2 Kurinitutari 4:16 - Kakaɨyari Niukieya

¹⁶ 'Ayumieme tepɨkawaɨripie. Tsepa herie temɨtipɨnirɨme, tataɨta tekanihekwariyarieka tukarikɨ.

2 Kurinitutari 4:16 ပူးပေါင်းရင်းမြစ်များ

Kitsariyaxi 40:31

peru Yawé hetsie kemɨ'ane memɨtewiya tɨrɨkariya hekwamekɨ mepukaxexeiya, kwixɨri wahepaɨ mepɨtiwɨxɨani: mepɨtinautsa mepɨkatiwaɨripieni, mepuhuni mepɨkati'uxe.

Kurutsetari 3:10

Mɨhekwa pɨta xekenanakatɨki, xehekwariyarieximetɨ yemekɨ kexemɨteyurie hikɨ, xemimaikakɨ Kakaɨyari, mɨxe'utawewi hepaɨ xe'anenetɨ xemakɨnekɨ.

Kitsariyaxi 40:29

Mɨkɨ kemɨ'ane mu'uxe tɨrɨkaɨyeme payeitɨwa, meta kemɨ'ane memɨwerarani puwatɨrɨkariyatɨa.

Xumatari 12:2

Mɨkɨ hikɨ kwiepa memɨtama xepɨkawa'ɨkeni, matsi yɨkɨ xe'anenetɨ xekenakɨni xetihehekwareme kexemɨteku'eriwa. Mɨpaɨ xeteyurietɨ heitseriemekɨ xekaneitimaikuni tita mɨtinake Kakaɨyari, tita 'aixɨa mɨti'ane, titakɨ mɨtinaki'a meta naimekɨ 'aye'atɨ.

2 Kurinitutari 4:1

'Ayumieme mɨpaɨ tetehɨritɨarietɨ tepɨkawaɨripie, matsi ketemɨtenenimayatsie tepɨyɨa.

Nɨawari 73:26

Tsepa newaiyari mɨtimɨxime meta ne'iyari, matsi Kakaɨyari ne'iyari pɨtseiriyani, mɨkɨ nehetsiemieme xeikɨa kanihɨkɨtɨni yuheyemekɨ.

'Epetsutari 3:16

Nepinenewiya, mɨkɨ waɨkawa kemɨrexeiya witsiti'aneneme, mɨxepitɨanikɨ yemekɨ xemɨtɨrɨkariyarienikɨ yuhetsie 'Iyarieya yatixetɨrɨkariyakaku,

Xumatari 7:22

Kenemɨtinemate ne'iyaritsie, nepɨnetemawie Kakaɨyari 'inɨari niukiyarieya hepaɨtsita,

Titu 3:5

mɨkɨ kataniutawikweitsitɨani, tame heitseriemekɨ yatemɨtekahukaikɨ pɨkatiuyuri, matsi mɨkɨ mɨtatsinenimayakaikɨ pɨta. Pɨtatsi'utawikweitsitɨa tatsi'itietɨ hutarieka tatsi'utinuiwitɨaka, 'Iyari Mɨtiyupatakɨ tatsihekwariyatɨ.

Nɨawari 27:13

Perutsɨ xeimekɨ yanepɨtimate: Yawé naki'eriyaya 'akuxi nepɨxeiyani 'ena kwiepa memu'uwa wahamatɨa.

1 Pekuru 3:4

Matsi xekenemariwani kexemɨ'anene yutaɨta hakewa mɨkahematsiɨkɨ herie, yu'iyaritsie pɨta. Xɨka xe'iyari ka'ayu'eriyani xɨka kayuwatɨ 'umaka, mɨkɨ matsi witsipɨrekemari mɨkapɨniwekɨ, kemɨ'ane mɨpaɨ mɨ'ane, Kakaɨyari kwinimieme mariwemekɨ 'aixɨa pɨtixeiya.

'Epetsutari 4:23

Xehekwariyarietɨ xekenakɨni, yu'iyaritsie 'aixɨa xeteyɨkɨhɨawetɨ.

1 Kurinitutari 15:58

'Ayumieme ne'iwama nemɨxenaki'erie, xetseiriyarietɨ xekenakɨni, xepɨkayuyuitɨarinɨaka. Kwini mieme xeketene'uximayaka Ti'aitame hetsiemieme yuheyemekɨ, mɨpaɨ xetemaitɨ, Ti'aitame hetsie xetewiyatɨ tsepa xemɨteyu'uxitɨa, yakɨ xeikɨa pɨkarayani.

Nɨawari 51:10

Kakaɨyari, nehetsie keneunetɨa 'iyari mɨ'itiya, 'iyari nehetsie mɨyeka keneuhekwatɨa.

2 Kurinitutari 12:15

Netsɨ nenetemawietɨ nepɨtitixɨtɨani naime nemɨrexeiya, meta nepunetaxɨtɨani xehetsiemieme, xeme xe'iyari 'aixɨa mɨ'itɨarienikɨ. Perutsɨ xɨka waɨkawa nexenaki'erieka, ¿xeme 'etsiwa xeikɨa xepɨnetsinaki'erie?

Rukaxi 11:3

'Ikwai tukarikɨ ketemɨteheiyehɨwa, tukarikɨ yaketatinemikwani.

Nɨawari 119:81

'Awikweitsitɨarika netakwewietɨ netukari pɨtixɨxime. 'Aniuki kemaine mɨpaɨ nekatinita'ikwewani.

Keremiyaxi 45:3

“'Ekɨ mɨpaɨ peputayɨ: ‘Xɨa'ui ne. Yawé matsi waɨkawa pɨnetsi'uximatɨa. Nepu'uxeri ne'uta'aiwatɨ, 'uxipiya nepɨkakaxeiyawe’.

1 Pekuru 4:14

Xɨka 'axaxetekuhɨawarɨwani Kɨritsitu hetsɨa xemɨmiemetekɨ, xekeneyutemamawieka, mɨpaɨ xetemaitɨ, 'Iyari witsimɨ'ane xehetsie pɨtiwiya, Kakaɨyari 'Iyarieya hɨkɨtɨtɨ, wahetsɨa 'axapɨtikuxaxatsiwa, xehetsɨa matsi 'aixɨa pɨtikuxaxatsiwa.