1 Tsamuheri 8:11 - Kakaɨyari Niukieya

¹¹ Mɨpaɨ katiniwarutaxatɨani: —'Ipaɨ katiniyurimɨkɨ ti'aitame, tɨrɨkaɨyemekɨ katinita'aitamɨkɨ xehetsie: Yuniwema xekaninawaiyariekuni para kaxetate memɨwahɨtɨkanikɨ meta kawayutsixi kuyaxi watewama, meta ti'aitame kaxetaya manuyeyeikatsie memɨte'anuyepiwanikɨ.

1 Tsamuheri 8:11 ပူးပေါင်းရင်းမြစ်များ

1 Tsamuheri 14:52

Kepauka Tsahuri mɨti'aitakai puyumienekai piritsiteutsixi wahamatɨa kwinimieme. 'Ayumieme kepauka Tsahuri xeime mɨxeiya tɨrɨkaɨyeme, mɨkɨ kaniwaruta'iniwakaitɨni kuya hetsiena mieme mayanikɨ.

1 Tsamuheri 10:25

Merikɨte Tsamuheri kaniwarutaxatɨani teɨteri, Kakaɨyari 'aitsikaya ti'aitame hepaɨtsita mieme, xapatsie tiwaruta'utɨirieka niti'uta Yawé hɨxie. Meta mɨpaɨ katiniuta'aita memɨtayeixɨanikɨ yunaitɨ yukiekaritetsie.

2 Tsamuheri 15:1

Merikɨtsɨ yapaɨmexɨa tukari 'anukayaku, 'Awitsaruni kaxetate kuyaxa mieme kanikuwauni, yayupaɨmemeta kawayutsixi, yaxeikɨata 'ihɨwemete kuyaxi huta tewiyari heimana tamamata meyupaɨmeme kaniwarukuxeɨrieni.

1 Te'aitamete 10:26

Kaxetate kuyaxa miemete Tsarumuni waɨkawa warexeiyatɨ patɨa meta kawayutsixi: xeimiriyari heimana nauka tsienituyari (1.400) paɨmeme kaxetate kuyaxa mieme pɨwarexeiyakai meta kawayutsixi tamamata heimana huta miriyari (12.000) mepɨyupaɨmekai, mɨkɨ pɨtiwamikwakai kuraruta waye'ɨnatɨ metatsiere Kerutsareme paitɨ yuparatsiyu 'aurie.

1 Te'aitamete 18:46

Hikɨ Yawé tɨrukariyaya kaninuani 'Eriyaxi hetsie, yuhɨiyamekɨ 'anayuhɨaka kaniutanautsa, Ketsireri paitɨ kaniuta'ani 'Akawi 'akuxi kata'awekaku.

1 Te'aitamete 12:10

Mɨkɨ temari, hamatɨana memutiwawerixɨ, mɨpaɨ mekatenita'eiya: —'Ikɨ teɨteri 'ipaɨ memɨmetehahɨawe ti'aitame: “'Apaapa kwinimieme raheteme yuku pɨtatsi'utitɨtɨa, 'ekɨri ha'exanime kenayeitɨa”. Neuxei, 'ipaɨ ketiniwaruta'eiya: “Xɨka nepaapa waɨkawa tixe'uta'uximayatsitɨani, ne matsi tawari waɨkawa nepɨtixeta'uximayatsitɨani.

1 Te'aitamete 12:4

—'Apaapa kwinimieme raheteme yuku pɨtatsi'utitɨtɨa teka'ikemakame. Hikɨri 'ekɨ ha'exanime ketaneutitɨtɨa te'ikemakame, keyuri 'apaapa mɨtatsi'utitɨtɨa, hikɨ 'ana tepɨmateta'uximayatsirieni.

1 Te'aitamete 1:5

Merikɨtsɨ 'Aruniyaxi Rawiri nu'aya Kakiti matɨa memeyexei, kaniuyukuha'aritɨani mɨpaɨ 'utaitɨ: «Ti'aitame nepayani». 'Ayumieme yuwaɨkawame kaniwarukuxeɨrieni kuyaxi. Kaxetate kuyaxa miemete meta kawayutsixi kaniwarukuxeɨrieni meta huta tewiyari heimana tamamata kuyaxi 'ihɨwemete.

1 Tsamuheri 8:9

Merikɨte keniwaranu'eni kememaitɨka, peru keniwarayemari'itɨa hahekɨakamekɨ kemɨtiyurieni mɨkɨ ti'aitame wahetsie tɨrɨkaɨyemekɨ».

1 Te'aitamete 14:27

Hikɨ mɨkɨ hetsiemieme Xuwuhani kaniti'aita hepaɨna 'aneneme peru wurunitse tepɨayarikɨ wewiyatɨkaime, hikɨ kaniwaruhɨritɨani kuyaxi wa'ukiyarima paratsiyu 'amɨpa kitenieyaritsie memɨtehɨkai.

1 Tsamuheri 22:7

mɨkɨ mɨpaɨ katiniwarutahɨawe: —Xekeneu'enana, Wenikamini nuiwarimama, ¿xemeta yuri xete'erie 'Itsahi nu'aya kename kwie xeyetuiriexɨani yaxeikɨa kaxie haraweriyari meta kuyaxi xeimiriyaritsie miemete meta xeitsienituyaritsie miemete wa'ukiyarima xehayeitɨanike xete'erie?