1 Tsamuheri 9:9 - Kakaɨyari Niukieya

⁹ (Meripaitɨ kiekatari 'ixaheritsixi kepauka Kakaɨyari memɨta'iwawiya, mɨpaɨ meputiyuanekai: «Tewi mɨtixeiya kemɨtiyɨni hetsɨa tepuhu», mɨpaɨ mepɨtewaruterɨwakai 'anamiemete, hikɨta Kakaɨyari niukametemama mepɨtetetewa).

1 Tsamuheri 9:9 ပူးပေါင်းရင်းမြစ်များ

Kitsariyaxi 30:10

Memɨtaneniere Kakaɨyari hetsie timiemekɨ, mɨpaɨ mekateniwakɨhɨaweni: «Kexemɨtetanenierekɨ xeketeneuhayewa», meta Kakaɨyari niukametemama mɨpaɨ mekateniwakɨhɨaweni: «Tawariri tita yuri mɨraine xepɨkatatekuxaxatɨwani. Witsimɨranuyɨtɨka pɨta xeketatenekuxaxatɨwani, xeketenekuxatani witsiketemɨteku'eriwa.

'Amuxi 7:12

Hikɨ 'Amatsiyaxi mɨpaɨ 'Amuxi katiniutahɨawe: ―Keneumieni 'ekɨ pemɨniere, mɨpaɨ petikuxatatɨ xɨka pereu'iwamɨkɨni, kenemie Kura kwieyaritsie.

1 Kemɨtiuyɨ 29:29

Naime Rawiri kemɨtiuyuri, mɨtiutsutɨatsie meta 'imatɨrieka kemɨtiuyuri, kemɨtiuta'aitaxɨ kemɨtitɨrɨkaɨyekai, meta kemɨtiyuri, 'Ixaheri kwieyaritsie kemɨtiuyɨ meta kiekari 'auriena mamanetɨkatsie, naitɨ katinaka'utɨarieni kemɨtiuyɨ xapayaritetsie mɨtaniere Tsamuheri meka'utɨatsie, Kakaɨyari niukameya Natani meka'utɨatsie meta mɨtaniere Kahari meka'utɨatsie.

1 Kemɨtiuyɨ 26:28

Tserumiti meta 'iwamama mepɨhɨritɨariekai, Tsamuheri Kakaɨyari niukameya mɨtiyetua, Tsahuri Kihitsi nu'aya mɨtiyetua, meta 'Awinexi Nexi nu'aya meta Kuhawi Tsariwiya nu'aya memɨteyetua.

2 Te'aitamete 17:13

'Ayumieme Yawé 'Ixaheri kwieyaritsie kiekatari meta Kura kwieyaritsie kiekatari mɨpaɨ katiniwarayehɨtɨani yuniukamete meta memɨtaneniere Kakaɨyari hetsie timiemekɨ: «Xeketeneuhayewa 'axaxeteyurietɨ. Ne'aitsikate xekenaye'atɨaka meta kenemutayɨ, metatsiere naime ne'inɨari niukiyaritsie yaxeketenekahuni kenemɨtiwaruta'aitɨa xe'ukiyarima, meta xeme nemɨxeyetuiri neniukamete yametexekɨhɨawekaku».

2 Tsamuheri 24:11

Hikɨ kwiximeri paitɨ, Rawiri ka'anukukewekaku 'akuxi, Yawé niukieya Kakaɨyari niukameya Kahari hetsɨa kaninuani, Rawiri hetsiemieme mɨtixeiya:

Kitsariyaxi 29:10

Yawé xehetsie kanikawiwieni 'iyari waɨkawa xemeukutsukɨ, Kakaɨyari niukametemama mekaneniereme puwarayeitɨa, Kakaɨyari hetsie timiemekɨ memɨtaneniere wahɨxie pɨwareutinaxɨa.

Tsutɨarika 25:22

Peru hukayahetsie paitɨ meyetetɨ yuhutatɨ tɨɨri mekaniyukwitɨwekaitɨni, mɨkɨ 'ayumieme mɨpaɨ kaniutayɨni: «Xɨka mɨpaɨ netiuka'eniwamɨkɨ, ¿titayari 'anetiuyeikani?» Hikɨ Yawé kaniutahɨawe kanita'iwawiya.

2 Kemɨtiuyɨ 16:10

'Atsá kaniuyeha'ani mɨtaniere mɨya mɨtitahɨawixɨkɨ, hikɨ kanita'aita katsariyanata manutahɨiyanikɨ. 'Ana mɨtiyehane, 'Atsá katiniwakwinitɨakaitɨni yayupaɨmeme teɨteri.

2 Kemɨtiuyɨ 16:7

Hikɨ 'iya tukaritsie neniereme Kananihi kaninuani 'Atsá hɨxie, Kuratsie ti'aitame, mɨkɨ mɨpaɨ katinitahɨawe: «Tsiriya kwieyaritsie ti'aitame parewiya pemutawawirikɨ, Yawé 'akakaɨyari pemɨka'utawawirikɨ, kuyaxi tsiriyutsixi mekameniutawikweiya.

1 Kemɨtiuyɨ 9:22

Kemɨ'ane memanayexeiyarie kitenie memu'uwenikɨ yunaitɨ mekanihɨkɨtɨkaitɨni huta tsienituyari heimana tamamata heimana huta. Wakiekaritsie kanitikateni wanuiwari xapayarite kememɨte'aka'utsie. Rawiri meta Tsamuheri tewi mɨtixeiya, yamekateniwaruhɨritɨani kememɨteyuriekakekai.

'Itsɨkate 1:1

'Ixaheritsixi Yawé mekaniuta'iwawiya, Kutsuhexi 'ukumawereku reutiyetana: ―¿Kemɨ'aneta hikɨ panuyeyerɨni mɨwatakwinikɨ Kananeutsixi?

1 Tsamuheri 9:10

Tsahuri mɨpaɨ kaniutayɨni: —'Aixɨa kani'aneni tekanihuni. Mɨpaɨ mete'uxataka mɨkɨ kiekaritsie mekanekɨne tewi Kakaɨyari mayexeiya manukateitsie.

1 Kemɨtiuyɨ 21:9

Yawé Kahari mɨpaɨ katiniutahɨawe yuniukame, Rawiri hetsiemieme mɨti'uximayakai:

'Itsɨkate 18:5

Mɨkɨ mɨpaɨ mekatenitahɨawe: ―Tematsiwawirie Kakaɨyari pemɨtahɨawekɨ mɨpaɨ temɨtehetimanikɨ xɨka 'aixɨa tetehakunuaxɨakuni.

1 Kurinitutari 12:17

Rawaiyari naitɨ xɨka hɨxitetɨnike, ¿keti'enanikeyu? Naitɨ xɨka nakatɨnike, ¿keri reu'ɨkwenikeyu?