1 Tsamuheri 6:9 - Kakaɨyari Niukieya

⁹ xekenetaxeiyani. Xɨka Weti-Tsemetsi heye'ani yukwieyaritsie paitɨ, mɨpaɨ tepɨtehetimani kename Yawé tiyuriene mɨyamɨtatikwinitɨa. Peru xɨka kaxeta xaɨtsie heukuyune, mɨpaɨ tepɨtehetimani kename mɨkɨ katatsi'uyuri, kename takɨmana tete'utikwikwinixɨ».

1 Tsamuheri 6:9 ပူးပေါင်းရင်းမြစ်များ

Kutsuhexi 15:10

Manata nekutunikaitɨni Wará hetɨa, Tsehixi hɨriyaritsie hepa kaneutayunekaitɨni, teikɨmana kaneutiyunekaitɨni Yeharini hɨriyari 'etsata kaniye'atɨkateitɨni, mɨtitewakai meta Ketsaruni, manata Weti-Tsemetsi hepatsie, Timinaha 'uyehanetɨ.

Rukaxi 10:31

Merikɨte 'atsikatimaitɨ kemɨtiuyɨ mana neukamiekaitɨni mawari wewiwame mɨkɨ huyeta, 'ixeiyaka mana kaniuyeyani yatewa.

Ti'ɨkitame 9:11

Nepune'ɨwiyaxɨta 'ena kwiepa memanautsawawe xeikɨa mepɨkatehayu'iwa, meta mepɨkatehayu'iwa xeikɨa waɨkawa memɨyɨwawe, metatsiere memɨtemaiwawe xeikɨa mepɨkate'utikwa'ani, meta memɨtemateta tumini waɨkawa mepɨkahexeiya, meta memɨte'uyemate mepɨkayutemamawie 'aixɨa metexeiyarietɨ, matsi pɨta yunaitɨ wahetsie kani'axeni tukarite 'aixɨa 'anenetɨ meta 'axa'anenetɨ.

2 Tsamuheri 1:6

Mɨpaɨ katinita'eiya niuki mi'atɨiri: —Ne 'atsinekatimaitɨ Kiriwuha yemuriyaritsie nekaneyeikakaitɨni. Ne nekaneixeiya kepauka Tsahuri yupitsikatsie meyukaxui, hikɨ kuyaxi kaxetatetsie me'utetɨ memeye'unie mekanehuraweiyakaitɨni meta kawayutsixi wahetsie me'utetɨ.

1 Tsamuheri 6:3

Mɨkɨ mɨpaɨ mekateniwaruta'eiya: —Xɨka mɨpaɨ xeteku'eriwani xe'iyetuakuni 'Ixaheri Kakaɨyarieya tɨratuya kakunieya, yuxaɨtame xepɨkaheinɨ'awani, kaneuyeweka 'imikieri xemɨte'iyetuirieni Kakaɨyari. Hikɨ 'aixɨa xeteheu'erietɨ xekanakɨnikuni meta mɨpaɨ xekatenetimaikuni ketitayari Kakaɨyari mɨxetikwinitɨakai.

Kutsuhexi 21:16

'Ahini, Yutahu meta Weti-Tsemetsi, 'atanauka kiekarite naitɨ kanihɨkɨtɨni.

'Amuxi 3:6

Kuxineta kiekaritsie kaniutahɨtsieriwani kiekatari mɨpaɨ memɨteyu'ɨwiyanikɨ. Kiekaritsie yɨkɨ pɨkatiyɨni xɨka Yawé mɨpaɨ kahaineni.

Kitsariyaxi 26:11

Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.

1 Tsamuheri 6:10

Mɨpaɨ mekateniuyurieni yuhutame wakaitsixi meniwetɨkaime kaxeta mekaniwaranawirieni meta tsikerutsixi kuraruta mekaniwareɨ'ɨna.

1 Tsamuheri 6:12

Hikɨ wakaitsixi me'utitsuatɨ huyeta mekanekɨne, Weti-Tsemetsi mɨrakutewatsie huyeyari 'utɨma, xaɨtsie tɨma mepɨkaheukuyunixɨ. Piritsiteutsixi wa'ukiyarima kaxeta'utɨa mekanekɨne, Weti-Tsemetsi kwieyaritsie mekaniye'axɨani.

Memeyekɨ 8:15

Hikɨ Parahuni 'aixɨa 'iyarieya kaniuyɨni, peru Yawé 'iyarieya kaniutseiriya, Yawé kemɨtiwarahɨawekai, Muitsexi 'Aruni mame pɨkawa'enimɨkɨkai.

1 Te'aitamete 4:9

Rekaxi nu'aya pɨhɨritɨariekai Makatsi hetsie, Tsariwini hetsie, Weti-Tsemetsi hetsie meta 'Eruni-Weti-Kanani hetsie.

2 Kemɨtiuyɨ 25:21

Hikɨ 'ayumieme Kuhatsi, 'Ixaheri kwieyaritsie ti'aitame, kaneyani Weti-Tsemetsi paitɨ, Kura kwieyaritsie, 'Amatsiyaxi hamatɨa mɨyutamienikɨ.