2 Kurinitutari 1:3 - Kakaɨyari Niukieya

³ Kemɨ'ane Tati'aitɨwame Ketsutsi Kɨritsitu mɨkakaɨyarieya mu'ukiyarieya, mɨkɨ hepaɨtsita 'aixɨa ketikuxaxatsiwani. Mɨkɨ ta'ukiyari katiniyukanenimayaka, meta naimekɨ katiniyunɨtɨwametɨni.

2 Kurinitutari 1:3 ပူးပေါင်းရင်းမြစ်များ

1 Pekuru 1:3

'Aixɨa ketikuxaxatsiwani Kakaɨyari, Tati'aitɨwame Ketsutsi Kɨritsitu mu'ukiyarieya, waɨkawamekɨ kemɨtiuyukanenimaya, hutarieka kataniutinuiwitɨani Ketsutsi Kɨritsitu mɨkite watsata manukuketɨariekɨ, tukari temexeiyanikɨ mexiteta'ikwewa yuri tete'erietɨ, yuniwema katanayeitɨani,

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Nɨawari 86:5

Ti'aitame, 'ekɨ 'aixɨa pekatiniuka'iyarini meta pekanetineuyehɨwiriemɨkɨ, pɨmariwe 'anaki'eriya kemɨ'ane memɨmetsihahɨawe wahetsɨa.

Piriputari 2:11

Yunaitɨ mekaniyutahekɨatakuni, kememɨteheitima Ketsutsi Kɨritsitu kename Ti'aitame hɨkɨ, me'utiyuatɨ, 'ana 'aixɨa katinikuxaxatsiwamɨkɨ Kakaɨyari mɨta'ukiyari.

'Epetsutari 1:17

mɨpaɨ netinenenewietɨ, Tati'aitɨwame Ketsutsi Kɨritsitu Kakaɨyarieya, ta'ukiyari witsimɨ'ane, mɨpaɨ ketixepitɨaka yu'iyaritsie xemɨtemaiwawenikɨ, naitɨ mɨtimatsiɨkɨnikɨ xehetsiemieme xe'imaikaku.

2 Wani 1:9

Yunaitɨ memanuyehaitɨrɨwe, tita Kɨritsitu mɨti'ɨkitatsie metewiyatɨ memɨkayuhayewa, mɨkɨ Kakaɨyari mepɨkahexeiya. Kemɨ'ane tita mɨti'ɨkitatsie tiwiyatɨ mɨyuhayewa, mɨkɨ yu'ukiyari pexeiya meta nu'aya.

Tanieri 9:9

Peru mɨyatɨtɨ tsepa temɨmatsi'uku'eiriekai tematsi'aye'unietɨ temakɨ, 'ekɨ, Tati'aitɨwame, Kakaɨyari pemɨti'akanenimaya meta pemɨtareuyehɨwirieni pekanihɨkɨtɨni.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

2 Kurinitutari 11:31

Kemɨ'ane Ti'aitame Ketsutsi mɨkakaɨyarieya mɨ'ukiyarieya, kemɨ'ane hepaɨtsita 'aixɨa mɨtikuxaxatsiwa, mɨkɨ mɨpaɨ pɨtimate nemɨkati'itawakɨ kenemaine.

Nɨawari 72:19

'Aixɨa keraniuwani hetsiena mieme yuheyemekɨ, kemɨtimariwe ke'utahekɨatsieni naitsarie. 'Aixɨa pɨ'ane, 'aixɨa pɨ'ane.

Nɨawari 18:46

Yawé kaniuyeikani. 'Aixɨa keramamatiwani ne'ai. Kenɨawarieka nekakaɨyari netsiwikweitsitɨwame.

Nehemiyaxi 9:5

Rewitsixi Ketsuha, Karimieri, Wanihi, Katsawiniyaxi, Tserewiyaxi, Huriyaxi, Tsewaniyaxi meta Petahiyaxi mɨpaɨ mekaniutiyuani karima: «Hikɨmɨtɨka, Yawé hetsiemieme 'aixɨa xekeneutiyua takakaɨyari hikɨ mɨtiyehane meta yareuyuhanemekɨ. 'Aixɨa peke'itɨarieka Tati'aitɨwame. Pekenɨawarieka witsikepemɨ'ane kepemɨtitewa, 'aixɨa pɨ'ane pemɨnɨawarieka 'aixɨa pemɨ'itɨariekakɨ.

2 Wani 1:4

Waɨkawa nepɨnetemawiekai nemɨtimariekɨ 'aniwema hipatɨ tita yuri mɨrainetsie metewiyatɨ memu'uwakɨ, 'aitsika ta'ukiyari hetsɨa mieme ketemɨte'upitɨarie.

Wani 10:30

Ne ne'ukiyari hamatɨa tekanitaxewini.

Tsutɨarika 14:20

Kakaɨyari 'Amutewi naimekɨmɨyɨwe pamɨpariyutsi nekanipitɨaka, mɨmatsi'uparewi memɨmatsi'aye'unie pemɨwara'iwakɨ». Hikɨ 'Apɨrami pɨtiyetuiri, tamamatatsie timieme xeime naime.

Wani 20:17

Ketsutsi mɨpaɨ katinitahɨawe: —Pepɨkanetsikuwiwiyani, ne'ukiyari hetsɨa nepɨka'anutiyeiwe 'akuxi. Matsi ne'iwama wahetsɨa kenemie. Mɨpaɨ ketiniwaretahɨawi: “Ne'ukiyari hetsɨa mɨxe'ukiyari hetsɨa nekananutiyeimɨkɨ, nekakaɨyari hetsɨa mɨxekakaɨyari hetsɨa neranutiyanita”.

Kuwi 1:21

Hikɨ mɨpaɨ kaniutayɨni: «Nemawetɨ nemaama hetsie nepayene meta nemawetɨ nepɨyemie. Yawé pɨnetiyetuiriekai Yawé kanetiniunawairieni. Yawé hepaɨtsita 'aixɨa keraniuwani».

1 Kemɨtiuyɨ 29:10

Merikɨte Rawiri Yawé 'aixɨa katiniutahɨawe yunaime teɨteri wahɨxie, mɨpaɨ 'utaitɨ: «'Aixɨa peketikɨhɨawarɨwani Yawé, ta'ukiyari 'Ixaheri Kakaɨyarieya, yemekɨ yuheyemekɨ.

Nɨawari 68:35

Kakaɨyari 'aku, 'atukita pepɨmariwe, 'ixaheritsixi wakakaɨyari tɨrɨkari pɨtiyupitɨwa, yuteɨterima tɨrɨkariya pɨwapitɨa. Kakaɨyari 'aixɨa ketikuxaxatsiwani.

Kitsariyaxi 66:13

Niwekame yuniwe kemɨtinɨtɨwa hepaɨ, mɨpaɨ ne nepɨtixenɨtɨani, Kerutsaremetsie xekaninɨtɨariekuni».

2 Kurinitutari 7:6

Peru kemɨ'ane Kakaɨyaritɨtɨ mɨwanɨtɨa mɨkɨ memɨyuheiwerie, tameta mɨkɨ kataniunɨtɨani, Titu munuakɨ,

Kurutsetari 1:3

Tetanenewietɨ, taheyemekɨ xehepaɨtsita pamɨpariyutsi tekanipitɨaka Kakaɨyari, Tati'aitɨwame Ketsutsi Kɨritsitu 'ukiyarieya,