2 Kurinitutari 5:11 - Kakaɨyari Niukieya

¹¹ 'Ayumieme mɨpaɨ tetemaitɨ, mɨpaɨ kemɨreuyewetse Ti'aitame te'ayemakatɨ, yuri teɨteri tekateniwa'eritɨaka. Tekanimatsiɨkɨni Kakaɨyari kemɨtatixeiya. Yuri tepɨte'erie kename tematsiɨkɨ xemeta kexemɨtatexeiya, kexemɨteyumate yu'iyaritsie.

2 Kurinitutari 5:11 ပူးပေါင်းရင်းမြစ်များ

Kura 1:23

xekeniwawikweitsitɨaka mɨkɨ xewaranayehapanatɨ taipa. Hipame meta kexemɨtewanenimaya xekeneumamaka matsi, xekenexani'erieka 'atsita wa'ixuriki xɨka tsewiximarieka kememɨte'uyuri yuwaiyaritsie metewiyatɨ.

Hepɨrayutsixi 10:31

Pɨmariweni kepauka Kakaɨyari mayeniere miwiyani.

Matsiɨkɨtɨ kemɨratɨa 20:15

Kemɨ'ane tukari mexeiyani xapayaritsie mɨka'aka'utsieni, mɨkɨ harakuna mɨta'atsie kaneukahɨiyamɨkɨ.

2 Kurinitutari 6:1

Tame Kakaɨyari te'uximayatsiriwamete, tekanixewawirieka xeme, xe'itanaki'erieme tita Kakaɨyari mɨtixemikwa 'aixɨa tiuka'iyaritɨ, yakɨxeikɨa xemɨka'itanaki'erienikɨ.

2 Kurinitutari 5:20

'Ayumieme Kɨritsitu nɨ'arimama tekanihɨkɨtɨni, hetsiena mieme tekaniutiniukani, mɨpaɨ tetemaitɨ, Kakaɨyari kanixetuikani mɨpaɨ te'utiyuanekaku: «Kɨritsitu hetsiemieme te'utiniutɨ waɨriyarika tekanixepitɨaka, Kakaɨyari hamatɨa 'aixɨa xemɨteyuxeiyanikɨ».

Nɨ'ariekate 18:13

Mɨpaɨ me'utiyuatɨ: —'Ikɨ tewi yuri katiniwa'eritɨaka teɨteri Kakaɨyari memayexeiyanikɨ 'inɨari niukiyari kemɨkahaine.

Rukaxi 12:5

Nepɨtixetaxatɨani kemɨ'ane matsi xemɨmakarɨka: xekenemakarɨka kemɨ'ane, ramieme, heitserie mexeiya tai yamɨtita'atsie mɨreukahɨani. Huu, mɨpaɨ nepɨtixekɨhɨawe, mɨkɨ xekenemakarɨka.

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

Nɨawari 90:11

¿Kemɨ'ane 'ahaxɨa mɨtɨrɨkaɨye petimaiwe? 'Ahaxɨa pɨmariwe ketemɨteheumama temetsimakaxetɨ.

Nɨawari 76:7

'Ekɨ, yuheyemekɨ xeikɨa pepɨmakaxiwani. ¿Kemɨ'ane 'aku pɨmetsiha'iwa kepauka 'ekɨ pemɨyeha'ani?

Kuwi 31:23

Yuheyemekɨ ne Kakaɨyari yamɨtiwarakapitɨwakɨ nepɨmakaxe, mɨkɨ ti'aitame mumariwe hɨxie nepɨkayɨwe nemɨyɨxɨna.

Karatsiyatari 1:10

¿Merikɨte, 'ipaɨ netikuxatatɨ, keri netikuwaune teɨteri memɨnetsinaki'eriekakɨ? Kakaɨyari pɨta mɨnetsinaki'eriekakɨ nepɨtikuwaune. ¿Kenetiwanaki'atsitɨamɨkɨ teɨteri? Xɨka newarunaki'atsitɨanike teɨteri hikɨ, Kɨritsitu hetsiemieme ti'uximayatame nepɨkahɨkɨtɨnikeyu.

2 Kurinitutari 2:17

Tame yumɨireme wahepaɨ tepɨka'anene. Harerutsixi wahepaɨ tepɨkateta'itaiya Kakaɨyari niukieya tekuxatatɨ. Matsi 'aixɨa tetehekɨatsietɨ, Kakaɨyari kemɨtareyenɨ'a, Kakaɨyari tatsixeiyakaku teyɨatɨ, Kɨritsitutsie tetewiyatɨ mɨpaɨ tetenikuxatani.

Nɨ'ariekate 28:23

Hikɨ xeitukari mekananayexeiya Papuru hetsɨa memɨyukuxeɨrienikɨ, 'ana yumɨiretɨ mekaniu'axɨani kiitana mɨwayekatsie. Ximeripaitɨ 'itsutɨaka taikaike katiniutahayewa, tiwakuxaxatɨwatɨ meta tiwahekɨatɨatɨ kemɨreuyewetse Kakaɨyari ti'aitametɨkaku hepaɨtsita, yuri tiwa'eritɨamɨtɨ Ketsutsi hetsie, Muitsexi 'inɨarieyakɨ, meta Kakaɨyari niukametemama waxapayaritsie mɨkɨkɨ yuniuki tseiriyatɨ.

Nɨ'ariekate 26:26

Ti'aitame 'ikɨ naime pɨtimate, 'ayumieme nekamatɨ yanekatinikuxatani. 'Ikɨ kenemɨtikuxata hikɨke pɨkamieme, 'awie pɨkatiuxatsie.

Nɨ'ariekate 19:26

Mɨpaɨ xepɨtexeiya, mɨpaɨ xepɨte'enana, Papuru yuri kemɨtiwa'eritɨa kemɨtiwarukunuitɨa yumɨireme teɨteri, 'ena 'Epetsutsie xeikɨa pɨkatixaɨ, matsi naitsarie 'Atsiyatsie. Mɨpaɨ katinikuxatani, mɨkɨ mamakɨ memɨwewiyatɨka kakaɨyarixi mepɨkahɨkɨ 'utaitɨ.

Nɨ'ariekate 18:4

Xexuime 'uxipiya tukaritsie tukita katinikuxatakaitɨni, huriyutsixi meta kɨriyekutsixi yuri katiniwa'eritɨamɨkɨkaitɨni.

Nɨ'ariekate 13:43

Mete'utahayewaku xeɨripa, yumɨiretɨ huriyutsixi meta waɨkawa memɨte'ayexeiyakai Papuru meta Werunawe mekaniwareweiya, mɨkɨ mekaniwatuikakaitɨni yuri mete'erietɨ memuyuhayewanikɨ Kakaɨyari 'aixɨa tiuka'iyarikaku wahetsiemieme.

Rukaxi 16:31

'Apɨrahami mɨpaɨ katinitahɨawe: “Xɨka mekawa'enieka Muitsexi meta texaxatamete, tsepa xewitɨ manukukenike mɨkite watsata, mepɨkayuwaɨriyanikeyu”».

Mateu 25:46

»Mɨkɨ mekaniyehuni yuheyemekɨ mema'uximatɨariekatsie, meta mɨkɨ heitseriemekɨ yamemɨtekahu tukari 'atsimɨkayɨwe maxuawe mekaniyehuni».

Mateu 10:28

Xepɨkawamakarɨka mɨkɨ memɨyɨwawe wai memumieni xeikɨa, peru mepɨkayɨwawe 'iyari memumieni. Matsi xekenemakarɨka kemɨ'ane mɨyɨwe mika'una 'iyari meta waiyari naime tai yamɨtita'atsie.

Kitsariyaxi 33:14

'Axateyuruwamete Tsiyuni hetsie mekanimamaka, kwie mutayuane 'axateyuruwamete kaniwaranuku'axikeni: «¿Kemɨ'ane tame pɨyɨwe taipa mɨkiekametɨnikɨ mɨtiyɨxɨtsitɨwatsie? ¿Kemɨ'ane tame pɨyɨwe yuheyemekɨ mukuma nerɨkwari tsata mukiekametɨnikɨ?»

Nɨawari 73:19

Yapauka mepeuyehɨiyani, yemekɨ memariutsietɨ.

Kuwi 18:11

Tsepa hakewa kanimariutsieka, 'utɨmana xeikɨa kanikuyeikani.

Kuwi 6:4

Naimekɨmɨtɨrɨkaɨye 'ɨrɨteya kanetinikwinitɨaka, ne'iyari mɨkɨ 'uayeya mɨmɨya kani'ukweni. Kakaɨyari marika nehetsie kaneyenɨ'ani.

Tsutɨarika 35:5

Kepauka memekɨ, nixewitɨ pɨkawaranukuwei Kakuwu tɨɨriyamama, waɨkawa memutimamakaikɨ kiekari mamanetɨkatsie.

Kitsariyaxi 19:16

'Iya tukaritsie 'ekipitutari 'ukari wahepaɨ mepɨteyuxexeiyani. Meputiyɨyɨakani marikakɨ kepauka Yawé Naimekɨmɨtɨrɨkaɨye yumamá manukuhana 'iyuitɨwatɨ yukuha'aritɨwatɨ mɨtiwakwinitɨanikɨ.

'Epetsutari 5:21

Xeyuxewitɨ yaxeketenekahuni Kɨritsitu xe'ayemakatɨ.

Hepɨrayutsixi 12:29

Metsɨ «Takakaɨyari tai naime mɨtitixɨtsitɨwa hepaɨ kani'aneni».