2 Kurinitutari 10:5 - Kakaɨyari Niukieya

⁵ 'Iyaritɨarika tekanika'unarɨmeni teɨteri kememɨteyɨkɨhɨawe, tsepa kemɨtitita Kakaɨyari mɨraye'unie memɨkamaikakɨ, mɨkɨ tekanika'unarɨmeni. Naime 'iyaritɨarika tepanutahɨwa yamɨtikamienikɨ Kɨritsitu kemaine.

2 Kurinitutari 10:5 ပူးပေါင်းရင်းမြစ်များ

Hepɨrayutsixi 4:12

Kakaɨyari niukieya payeniere meta pɨtɨrɨkaɨye, 'aixɨa pɨreutikekema, hepaɨna kareutikekemakaku 'ixipara tsepa naitsata meutixikakauni. Pitixiteke 'ipatatɨ ratukari meta ra'iyari, raturuyari meta ratutanayari naime, pi'inɨata tewi kemɨtiyumate kemɨtiyu'iyaritɨa yu'iyaritsie.

Kitsariyaxi 55:7

'Axatiyuruwame yuhuye ke'uku'eirieni, meta 'axamɨtiyuriene 'axatiku'eriwatɨ ketiuhayewa. Yawé hetsɨa kenuani, takakaɨyari hetsɨa, mɨkɨ puyuwaɨriya mɨreuyehɨwirienikɨ, nenimayatsikaya hetsiena pɨtinake.

Xumatari 7:23

peru 'inɨari yɨkɨ 'aneme nepɨxeiya newaiyaritsie tiwiyame. Mɨkɨ 'inɨari, kenemɨtinemate 'inɨariyari hamatɨa mepuyukwitɨwe. Mɨkɨ 'inɨari 'axamɨ'ane newaiyaritsie mɨtiwiya pɨnetsi'uwi.

Mateu 15:19

Karikɨ 'iyaritsie katinatineikani 'axa'iyaritɨarika, xeime kemɨtiumieni, xeime kemɨtiukumayɨani kayɨ'ɨya kayɨkɨna, kememɨteyukumaɨwa teɨteri kemɨkatiheitserie, 'inawari, 'itarika meta 'axaniuki hipame wahepaɨtsita.

Xumatari 1:21

Kakaɨyari mehetimaika, 'aixɨa mepɨka'utiyuanekai hepaɨtsitana Kakaɨyari hepaɨtsita temutiyuane hepaɨ. Pamɨpariyutsi mepɨka'ipitɨakai, matsi yakɨ metekuxatatɨ mekanakɨne mexi niuki mexɨatɨakai, wa'iyari 'atsikatimaiwekaku, kaniukuyɨre wa'iyaritsie.

1 Kurinitutari 3:19

Kwiepa memɨtama kememɨtemaiwawe, Kakaɨyari hɨxie memɨka'u'iyarini hepaɨ mekani'aneneni. Mɨpaɨ katine'uka: «Memɨtemaiwawe Kakaɨyari yakatiniwakupitɨwani kememɨteku'eriwakaitsie memuyukaxɨrienikɨ».

Keremiyaxi 4:14

Kerutsareme, 'a'iyaritsie keneu'a'iti 'axamɨti'anekɨ, pemɨtawikweitsitɨarienikɨ. ¿Kepaukake pepɨtihayewa 'iyaritɨarika kemɨmatikuyuitɨwa?

Nɨawari 139:2

Pepɨtimate kepauka 'anemayeixa meta kepauka nemanukukeka, Tsepa kemeteewa kenemɨtiyɨkɨhɨawe pepɨtimate.

1 Kurinitutari 1:19

'Ipaɨ katine'uka: «Tita memɨtemate temaiwawemete, mɨkɨ nekanika'unamɨkɨ, tita memɨte'akumate yɨwemete, mɨkɨ nekanixani'eriekamɨkɨ».

Temaiwawemete 15:26

Yawé kaniwa'uxieka 'axateyuruwamete yakɨ xeikɨa kememɨteku'eriwa, matsi pinake niuki mɨheitserie.

Nɨawari 10:4

'Axatiyuruwame teikɨ peneniere 'uyuta'ɨretɨ, 'etsiwatɨma Kakaɨyari pɨkaku'eriwa.

Hepɨrayutsixi 5:9

mɨpaɨ raye'atɨarieka, yuheyemekɨ memɨtawikweitsitɨarienikɨ wapitɨatɨ kanayani, yunaitɨ yamemɨtekahu kemaine,

1 Pekuru 1:22

Xekaniyu'itirieni yu'iyari, tita yuri mɨrainetsie yaxetekahutɨ 'Iyarieya xeparewiekaku, 'ayumieme yu'iwama yurikɨ xekeniwanaki'erieka, 'aixɨa 'iyarikɨ xekeneyunaki'erieka waɨkawamekɨ.

'Etsekieri 17:24

Yunaitɨ kɨyexi yeuta mieme mɨpaɨ mepɨtehetimani kename ne Yawé nehɨkɨ. Kemɨ'ane kɨye mɨmariweni nepewiteke, kemɨ'ane 'etsimutewini nepitaweriya, Kemɨ'ane kɨye mɨyɨra nepitawatsiɨxa, kemɨ'aneta mɨwaki, mɨtaxutunikɨ yanepɨtiyurie. Ne, Yawé, mɨpaɨ neputayɨ, nepeye'atɨani”».

2 Tetsarunikatari 2:8

'Anakeri, matsiɨkɨtɨ kanayeimɨkɨ 'iya 'axamɨtiyuruwame, mɨkɨ Ti'aitame Ketsutsi kanimiemɨkɨ yu'iyakɨ yuteta miemekɨ meta kanika'unamɨkɨ matsiɨkɨtɨ mayuyeitɨanitsie kepauka munuanitsie.

Temaiwawemete 24:9

'Axamɨtiyuriene yutemawietɨ kemɨtiku'eriwa 'axamɨti'ane kanihɨkɨtɨni, teɨteri memɨteyukatawe'erie mekaniwaxani'erieka.

Rukaxi 1:51

Yɨkɨmana kemɨtiyuriene kanimatsiɨkɨni kemɨtitɨrɨkaɨye, kaniwareutaweiyaxɨani mɨkɨ memɨteyukatawe'erie yu'iyaritsie kememɨteku'eriwa.

2 Tetsarunikatari 2:4

Mɨkɨ neye'uniekamɨkɨ kanitawe'eriekamɨkɨ naime Kakaɨyari mɨtitewa meta naime mɨrayexeiyarie, yɨkɨmana kanayerɨmɨkɨ Kakaɨyari tukieyata meta Kakaɨyari puyuxatani.

Tanieri 4:37

'Ayumieme ne, Nawukurunutsuxi, nekaninɨawani, mariweme nekaneyeitɨwani meta 'aixɨa nekanaineni Ti'aitame muyuawitsie makawe hepaɨtsita, yuheyemekɨ kemɨtiheitserie mɨtiyurienekɨ meta heitserie mexeiyakɨ, meta puyuwaɨriya memɨyuti'ɨre tixaɨtɨ mɨkatiwarayeitɨani.

Kitsariyaxi 59:7

Wa'ɨkate kaniyumexɨitɨaka 'axamɨtiyurienikɨ hepaɨtsita, mepuyumexɨitɨa 'atsimɨkatiuka'iyari xuririyaya memɨtayeurienikɨ. 'Axa'aneme xeikɨa 'iyari mekaniwewieka, yuhuyeta mekateniu'unani meta ti'u'unime mekatenikuhayeikawani.

Kitsariyaxi 2:17

Tewi kwinimieme mɨtiyuta'ɨre kanititunariexɨamɨkɨ, teɨteri kememɨteyuti'ɨre tixaɨtɨ pɨkarayeitɨarieni. 'Iya tukaritsie Yawé xeikɨa 'aixɨa katinikuxaxatsiwamɨkɨ,

Hutarieka 'inɨari 15:9

Hawaikɨ yu'iyaritsie 'axa'aneme xepɨkapitɨaka, maye'aximekɨ 'atahuta wiyari, 'ana xemɨtewareuyehɨwiriwa memɨte'apitɨka wiyariyari, mɨpaɨ petiku'eriwatɨ 'a'iwa hepɨrayu tixaɨtɨ mɨkarexeiya pepɨkananaimaka. Nɨkatsɨ mɨkɨ, xe'utaxaneta Yawé hetsɨa, xeme xekatenayukatuakuni 'axaxemɨte'uyurikɨ.

2 Kurinitutari 9:13

Xeme xepɨmatsiɨkɨ kexemɨte'u'inɨatsie mɨpaɨ xemɨtewaparewiekɨ. 'Ayumieme 'aixɨa mekaniutiyuaneni Kakaɨyari hepaɨtsita yaxemɨtekahukɨ, yaxeikɨa kexemɨteyuhekɨata niuki 'aixɨa manɨyɨne hetsie xetewiyatɨ Kɨritsitu hepaɨtsita mɨtikuxata, 'aixɨa 'iyarikɨ xemɨwarumikɨ mɨkɨ hipameta yunaime.

Xumatari 16:26

hikɨrixɨa matsiɨkɨtɨ kanayani. Kakaɨyari niukametemama wa'utɨarika ya'utainekaku, kemɨtiuta'aitaxɨ mɨkɨ Kakaɨyari yuheyemekɨ 'amuyeika, kaniwarutahekɨatɨani yunaime nuiwarite para yamemɨtekahunikɨ yuri mete'erietɨ.

2 Te'aitamete 19:22

¿Kemɨ'ane peputati? ¿Kemɨ'ane hepaɨtsita 'axapeputayɨ? ¿Kemɨ'ane pepanutahiwiexɨa, meta kemɨ'ane peyuta'ɨretɨ kwi pepanutixei? 'Iya Mɨpatsie 'ixaheritsixi wahetsiemieme pekaniuyurieni.

Xumatari 1:5

Mɨkɨkɨ 'aixɨa tepɨ'itɨarie mɨkɨ 'aixɨa tiuka'iyarikaku, tepeutanɨ'ariexɨata para yunaitɨ nuiwarite yuri mete'erietɨ yamemɨtekahunikɨ, kemɨtitewakɨ me'eyexeiyatɨ.

Kitsariyaxi 60:14

'Ahɨxie mepɨkahɨxima'uni kemɨ'ane waɨriyarika memɨxete'aitɨakai waniwema, yunaitɨ kemɨ'ane memɨmatsixani'erie 'a'ɨkatɨa mepɨtihɨxima'uni, “Yawé Kiekarieya” mepɨmateterɨwa, “Tsiyuni Mɨpatsie 'Ixaheri hetsiemieme”.

2 Te'aitamete 19:28

Pemuyeha'akɨ nehepaɨtsita, meta 'axakepemutayɨ nemɨmatsi'u'enikɨ, ne kwatsiturai 'atsuritsie nekaniuyekemɨkɨ meta nekameniutapirenutɨamɨkɨ, meta kemɨ'ane huye 'utɨa pemunua, yanepɨtiyurieni mɨkɨ 'utɨata pemakunuanikɨ.

1 Pekuru 1:2

Xekananayexeiyarieni Kakaɨyari mɨta'ukiyari kemɨtimaikai meripaitɨ, 'Iyarieya xepatakaku xekaniyɨaka, Ketsutsi Kɨritsitu mumieriekɨ, xemeta xekaniu'itiyani xuriyayakɨ, xemɨyuwaɨriyanikɨ yaxemɨtekahunikɨ kemaine: Kwinimieme 'aixɨa ketiuka'iyarini xehetsiemieme, kexepitɨaka yu'iyaritsie xemɨka'uximatɨariekakɨ.

Nɨawari 18:27

Kemɨ'ane tixaɨtɨ memɨkate'ayuyeitɨa pepɨwapitɨa memɨte'ayu'iwanikɨ, peru kemɨ'ane memɨte'uyukatawe'erie tixaɨtɨ pepɨkatiwarayeitɨwa.

Kuwi 42:6

'Ayumieme, kenemutayɨ tawari mɨpaɨ nepɨkatayɨni, kenetineuyehɨwiri 'ena ne'ukaitɨ nepaine tumuanaritsata meta naxitsata».

Nɨawari 18:44

Yapauka menetsi'enietɨ, mepuyuyetuayakai nehetsɨa, teewatari mepɨyɨa, mɨyatɨtɨ nehɨxie mepanakatutsire.

Memeyekɨ 5:2

Parahuni mɨpaɨ kaniutayɨni: —¿Kemɨ'ane mɨkɨ Yawé pɨhɨkɨ, para ne nemenu'enienikɨ 'ixaheritsixi nemɨwapitɨanikɨ? Ne Yawé nepɨkamate, ne nepɨkawapitɨani 'ixaheritsixi memɨyehukɨ.

Tsutɨarika 8:21

Kepauka Yawé 'ɨakariyari witsimu'ɨa mu'ukwixɨ mɨpaɨ katiniuyuhɨawe: «Tsepa teɨteri tɨɨriyari paitɨ 'axamemɨteyurie, tawarita kwie 'axanepɨkayurieni tewi ya'ane wiwiekaku. Metatsiere hatsuakuri nepɨkatiwakwini kwiepa memɨtexɨawe, hikɨ kenemɨtiuyuri.

Keremiyaxi 23:29

Neniuki tai hepaɨ kani'aneni, meta titsuname hepaɨ tetexi mɨti'una —Yawé mɨpaɨ kanaineni—.

2 Kurinitutari 11:20

Xepinewie tsepa xewitɨ mɨxewiya xemɨte'uximayakakɨ waɨriyarika, tsepa xepiini mɨtixe'utixɨtɨiri, tsepa mɨxe'anawiwiya, tsepa mɨxetawe'erie, tsepa mɨxetawaya xehɨxie.

Piriputari 4:7

'Ana Kakaɨyari kanixepitɨakamɨkɨ yu'iyaritsie xemɨka'uximatɨariekakɨ, mɨpaɨ tixepitɨatɨ xe'iyari kani'ɨwiyakamɨkɨ, tsepa xeme 'atsixemɨkatemate kemɨtiyɨweni mi'ɨwiyanikɨ, kexemɨteyɨkɨhɨawetsie kanixe'ɨwiyakamɨkɨ Kɨritsitu Ketsutsi hetsie xetewiyakaku.