2 Kurinitutari 13:8 - Kakaɨyari Niukieya

⁸ Tame tɨrɨkariya tepɨkahexeiya temeye'uniekakɨ tita yuri mɨraine, tita yuri mɨraine hetsiemieme temɨte'uximayakakɨ xeikɨa tɨrɨkariya tepexeiya.

2 Kurinitutari 13:8 ပူးပေါင်းရင်းမြစ်များ

Temaiwawemete 21:30

Tewi kemɨtimaiwe Yawé hɨxie tixaɨtɨ pɨkatihɨkɨ, meta tiuyemaitɨ, 'ɨxatsitawetɨ tixaɨtɨ pɨkatihɨkɨ kemutaine.

Marikuxi 9:39

Ketsutsi mɨpaɨ kaniutayɨni: —Xepɨkaheiku'imaiyani. Tewi xɨka tɨrɨkaɨyemekɨ 'inɨari tiyurieneni, mɨpaɨ 'utaitɨ kename nehetsɨa mieme, pɨkayɨwe nehepaɨtsita 'axamainenikɨ.

1 Timuteu 1:20

Mɨpaɨ mekani'aneneni Himeneu meta 'Arekanituru, mɨkɨ nepɨwayetua Kauyumarie hetsɨa, mɨkɨkɨ mɨpaɨ memɨteta'ɨkitɨarienikɨ 'axamemɨkatekuxatanikɨ.

2 Kurinitutari 13:10

'Ayumieme mɨpaɨ nepɨtiuti'utɨa xehetsɨa neka'uyeikatɨ, xehetsɨa nenuame tɨrɨkaɨyemekɨ nemɨkatiyurienenikɨ, tsepa heitserie nemexeiya mɨpaɨ nemɨtiyurienenikɨ. Ti'aitame mɨkɨ heitserie pɨnetsi'upitɨa nemɨxetɨrɨkariyanikɨ, nemɨxeka'unakɨ mɨpaɨ pɨkanetiupitɨa.

2 Kurinitutari 10:8

'Ikɨ heitserie temexeiya tame, Ti'aitame mɨpaɨ pɨnetiupitɨa nemɨxetɨrɨkariyanikɨ, nemɨxeka'unaxɨanikɨ nepɨka'utaine. Merikɨte, xɨka 'etsiwa ne'anuyehaitɨrɨweni mariweme nexatatɨ 'ikɨ heitserie temexeiyakɨ, nepɨkanetewiya mɨpaɨ ne'utaitɨ.

Temaiwawemete 26:2

Wiiki mukuwiene xeikɨa yatɨni 'itsitame yu'itɨa mɨkahexeiya hepaɨ, mɨpaɨ kani'aneni tewi 'axamɨ'itɨarienikɨ yamɨtiutawawie matsi hetsiena pɨkaye'ani.

1 Te'aitamete 22:28

Peru Mikahiyaxi mɨpaɨ kaniutayɨni: —Xɨka 'ekɨ pehakunuani 'aixɨa pereu'erietɨ, mɨpaɨ pɨtimatsiɨkɨni kename Yawé kanetiutaxatɨa. Xeme xeyunaitɨ xepɨkatehatɨtɨmaiyani tinaime kenemutayɨ.

2 Kurinitutari 13:7

Nenewieri tepipitɨa Kakaɨyari, xeme 'axaxemɨkateyuriekakɨ. Mɨpaɨ tepɨkate'iwawirie teɨteri memɨ'inɨatsie wahepaɨ temɨtetaxexeiyanikɨ xeikɨa, matsi xeme 'aixɨa xemɨteyuriekakɨ pɨta mɨpaɨ tepɨte'iwawirie, tsepa tame xani'eriwamete temɨ'eriwa.

2 Kurinitutari 13:9

'Ayumieme tepɨtatemamawie kepauka temɨwerarani tame, xeme pɨta xetɨrɨkawikaku. Mɨpaɨta tepɨtetanenewiwa, xemaye'atɨarienikɨ xeme.