2 Kurinitutari 4:9 - Kakaɨyari Niukieya

⁹ Tsepa temeutaweiyariexɨa, tepɨkaku'eiriwa. Tsepa tematixɨriya, tepɨka'utatɨmaiyarie.

2 Kurinitutari 4:9 ပူးပေါင်းရင်းမြစ်များ

Kitsariyaxi 43:2

Kepauka hapa pemuyani, ne 'ahamatɨa nekaniumiemɨkɨ, kepauka hatuxametsie pemanuyani, haa 'aheima pɨka'uyeuriweni, kepauka taipa pemumieni, pepɨkakwaxe pepɨkatatani,

Mikeyaxi 7:8

Pemɨnetsi'aye'unie 'aku, 'axakemɨnetiyuriekɨ pepɨkayutemawieka. Nepatiwe, matsi nepanukukeni, yɨwipa nepuyeika, matsi Yawé nehekɨariya pɨhɨkɨ.

Temaiwawemete 24:16

Tewi heitseriemekɨ yamɨtikamie tsepa 'atahutamexɨa mekawe, mɨkɨ kananukukemɨkɨ, matsi 'axateyuruwamete mekanekaxɨrɨweni, matsi hatsuaku tawari mepɨka'anuku'uni.

Nɨawari 42:11

¿Titayari yɨkɨ netinekɨhɨaweni? ¿Titayari netine'uximatɨaka? Kakaɨyari hetsɨa timieme matsi nepɨtitakwewieka, meta nepinɨawani. Mɨkɨ netsiwikweitsitɨwame kanihɨkɨtɨni meta nekakaɨyari.

Hepɨrayutsixi 13:5

Mɨpaɨ xeketeneu'uwani tumini xekahiwe'erietɨ, xekenenaki'aka xeheixeiyatɨ tita xemɨtehexeiya. Mɨkɨ kanihɨkɨtɨni kemɨ'ane mɨpaɨ mutayɨ: «Ne yemekɨ 'axaɨtame nepɨkamatsihayewani, nepɨkamatsiku'erieni hatsuaku».

2 Kurinitutari 7:6

Peru kemɨ'ane Kakaɨyaritɨtɨ mɨwanɨtɨa mɨkɨ memɨyuheiwerie, tameta mɨkɨ kataniunɨtɨani, Titu munuakɨ,

Kitsariyaxi 62:4

«'Eiriwakame» pepɨkatiterɨwarieniri, meta 'akwie «Makumawe» pɨkatiterɨwarieni, matsi «Netemawierika» pepɨtiterɨwarieni, 'akwie «Ne'ɨya» pɨtitewaka, Yawé 'ahetsiemieme puyutemawieka, meta 'akwie pɨrekakɨnani.

Nɨawari 9:10

'Ahetsie yuri mepɨte'erie kemɨ'ane memɨmatsimate, 'ekɨ, Yawé, pemɨkawaruku'e'eiriwakɨ kemɨ'ane memɨmatsikuwautɨwe.

Wani 15:20

Neniuki xekena'eriwani kenemɨtixe'utahɨawixɨ: “Nixewitɨ waɨriyarika ti'uximayatame pɨkamariwe keyuri kutsiyarieya”. Kememɨnete'ayeweweiyakai ne, xemeta mekanixetaweiyakuni. Xɨka neniuki me'u'enieni yametekakɨne, yaxeikɨa xeniuki mepɨ'enieni yamepɨtekakɨne.

Nɨawari 42:5

¿Titayari yɨkɨ netinekɨhɨaweni? ¿Titayari netine'uximatɨaka? Kakaɨyari hetsɨa timieme matsi nepɨtitakwewieka meta nepinɨawani. Mɨkɨ pɨnetsiwikweitsitɨwame meta pɨnekakaɨyari.

Nɨawari 37:28

Karikɨ Yawé 'aixɨa mɨti'ane katininaki'erieka, meta pɨkawanutuita kemɨ'ane yu'iyarikɨ meminaki'erie. Yawé kaniwa'ɨwiyakamɨkɨ yuhemekɨ, peru 'axateyuruwamete wanuiwari kaniwarakumaweriyamɨkɨ.

Nɨawari 22:1

Nekakaɨyari 'aku, nekakaɨyari 'aku, ¿titayari penetiuku'eiri? Teewa pepuwe kepenetiuwikweitsitɨani, 'ateewa paitɨ neniuki, mɨkaha'eniɨriɨkɨtsie neputatsuaka.

Kuwi 22:29

Memuyuti'ɨre Kakaɨyari tixaɨtɨ pɨkatiwarayeitɨwa, tixaɨtɨ memɨkatehayuyeitɨa kaniwaranuku'uitɨwani.

Nɨawari 129:2

yumɨiretɨ mepɨnetsi'uhiweritɨa temaikɨyaritsie paitɨtɨ, peru yemekɨ mepɨkanetsiha'iwawe.

'Awakuki 3:17

Tsepanetɨ xapa mɨka'ukaxutuwe, meta tsepa kaxie takari mɨka'ukayaxikeni, tsepa huriwu takari mɨkatiukaxuawerixɨ, meta kwiepa tsepa 'ikwaxite mɨkatiutixuawerixɨ, tsepanetɨ muxatsi kuraruta memuyemaweni, meta tsepa kuraruta nixewitɨ tewa mɨkayeyeika,

Xumatari 8:35

¿Kepaikɨ pɨtatsipata Kɨritsitu mɨkatatsinaki'eriekakɨ? Xɨka te'uximatɨarieka, xɨka tete'uka'eniwani, xɨka te'utaweiyarieni, xɨka teheuhaakakwikuni, xɨka teka'ukemarini, xɨka teyekweriwa'itɨarietɨweni meta xɨka tekwi'iwarɨmeni, mɨkɨ naitɨ pɨkayɨwe.

2 Timuteu 3:12

Metatsiere mekanitaweiyariexɨakuni yunaitɨ memɨyuwaɨriya Kakaɨyari me'ayexeiyatɨ memu'uwanikɨ Kɨritsitu Ketsutsi hetsie metewiyatɨ.