2 Kurinitutari 4:17 - Kakaɨyari Niukieya

¹⁷ Pɨkahahete, ketemɨte'uximatɨarie hikɨ, 'epɨkareutere. Peru yatete'uximatɨarieme, taheyemekɨ witsi'anemekɨ tepɨ'ikatɨarieka mɨkaxɨwekɨ.

2 Kurinitutari 4:17 ပူးပေါင်းရင်းမြစ်များ

Xumatari 8:18

'Ipaɨ nepɨtiku'eriwa, ketemɨtekwine hikɨ, mɨkɨ tixaɨtɨ katihɨkɨtɨme tepɨ'erieka kepauka temɨxeitsitɨarieni witsimɨti'ane 'uxa'atɨni timieme.

1 Pekuru 5:10

Mɨkɨ meta, Kakaɨyari naimekɨ 'aixɨa katiniuka'iyarini, mɨkɨ kanixe'uta'inieni hepaɨna witsixe'aneneme mɨxe'ayeitɨanikɨ yuheyemekɨ Kɨritsitutsie xetewiyakaku, mɨkɨri yapaɨmexɨa xetekwineyu kanixehekwariyamɨkɨ, meta xetɨrɨkawime kanixe'ayeitɨamɨkɨ, kanixetseiriyamɨkɨ, xekitɨa mieme tetsariya kanitakemɨkɨ.

Tsatiyaku 1:12

'Aixɨa kani'itɨarieka kemɨ'ane tiuka'eniwatɨ mumie, mɨkɨ mɨpaɨ tita'inɨatsieme, tukari kurunayari kaniyetuiriyariemɨkɨ Kakaɨyari kemutayɨ kemɨ'ane meminaki'erie wahetsiemieme.

2 Kurinitutari 3:18

Tame tanaitɨ tahɨxie kaheukunakaku tepihekɨata Ti'aitame witsikemɨ'ane, tsepa yɨxaɨyemekɨ, xikɨritsie tewi kemɨtihekɨata. 'Ayumieme tepɨkupatsiwa, witsite'anenetɨ tepakɨnirɨme, hepaɨna teteyuxexeiyatɨ tete'akɨnirɨme. Ti'aitame 'iyaritɨtɨ mɨpaɨ katiniyurieneni.

Xumatari 8:37

Mɨyatɨtɨ naime, kwini mieme tekatene'iwani 'ikɨ tinaime 'iya mɨtatsinaki'erie yatatipitɨakaku.

1 Pekuru 4:7

'Ariri kanehuraniri naitɨ yamɨraye'anikɨ. 'Ayumieme xekeneyunenewieka 'aixɨa 'anemekɨ xetemaiwawetɨ xekeneyɨaka, mɨkɨkɨ xeyɨkɨhɨawetɨ.

1 Kurinitutari 2:9

Matsi kemɨre'uxa: «Tita tewi mɨkatixeiyawe yɨhɨxikɨ, mɨkati'eniewe yunakakɨ, titakɨ mɨkatiyu'iyaritɨawe tewi, mɨya'aneneme Kakaɨyari kaniwarukuha'aritɨirieni mɨkɨ meminaki'erie».

Kura 1:24

Kakaɨyari muyuxewi, tatsiwikweitsitɨwame, mɨyɨwe mɨxe'ɨwiyani xemɨka'atixɨrɨwenikɨ, meta mɨyɨwe mɨxe'aye'atɨanikɨ kemɨ'ane witsimɨ'ane hɨxie xehetsie katiuhɨiwakaku meta xeyutemamawiekaku,

Xumatari 8:34

¿Kepaikɨri pɨwaranutaxɨrieni? Kɨritsitu Ketsutsi kanihɨkɨtɨni kemɨ'ane mumɨ, kemɨ'ane matsi manukuke, kemɨ'ane Kakaɨyari tserieta makaka, kemɨ'aneta tahetsiemieme mitawawiriwa.

Xumatari 2:7

Mɨkɨ mete'uka'eniwatɨ 'aixɨa meteyurietɨ memɨtekuwautɨwe witsime'anenetɨ kememɨte'akɨnekɨ, 'aixɨa memɨtexeiyariekakɨ meta kememɨkatetipɨnekɨ, mɨkɨ kaniwapitɨamɨkɨ yuheyemekɨ memayenenierenikɨ.

Piriputari 1:19

Mɨpaɨ nepɨtimate, 'aixɨa pɨtiyɨni pamɨpariyutsi xeme nehetsiemieme xeyunenewiekaku, meta Ketsutsi Kɨritsitu 'Iyarieya netsiparewiekaku, 'ikɨ naitɨ 'aixɨa pɨtiyɨni nepɨxɨne.

Kitsariyaxi 54:8

Yatewimekɨ xeikɨa, ne'uyeha'aka, nepɨkamatsixeiyamɨkɨkai, peru yuheyemekɨ nematsinaki'erietɨ nepɨmatsitinenimayata ―Yawé mɨpaɨ kanaineni, Matsiwikweitsitɨwame―.

Nɨawari 119:71

'Aixɨa pɨ'ane pemɨnetiukwinitɨa, 'a'aitsika mɨkɨkɨ nepetima.

Nɨawari 73:24

'A'ɨxatsikɨ pepɨnetsi'uwitɨxime, 'arike matsi witsi'aneme pepɨnetsi'ayeitɨani.

Nɨ'ariekate 20:23

Mɨpaɨ xeikɨa nekatinimaika, 'Iyari Mɨtiyupata mɨpaɨ netihekɨatɨakaku naime kiekaritetsie, kename kaunarite meta 'uximatɨarika mana netsihetakwewie.

Mateu 5:12

Xekeneyutemamawieka 'ana xekenenaki'aka mɨpaɨ xetemaitɨ, 'aixɨa 'aneme xekanipitɨariekuni waɨkawa taheima mieme. Mɨpaɨta meteniwaruweiyakaitɨni Kakaɨyari niukametemama meripaitɨ miemete.

Kitsariyaxi 64:4

Xewitɨ tawarita, meripaitɨtɨ mɨpaɨ pɨkati'enawe, meta xewitɨ mɨpaɨ pɨkatinieriwe, xeime Kakaɨyari 'ahepaɨ tiyurieneme pɨkaxeiyawe kemɨ'ane hetsiena memɨtewiya wahetsiemieme 'aixɨa tiyurieneme.

Nɨawari 119:67

Meripaitɨ mexixi nekatikwiniwekai, 'ateewa nepuyeikakai, peru hikɨ 'aniukitsie yanepɨtikamie.

Nɨawari 31:19

Pɨmariwe ke'aixɨa pemɨtiuka'iyari, witsipepɨtiwaxeiya kemɨ'ane memɨmatsi'ayemakaxe, teɨteri wahɨxie 'aixɨa pepɨwayurie kemɨ'ane 'ahetsɨa memuyu'awieta.

Nɨawari 30:5

Haxɨaya 'etsiwa xeikɨa katineutetereni, peru yuhemekɨ pɨtiuyukanaki'erie. Xɨka tɨkarikɨ tsuari xuaweni, ximerita temawierika puxuaweni.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

1 Wani 3:2

Nenaki'erima, hikɨtɨtɨri Kakaɨyari tekaniniwemamatɨni, peru 'akuxi pɨkamatsiɨkɨ ketemɨ'aneneni. Mɨpaɨ tepɨtemate, kepauka matsiɨkɨtɨ mayani Kɨritsitu, mɨkɨ kemɨ'ane, hepaɨna tepɨ'aneneni, tekaneixeiyakuni mɨkɨ kemɨ'ane.

2 Tetsarunikatari 1:6

Kamɨtsɨ, Kakaɨyari heitseriemekɨ katiniyuriemɨkɨ kemɨtiwapinirieni wa'uximatɨatɨ mɨkɨ memɨxe'uximatɨa,

2 Tetsarunikatari 1:4

'Ayumieme tameri 'aixɨa te'utiyuatɨ xehepaɨtsita yatekateniwakuxaxatɨwani mɨkɨ memɨyutixexeɨriwa Kakaɨyari hetsie metewiyatɨ, mɨpaɨ teteniwakɨhɨaweni, kexemɨte'uka'eniwa, yuri kexemɨte'erie mexi xetaweweiyarɨwa, mexi xe'uximatɨarie, meta naime kexemɨ'itɨarietɨwe.

Rukaxi 6:23

»Xekeneyutemamawieka waɨkawa 'iya tukaritsie, xeketeneuye'ani, waɨkawa taheima mieme xekana'iwakuni. Wa'ukiyarima yaxeikɨa mepɨwaruyuri Kakaɨyari niukametemama.

Kitsariyaxi 26:20

Neteɨterima nehetsɨa miemete, yukiita xekeneutahaxɨa xeheutahaxɨame xeketeneunama, yaxeketeneuteri xeyu'awietatɨ, haxɨa hanuyeyayuke.

2 Timuteu 2:10

'Ayumieme ne naime nepɨtinewie memanayexeiyarie wahetsiemiemekɨ, mɨkɨta memaye'axɨanikɨ memɨtawikweitsitɨarienikɨ Kɨritsitu Ketsutsi hetsie metewiyatɨ, mɨpaɨ memɨtepitɨariekakɨ meta yuheyemekɨ witsime'anenetɨ memakɨnekɨ.

'Inɨatsie 5:28

Xɨkata hawaikɨ mɨpaɨ ka'utiyɨni, xɨka 'aixɨa tiuyeikakaitɨni, 'ana mɨkɨ 'atsipɨkayɨni, tiniweyatɨ kanayeimɨkɨ.