1 Tsamuheri 8:3 - Kakaɨyari Niukieya

³ Perutsɨ mɨkɨ yuhutatɨ nixewitɨ yupaapa hepaɨ tiyurienetɨ pɨka'atɨa, kemɨtiwanake xeikɨa 'axameteyurietɨ mekanakɨne, yuhetsiemieme xeikɨa tumini menaki'erietɨ, ti'itatɨ tumini 'awie mɨnaki'erie, meta hipame 'aixɨa memɨwayurienikɨ yamɨkatiyuriene.

1 Tsamuheri 8:3 ပူးပေါင်းရင်းမြစ်များ

Hutarieka 'inɨari 16:19

'Axaxepɨkateyurieka heitseriemekɨ yaxekatekahutɨ meta hixɨata ti'atɨkaimekɨ xepɨkatekuxatani. 'Axapemɨtayɨnikɨ xɨka xewitɨ tumini matsi'ɨitɨaka mɨkɨ pepɨkatinaki'erieka, mɨkɨ mɨyamɨti'ane mɨtimaiwe kaheuniereme kanayeitɨaka, meta heitseriemekɨ 'amuyeika niukieya kanititunani.

1 Timuteu 6:10

Teɨteri kememɨte'ihiwe'erie tumini, mɨkɨ nanaritsie kaniutineikani naitɨ 'axamɨti'anene, hipatɨ me'ihiwe'erietɨ, mepeuyexɨri yuri mekate'erietɨ mepakɨ, meta mepɨte'uka'eniexɨa waɨkawa hiwerikakɨ.

Nɨawari 15:5

kemɨ'ane tumini mɨtiyuniniɨtɨwa mɨrana'iwakɨ kayɨanetɨ, kemɨ'ane mɨka'inake tumini mɨtanaki'erienikɨ 'aixɨa mɨtiuka'iyari mɨnanaimanikɨ. Kemɨ'ane 'ipaɨ mɨtiuyeika yuheyemekɨ 'apuweni kawatayuitɨariwatɨ.

Memeyekɨ 23:8

»Tumini xɨka xewitɨ 'awie matsi'ɨitɨaka tixaɨtɨ kemɨkatiheitserie pemɨtiyurienikɨ, pepɨka'inaki'erieka, mɨpaɨ 'itsɨkate kemɨkatiheitserie mepɨteyuriwawe.

Memeyekɨ 18:21

'Ekɨ keniwaranayexeiya hipame 'ukitsi 'aixɨa memaitɨka Kakaɨyari hetsiemieme, yurikɨ yuri memɨte'erie Kakaɨyari memayemakaxe kwamanarika memɨkanaki'erie, xeime keneuhɨritɨa xeimiriyari wa'ukiyari mayanikɨ, xeimeta xeitsienituyari wa'ukiyari, xeimeta huta tewiyari heimana tamamata wa'ukiyari, xeimeta tamamata wa'ukiyari.

1 Timuteu 3:3

tawekame pɨkahɨkɨtɨni meta pɨkawatiwayani, tumini pɨkahiwe'erieka, matsi pɨka'ayu'eriyani, pɨkayumieneni,

Kitsariyaxi 33:15

Kemɨ'ane xeikɨa heitserie yamɨtikamie meta heitseriekamekɨ mɨtikuxata, 'axa'anemekɨ tumini mɨkaha'i'iwa, meta tumini mɨtanaki'erienikɨ 'aixɨa mɨtiuka'iyari mɨnanaimanikɨ yuhetsie mɨkapitɨa, mɨkayuwaɨriya teyumemiwamete muwa'enienikɨ, mayukɨpiriya 'axamɨti'ane mɨkatixeiyanikɨ.

2 Tsamuheri 15:4

Mɨpaɨtatsiere 'Awitsaruni putainekai: «Xɨka tiyɨwenike 'ikɨ kwieyaritsie 'itsɨkamekɨ ne'anukakerienike. Yunaitɨ kemɨ'ane 'uximatɨarika mexeiyani yanutsutɨni 'iwaɨrika, nehetsɨa mepɨye'axenikeyu neta 'aixɨa nepɨrakayuruwanikeyu».

Ti'ɨkitame 2:19

'Atsipɨkatimatsiɨkɨ xɨka mɨkɨ timaiwemɨkɨ yatɨ pɨkatimaiweni. Matsi katiniyukapinitɨamɨkɨ waɨkawa neyu'iyaritɨatɨ meta netimaiwetɨ kenemɨtiuyuri 'ena ne'uyeikatɨ. Mɨkɨ meta tixaɨtɨ pɨkaratɨa.

Nɨawari 26:10

teɨteri tumini memumana 'itarikakɨ me'e'iwaka wahamatɨa.

Memeyekɨ 23:6

»Tixaɨtɨ memɨkatehexeiya xɨka metexanetani, kemɨtiheitserie pepɨkatiuku'e'eiriwani wahetsiemieme.

1 Tsamuheri 2:35

»Peru matsi ne xeime nepanukakeni mawari wewiwame yatikamieme, yamɨtiyurieni kemɨnetinake. Hatsuaku nuiwarieya mepɨkaheuyeweni, matsi mɨixa wiyari puyeikani kemɨ'ane nemanayexei ti'aitame hɨxie.

1 Tsamuheri 12:2

Mɨkɨri kanihɨkɨtɨni mɨxeyewitɨni. Neri nepu'ukiratsi meta nepɨmutuxari meta neniwema kiekatari mekanihɨkɨtɨni. Ne nepɨxeparewie temaikɨyaripai hikɨ tukaritsie 'akuxi.

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».