1 Tsamuheri 6:5 - Kakaɨyari Niukieya

⁵ Hikɨ 'ayumieme haiya 'amɨnene hepaɨ 'aneneme xekeneutiwewi meta naikatsi wahepaɨ me'aneneme, memɨtekɨxɨrɨwa 'ikɨ kwieyaritsie meta mɨpaɨ xeketenetimati 'ixaheritsixi wakakaɨyari pɨmariwe. Heiwatɨ tiuhayewa tixekwinitɨatɨ meta xekakaɨyarixi yaxeikɨa xekwietsie.

1 Tsamuheri 6:5 ပူးပေါင်းရင်းမြစ်များ

Kutsuhexi 7:19

Hikɨ Kutsuhexi mɨpaɨ katinita'iwawiya: ―Neuxei neniwe, heitseriemekɨ 'aixɨa keneutayɨki Yawé hɨxie 'ixaheritsixi takakaɨyari. Kenetineutaxatɨa kepemɨtiuyuri. Tixaɨtɨ pepɨkaneranukanamirieka.

1 Tsamuheri 5:11

Hikɨ 'ukirawetsixi piritsiteutsixi mekaniwarukuxeɨrieni, mɨpaɨ mekateniwarutahɨawe: «Xekenanukwe'i 'Ixaheri Kakaɨyarieya kakunieya. Xekenetuayu hakewa memieme, mɨkatatsikwinikɨ tame yaxeikɨa ta'iwama». Mana waɨkawa memɨmamakaikɨ mekakwikutɨ, Kakaɨyari waɨkawa kwiniya mutatuakɨ wahetsiemieme.

Wani 9:24

Hikɨ hutarieka mekanitahɨawe tewi mɨkaheunierekai, mɨpaɨ mekatenitahɨawe: —'Aixɨa keneutayɨki Kakaɨyari hepaɨtsita. Tame tepɨtemate mɨkɨ tewi 'axakatiniyuruwametɨni.

Kitsariyaxi 42:12

Yawé mariwemekɨ xekenekuxatani kwikarieya xekeneutikwikani 'ateewa paitɨ haramara tetsita.

Keremiyaxi 13:16

Yawé yukakaɨyari 'aixɨa xeketenahɨaweni, mexi'akɨxi yɨriya kaheyenɨ'awe meta 'akuxi xeme hɨri mɨ'e'etɨtsie xekahekaxɨriwawe. Xeme hekɨariya xepɨtakwewie, peru mɨkɨ kanipatamɨkɨ yɨriya 'amayetsuyekɨ, 'ɨyuwime kanayeitɨamɨkɨ.

Nɨawari 32:4

Waɨkawa nekaheutɨrɨkaɨyetɨ nekanayani taxarita xɨrikɨ ketemɨtetiweranare hepaɨ, tukarikɨ tɨkarikɨ pemɨnetikwinitɨakaikɨ.

1 Tsamuheri 5:9

Merikɨte meheikutuaku mɨkɨ kiekaritsie, Yawé 'uximatɨarika kaneyenɨ'ani mɨkɨ kiekaritsie, haiya 'amɨnenekɨ mepɨte'uka'eniwakai mana kiekatari, tɨɨri meta 'ukirawetsixi. Mɨkɨ waɨkawa mepɨmamakai.

Matsiɨkɨtɨ kemɨratɨa 16:9

Yunaitɨ teɨteri mekaniti'iwarikirekaitɨni, peru mɨyatɨtɨ mepɨkate'uhayewaxɨ, Kakaɨyari hepaɨtsita 'aixɨa memaitɨkaniyari, heitserie mexeiyakaikɨ mɨpaɨ mɨtiwakwinitɨanikɨ, kemɨtitewa hepaɨtsitana 'axameputiyua.

Matsiɨkɨtɨ kemɨratɨa 14:7

Kaniutahiwakaitɨni karima: «Kakaɨyari xekenayemakaxeni, meta 'aixɨa xekeneutiyuaneni hepaɨtsitana, 'ari kanaye'ani mɨwatahɨawekɨ 'itsɨkametɨtɨ. Xekenayexeiyani naime mɨtiutiwewi muyuawi, kwie, haramara meta haixate».

Matsiɨkɨtɨ kemɨratɨa 11:13

'Ana kwitɨwa kwie karima kaniutayuani. Kiekari tamamatatsie mieme xewitɨ kaneuku'une. 'Atahuta miriyari meyupaɨmetɨ teɨteri mekaniukwini, peru memuyuhayewaxɨ waɨkawamekɨ memamatɨ, Kakaɨyari taheima makawe hepaɨtsita 'aixɨa mekatenikuxatakaitɨni.

Marakiyaxi 2:2

Xɨka xekanetsihanu'enieni meta xɨka xekayuwaɨriya mariweme xemɨnetsi'ayeitɨani, xehetsɨa 'axamɨ'ane nepanunɨ'ani, ke'aixɨa nemɨxeyuriekai nepipata 'axanepɨxeyurieka. 'Ari matsi 'axanekanixe'uyurieni, xeme heitseriemekɨ xemɨkanetsi'ayexeiyakɨ —Yawé Naimekɨmɨtɨrɨkaɨye mɨpaɨ kanaineni—.

Kuheri 2:25

«Ne nepɨtixekɨhɨwirieni kepaɨmexɨa wiyari xemɨteheuyehɨa naime, 'iya kuyaxi memɨyumɨire tekɨmemete wahekɨ kenemɨtiwarenɨ'a xehetsɨa: 'amemɨnene, meta yakɨmemɨnene, 'etsimemɨpepe meta kwimemɨpepe.

Keremiyaxi 3:13

Keneu'atimaixɨa xeikɨa ke'axapemɨtiuyuri, meta kename Yawé pe'aye'unietɨ pehatɨa 'akakaɨyari. Naime kɨyexi mɨ'e'etɨtɨka hetɨa hipame kakaɨyarixi pepɨwarayexeiyakai, meta kepemɨkati'awaɨriya yapemɨtikamienikɨ”».

Kitsariyaxi 19:1

Niuki 'Ekipitu hepaɨtsita mieme: Yawé xekeneuxeiya. 'Ekipitu kaniye'aka hai kwinimieme 'ayɨweme hetsie 'akaitɨ. 'Ekipitu miemete kakaɨyarixi me'ixeiyatɨ mekaniutiyɨyɨakani, 'ekipitutari wa'iyari kanitiweranareni.

Nɨawari 66:3

Kakaɨyari mɨpaɨ xeketeneutahɨawi: «Yemekɨ pɨmamariwawe 'a'uximayatsika. Pɨmariwe 'atɨrɨkariya memɨmetsi'aye'unie 'ahɨxie memamatɨ mepuyuyetua.

Nɨawari 39:10

'Ariri pepɨkanetsitiwayani, 'a'iwaɨyɨ pɨnetsikumemiwatɨma.

Nɨawari 18:44

Yapauka menetsi'enietɨ, mepuyuyetuayakai nehetsɨa, teewatari mepɨyɨa, mɨyatɨtɨ nehɨxie mepanakatutsire.

'Inɨatsie 33:4

mɨkɨ mexixi yuniwema matɨari miemete mewateukutɨwekai, Yawé mɨwarukwikai kwiniyakɨ. Yaxeikɨata yaputayɨkai kakaɨyarixi 'ekipitutari wahepaɨtsita.

Memeyekɨ 12:12

»Mɨkɨ tɨkariyaritsie 'Ekipitu kwieyaritsie nekaniye'amɨkɨ, yunaime tɨɨri mexɨakate nekaniwakwimɨkɨ, yaxeikɨata tewaxi meta nekaniwaranutaxɨrimɨkɨ kakaɨyarixi 'Ekipitu miemete, ne Yawé nekanihɨkɨtɨni.

Memeyekɨ 8:24

Mɨpaɨ katiniuyurieni Yawé. Haiwitɨri 'a'ayetsutsuitɨ nakatexɨani Parahuni paratsiyuyatsie meta hetsɨana memɨte'uximaya wakii hetsie meta naitsarie 'Ekipitu, nakatarixi xeikɨa mekanihɨkɨakaitɨni. Nakatarixi wahekɨ 'Ekipitu kiekariyaritsie 'axakatinayeyɨni.

Memeyekɨ 8:17

Mɨpaɨ katiniuyurieni. Hikɨ 'Aruni yu'itsɨkɨ kwiepa katiniukawaxɨani, hikɨ kwaunitɨtɨ xaipɨtsi mekanayexɨrieni teɨteri mekaniwakukewekaitɨni meta tewaxi. Naitsarie 'Ekipitu kwieyaritsie kwauni xaipɨtsi mekanakɨne.

Memeyekɨ 8:5

Hikɨ Yawé Muitsexi mɨpaɨ katiniutahɨawe: «'Aruni mɨpaɨ ketineutahɨawi yu'itsɨ haa manuyehapane keheutatsera, 'aki manuyehapane, harakuna mayemanetsie, naitsarie 'Ekipitu kwieyaritsie temutsi memɨtixuawerekɨ».

1 Tsamuheri 6:8

Hikɨ Yawé kakunieya xekeneutikweka kaxetatsie xekeneukateka. Xeimeta kakuni 'auriena xekeneutiteka hurukɨ xemɨtewarutiwewi haiya meta naikatsi wa'ɨkiyarite, Kakaɨyari xemɨteyetuirienikɨ. Kaxeta xekanihayewakuni yuxaɨta mɨyemiekɨ,

1 Kemɨtiuyɨ 16:28

»Yawé xeketeneyetuiri, yunaitɨ teɨteri, Yawé yaxeketeneutahɨawi witsikemɨ'ane meta kemɨtitɨrɨkaɨye.

1 Kemɨtiuyɨ 16:29

Yawé yaxeketeneutahɨawi witsikemɨ'ane mɨmariwekɨ, hɨxiena xekeneu'axɨa 'imikieri xete'epinirietɨ, Yawé xekenayexeiyani tukieya witsimɨ'aneta.

Kunatsi 3:9

'Atsitepɨkatemate. Heiwatɨ Kakaɨyari tareuyehɨwirieni, heiwatɨ 'uhaxɨapieni, mɨpaɨ 'ana temɨkakwinikɨ».