakaɨyari mɨtatsipitɨa mamakɨ mɨkawewiya yuheyemekɨ 'amuwe muyuawitsie.

Hepɨrayutsixi 11:13

Yuri mete'erietɨ mekaneutakwixɨani mɨkɨ yunaitɨ, meheixeiyatɨ mepɨka'akɨ kememɨte'utahɨawariekai, matsi 'ateewa paitɨ mepixei yuri mete'erietɨ, mepitawaɨritɨa, mɨpaɨ mepɨteyuhekɨatakai kename xaɨtsie miemete kɨkamete mehɨkɨtɨkai xeikɨa 'ena kwiepa me'u'uwatɨ.

Matsiɨkɨtɨ kemɨratɨa 1:9

Ne, Wani, xe'iwa nepɨhɨkɨ, xehepaɨ nemɨti'uximatɨarie, ketemɨte'aitɨarie tete'uka'eniwatɨ Ketsutsi hetsie teyuxewitɨ, kwie Patɨmuxi mɨrakutewatsie haramara hixɨapa mɨyematsie nekaneyeikakaitɨni Kakaɨyari niukieyatsie nemɨtiwiyakɨ meta Ketsutsi hepaɨtsita netihekɨatatɨ.

1 Pekuru 5:1

'Ayumieme 'ipaɨ 'ukirawetsixi nepɨtiwatuika, neta wahepaɨ nekani'ukiratsitɨni, nekaniuniere Kɨritsitu tiukwineku, neta neheixeiyatɨ nekanayani tita 'umɨramie witsiti'aneme ketemɨtexeitsitɨarieni, 'ayumieme nepaine.

Hepɨrayutsixi 10:35

'Ayumieme nepaine, xepɨkaheiwiwiwani tita xemɨtehexeiya, heitserie xepexeiya xekamamatɨ xemɨyɨakakɨ, mɨkɨkɨ waɨkawa xepɨte'iwa.

2 Kurinitutari 5:8

'Ayumieme ta'iyari tepukayetsa, tepɨtawaɨriya matsi temiku'eirienikɨ tawaiyari, Ti'aitame hetsɨa pɨta teme'uwanikɨ.

Kitsariyaxi 36:4

Kuyaxi tiwa'aitɨwame manuyeka mɨpaɨ katiniwarutahɨawe: ―Mɨpaɨ xeketenetahɨawi 'Etsekiyaxi kename mɨpaɨ haine ti'aitame mɨmariwe, ti'aitame 'Atsiriya kiekame: “¿Ketitatsie peti'atɨrɨkariya?

Kitsariyaxi 30:15

'Ayumieme mɨpaɨ kanaineni Yawé naimekɨmɨyɨwe, 'Ixaheri hetsie Mɨpatsie: «Xɨka xete'uhayewa meta kayuwatɨ xehexeiyatɨ xe'akɨne, xekanitawikweitsitɨariekuni, 'aixɨa 'iyari xe'u'uwatɨ meta yuri xete'erietɨ xekanitɨrɨkariyariekuni, peru xeme mɨpaɨ xemɨtehetimani xepɨkayuwaɨriya.

Temaiwawemete 14:26

Kemɨ'ane Yawé mayemakaxe mɨkɨ yuhetsie nunuwame pexeiya meta tɨɨriyamama mepɨ'ɨwiyarieka.

Nɨawari 119:19

Ne kuyeikame nekanihɨkɨtɨni 'ena kwiepa, 'a'aitsika pepɨkanetsi'awitsirieka.

Nɨawari 39:12

»Yawé, nenenewieri keneu'eni, nehiwari keneu'eni, ne'utatsuakakaku 'anakata pepɨkaheuyukanarɨmani. 'Ahɨxie ne pemɨkanetsimate nepɨhɨkɨ, yeikame nekanihɨkɨtɨni, netutsima wahepaɨ.

1 Kemɨtiuyɨ 29:15

'Ahɨxie tame, ku'uwamete tekanihɨkɨtɨni meta kɨkamete, ta'ukiyarima memɨ'anekai hepaɨ meripaitɨ. Tatukari 'ena kwiepa 'etɨri hepaɨ kani'aneni mɨkareutetere.

Hepɨrayutsixi 13:14

'Ena kwiepa tepɨkaheixeiya kiekari 'amɨtiteriwe. Tepitakwewie pɨta kiekari xewitɨ 'umamie.