2 Kurinitutari 3:3 - Kakaɨyari Niukieya

³ Xekanimatsiɨkɨni xeme Kɨritsitu xapaya xehɨkɨtɨtɨ yatetehɨritɨariekaku tame. Mɨkɨ xapa tauxikɨ pɨka'utɨarie, Kakaɨyari mayeniere 'iyarieyakɨ pɨta kani'utɨarieka. Tetetsie pɨkara'uxa, tewi mayeniere 'iyarieyatsie katina'uka.

2 Kurinitutari 3:3 ပူးပေါင်းရင်းမြစ်များ

'Etsekieri 11:19

Ne 'iyari 'aixɨa tiyukɨhɨaweme nepɨwapitɨani, 'iyari hekwame nepɨxe'ukayetsirieni. Tete 'iyariyari memexeiya nepɨwanawairieni, wai 'iyariyari pɨta nepɨwapitɨani,

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

Hepɨrayutsixi 8:10

Peru mɨpaɨ paineta Ti'aitame: «Tɨratu kenemɨtiwatawewirieni 'Ixaheri xiɨyarimama: Mɨkɨ tukari 'aye'ayu ne'inɨari niukiyari wa'eriwametsie nepɨwapitɨani, meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ, mɨkɨta neteɨterima mepɨhɨkɨtɨni.

Hepɨrayutsixi 10:16

«Tɨratu mɨpaɨ 'aneme nekaniwatawewiriemɨkɨ, mɨkɨ tukari 'aye'ayu 'arike ―mɨpaɨ paineta Ti'aitame―: Ne'inɨari niukiyari wa'iyaritsie nepɨwapitɨani, meta wa'eriwametsie nepita'utɨani».

Nɨawari 40:8

Nekakaɨyari, pɨnetsinake kemɨmetinake mɨpaɨ nemɨtiyurienenikɨ, 'a'inɨari niukiyari ne'iyaritsie nepexeiya».

Memeyekɨ 31:18

Kepauka mɨtiutahayewaxɨ tikuxatatɨ Tsinahi hɨriyaritsie Muitsexi matɨa, hutame tetexi pi'ɨitɨa 'inɨari niukiyari maye'uxa pɨhɨkɨtɨkai Kakaɨyari mɨraka'utɨa mana yumamakɨ.

2 Kurinitutari 6:16

¿Kakaɨyari tukitana kemetenake tetexi kakaɨyarixi? Pɨkayɨwetsietɨ. Tame Kakaɨyari mayeniere tukieya tekanihɨkɨtɨni, kemutayɨ Kakaɨyari: «Wahetsɨa nekaniukaimɨkɨ, watsata nekaniuyeikamɨkɨ. Wakakaɨyari nepɨhɨkɨtɨni, mɨkɨta neteɨterima mepɨhɨkɨtɨni». 'Ayumieme mɨpaɨta putayɨ:

Memeyekɨ 24:12

Yawé Muitsexi mɨpaɨ katiniutahɨawe: «Kenatiye'a hɨritsie nehetsɨa, mana keneuyuhayewa. Nepɨmatsiyetuirieni 'inɨari niukiyari, tete wewerimetsie mɨye'uxa meta ne'aitsika nemaka'utɨa para mɨpaɨ xemɨte'u'uwanikɨ».

Hepɨrayutsixi 9:14

Merikɨtsɨ xɨka mɨpaɨ 'anekaitɨni, matsi waɨkawamekɨ katati'itieni Kɨritsitu xuriyaya, mɨkɨ mawari 'aixɨa mɨ'ane kanayuyeitɨani mixatɨanikɨ Kakaɨyari, 'Iyari yuheyemekɨ 'amuyeika mɨpaɨ tipitɨakaku, mɨkɨ xuriyaya katani'itieka ta'iyari mɨkatatsi'utate'anikɨ kemɨtatiutate'akai kepauka mɨpaɨ temɨteyuriekai kɨmana temɨtekwinekekai, te'u'itiyaka, Kakaɨyari mayenieretsie mieme tete'uximayatɨ tepakɨ.

Temaiwawemete 3:3

Hatsuaku pepɨkaratɨtɨmaiyani peti'akanaki'erietɨ meta yuri petikuxatatɨ: 'Aheyemekɨ mɨpaɨ ketinekamieni meta 'a'iyaritsie paitɨ kena'utɨaka.

Temaiwawemete 7:3

'A'itɨwametetsie keneutapietɨkani, kenaka'utɨa 'a'iyaritsie paitɨ.

Nɨawari 84:2

Nepeiyehɨwa ne'iyarikɨ Yawé takwana, 'ariri mana neheuyeimɨtɨ nekanimɨximeni. Nekanikwikani Kakaɨyari tukari mɨtiyupitɨwa ne'iyarikɨ meta naime newaiyarikɨ.

1 Tetsarunikatari 1:9

Mɨkɨtɨtɨ tahepaɨtsita mekatenikuxatani ketɨtɨ reyɨ kepauka tame xehetsɨa temeta'axɨa, kereyɨ kepauka xemɨte'uhayewaxɨ, kepauka Kakaɨyari hetsie xemɨte'uwiyaxɨ kakaɨyarixi xewaruku'eirieka, xemɨte'uximayakakɨ Kakaɨyari mayeyuri yurikɨ 'amuyeika hetsiemieme,

Mateu 16:16

Tsimuni Pekuru mɨpaɨ katinita'eiya: —'Ekɨ Kɨritsitu pekanihɨkɨtɨni, Kakaɨyari mayeniere Nu'aya.

Nɨawari 42:2

Nepeuharimɨkɨ Kakaɨyari hetsie timiemekɨ, Kakaɨyari mayeyuri hetsie. ¿Kepauka Kakaɨyari hɨxie nepɨtakeni?

Memeyekɨ 34:1

Merikɨtsɨ Yawé Muitsexi mɨpaɨ katiniutahɨawe: «Hutame tetexi wewerime keneutixixi matɨari kemɨ'anenekai pemititaraxɨ. Mana nepɨraka'utɨani meripaitɨ kemɨre'ukai.

Matsiɨkɨtɨ kemɨratɨa 3:22

Xewitɨ netɨ mu'enaxɨ, ke'u'ena tita 'Iyari mɨtiwatahɨawe memɨyutixexeɨriwa».

Matsiɨkɨtɨ kemɨratɨa 2:18

»Mɨpaɨ ketineu'utɨiri niuki tuayame Tiyatiratsie memɨyutixexeɨriwa wahetsiemieme: Mɨpaɨ kanaineni Kakaɨyari Nu'aya, kemɨ'ane yɨhɨxie tai mɨtaka hepaɨ maye'ane, meta kemɨ'ane tepɨa hepaɨ 'ɨkateya mɨxawawatɨ:

Matsiɨkɨtɨ kemɨratɨa 2:8

»Mɨpaɨ ketineu'utɨiri niuki tuayame 'Etsimirɨnatsie memɨyutixexeɨriwa wahetsiemieme: Mɨpaɨ kanaineni kemɨ'ane Mexɨakame meta 'Imatɨreme mɨhɨkɨ, meta kemɨ'ane mumɨkai manutanierixɨta:

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

Kutsuhexi 3:10

Kutsuhexi tawarita mɨpaɨ katiniwarutahɨawe: «Hikɨ mɨpaɨ xepɨtehetimani kename Kakaɨyari mayeniere xehamatɨa 'uyeika, kename yurikɨ wataweiyaxɨani kananeutsixi, hetitsixi, heweutsixi, peretseutsixi, keriketseutsixi, 'amuxeutsixi meta kewutseutsixi.

Matsiɨkɨtɨ kemɨratɨa 3:14

»Hikɨ mɨpaɨ ketineu'utɨiri niuki tuayame Rautitseyatsie memɨyutixexeɨriwa: 'Ipaɨ kanaineni kemɨ'ane Niukieya Mɨtse'i mɨtitewa, kemɨ'ane yatikamietɨ yuri haitɨ mɨyuhekɨata, kemɨ'ane mitsutɨa tita Kakaɨyari mɨtiunetɨa:

Matsiɨkɨtɨ kemɨratɨa 3:7

»Hikɨ mɨpaɨ ketineu'utɨiri niuki tuayame Piratepiyatsie memɨyutixexeɨriwa wahetsɨa mɨmieme: Mɨpaɨ kanaineni kemɨ'ane Kakaɨyaritsie mieme mɨpatsie, kemɨ'ane yuri maine, kemɨ'ane Rawiri yawieya makwe'e. Mɨkɨ reuyepieyu xewitɨ pɨkareunani, reunayu xewitɨ pɨkareuyepieni:

Matsiɨkɨtɨ kemɨratɨa 2:12

»Mɨpaɨ ketineu'utɨiri niuki tuayame Perɨkamutsie memɨyutixexeɨriwa wahetsiemieme: Mɨpaɨ kanaineni kemɨ'ane 'ixipara naitsata meutixikakauni mexeiya:

Matsiɨkɨtɨ kemɨratɨa 2:1

»Mɨpaɨ ketineu'utɨiri niuki tuayame 'Epetsutsie memɨyutixexeɨriwa wahetsiemieme: Mɨpaɨ paine kemɨ'ane yutserieta mɨwaratɨkɨ xurawetsixi 'atahutame, meta kemɨ'ane 'atahutame kɨxeme 'uitɨwame hurukɨ mɨwewiyatɨka wahixɨapa muyeika:

Tanieri 6:26

»Mɨpaɨ nepɨtiu'aitaxɨ naitsarie nemɨra'aitatsie teɨteri Tanieri Kakaɨyarieya mekehayexeiyani meta mariweme mekehayeitɨwani. »Mɨkɨ Kakaɨyari mayeyuri kanihɨkɨtɨni, yuheyemekɨ 'akaniuyeikani. Hakewa mɨre'aita hatsuaku pɨkaka'une, 'aitsikaya hatsuaku hawaikɨ pɨkaheu'ani.

Keremiyaxi 17:1

«Kura ke'axamɨtiuyuri katina'utɨarieni tepɨa manuyemɨtsɨkɨ, kana'utɨarieni tepɨa 'atsimɨkayɨwekɨ, tete mɨxixiya 'iyariyaritsie meta mawari taiyameyate 'awateyatsie.

Matsiɨkɨtɨ kemɨratɨa 3:1

»Mɨpaɨ ketineu'utɨiri niuki tuayame Tsarɨtixitsie memɨyutixexeɨriwa wahetsiemieme: Mɨpaɨ kanaineni kemɨ'ane Kakaɨyari 'iyariteya 'atahutame mɨwarexeiya, meta xurawetsixi 'atahutame: Neri mɨpaɨ nepɨtimate kepemɨtiyuriene. Tsepa pe'ayenieretɨ pemɨxatsiwa, peru pepɨmɨki.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

Memeyekɨ 32:15

Merikɨtsɨ Muitsexi kaninuani hɨritsie 'akaneka. Kepauka munua tetexi kana'ɨkaitɨni hutame wewerime, mɨkɨtsie 'inɨari niukiyari kana'utɨkateitɨni naitsata.

1 Kurinitutari 3:5

Merikɨte, ¿'Apuruxi ketita tihɨkɨ? ¿Ne Papuru ketita netihɨkɨ? Kakaɨyari parewiwametemama tekanihɨkɨtɨni, takɨmana yuri xekateniuta'erieni. Ti'aitame kemɨtatiumi taxexuime,

2 Kurinitutari 3:6

Mɨkɨri kemɨtatiupitɨa, pɨtatsi'uhɨritɨa tɨratu hekwame hepaɨtsita, peru 'utɨarika hepaɨtsita xeikɨa pɨkatatsi'uhɨritɨa, matsi 'iyaritsie mieme pɨta pɨtatsi'uhɨritɨa. 'Utɨarika hexeiyatɨ xeikɨa kanimɨmɨkɨ, peru yu'iyaritsie heixeiyatɨ tukari kanipitɨariekamɨkɨ.

2 Kurinitutari 3:7

Mɨkɨ tɨratu kɨmana mumɨni witsi'anetɨ kaninuani tetetsie mɨra'uxakai Muitsexi kemɨtiuhɨritɨarie. 'Ixaheritsixi teɨteriyari mepɨkayɨwawekai Muitsexi nierikaya memɨxeiyakɨ, witsimɨrayexawatɨkaikɨ tsepa mayeyeitɨrirɨmekai.