2 Kurinitutari 10:12 - Kakaɨyari Niukieya

¹² Mɨkɨ meta, tame tepɨkatawaɨriya temanuyukayayatsanikɨ wa'aurie, temɨta'inɨatanikɨ wahepaɨ te'anenetɨ, mɨkɨ yuhetsiemieme memɨyuhekɨata memɨmariwanikɨ. Mɨkɨ matsi memɨyuti'inɨatakɨ yu'inɨarikɨ, yɨkɨmana memɨyuxeiyakɨ meyu'inɨatatɨwetɨ, 'atsimepɨkatemaiwawe.

2 Kurinitutari 10:12 ပူးပေါင်းရင်းမြစ်များ

Temaiwawemete 27:2

'Ekɨ 'akɨmana 'ahetsiemieme 'aixɨa pepɨkahaineni, hipatɨ pɨta 'aixɨa mekehaitɨkani 'ahepaɨtsita.

Temaiwawemete 26:12

¿Tewi petimate kemɨ'ane timaiweme muyuxata? Tewi mɨkayuwaɨriya muwaparewienikɨ hipame mɨkɨ hetsie matsi katinitakwewiyaka keyuri mɨtiuyemate.

Rukaxi 18:11

Merikɨtsɨ paritseu mana 'utakeka nenewieri kaniyupitɨakaitɨni mɨpaɨ 'utaitɨ: “Kakaɨyari, pamɨpariyutsi nekamanipitɨaka hipame teɨteri wahepaɨ nemɨka'anekɨ ne ―mɨkɨ mepɨtenawaya, heitseriemekɨ yamepɨkatekahu, hipame wa'ɨitama mepɨwakumaɨwa― meta nitsikere 'ikɨ tiwawame hepaɨ nepɨka'ane.

2 Kurinitutari 10:18

Kemɨ'ane yɨkɨmana mɨyuhekɨata, mɨkɨ pɨkamatsiɨkɨ kemɨtiu'inɨatsie, matsi kemɨ'ane Ti'aitame hetsiemieme mɨtiyuriene, mɨkɨ pɨta pɨmatsiɨkɨ kemɨtiu'inɨatsie.

Xumatari 15:18

Nepɨma tixaɨtɨ nemɨtikuxatanikɨ, tita Kɨritsitu mɨtiuyuri yanetiyurienekaku ne mɨkɨ xeikɨa nepɨkuxatani. Yanetiyurienekaku, mɨkɨ memɨkahuriyutsixi yametekahutɨ mekanakɨne, ne'utaniukakaku meta neti'uximayakaku,

2 Kurinitutari 3:1

Mɨpaɨ te'utiyuatɨ tawarita tepɨka'itsutɨa para temɨtatahekɨatakɨ xemɨtatsimaikakɨ 'aku. Hipame wahepaɨ keteteheiyehɨwa xapa mɨtatsihekɨatɨakakɨ temɨmariwanikɨ, yaxemɨte'utɨiyarienikɨ yaxemɨteti'utɨanikɨ nutsu.

Temaiwawemete 25:27

Pɨkayɨwe waɨkawa xiete mɨkwaka, meta 'aixɨa pɨka'ane 'aixɨa pemɨrahɨawarɨwanikɨ pemɨtikuwaɨneni.

2 Kurinitutari 5:12

Mɨpaɨ te'utiyuatɨ tawarita tepɨka'itsutɨa tetahekɨatatɨ xemɨtatsimaikakɨ. Matsi mɨpaɨ te'utiyuatɨ tekanixepitɨaka 'aixɨa xemutiyuanenikɨ xetatsiha'eriwatɨ, niuki xemexeiyanikɨ kɨmana xemɨwata'eiyakɨ mɨkɨ herie mieme xeikɨa meha'eriwatɨ 'aixɨa memutiyuane yuhepaɨtsita, 'iyaritsie mieme memɨkaha'eriwa 'aixɨa me'utiyuatɨ yuhepaɨtsita.

Kuwi 12:2

«Xeme xɨari kiekari xemanukuhana xepɨhɨkɨ. Kepauka xeme xemɨkwini, timaiwetɨ xewitɨ pumaweni.

2 Kurinitutari 10:11

Mɨpaɨ ketiyɨkɨhɨaweni kemɨ'ane mɨya maine, ketemɨ'anene taniukitsie xapa tewewietɨ 'ateewa te'u'uwatɨ, mɨpaɨ yaxeikɨa tepɨteyurieni 'ate'u'uwatɨ.