1 Tsamuheri 5:7 - Kakaɨyari Niukieya

⁷ 'Atsiruri memɨtamakai teɨteri yamepɨtehetima, ketitayari mɨya mɨtiyɨanekai mɨpaɨ meputiyua: «'Ixaheritsixi wakakaɨyari kakunieya 'ena pɨkayuhayewani takiekaritsie, mɨkɨ kakaɨyari yuhaxɨa tahetsie peyenɨ'a meta takakaɨyari Rakuhuni hetsie».

1 Tsamuheri 5:7 ပူးပေါင်းရင်းမြစ်များ

Memeyekɨ 12:33

'Ekipitutari, mepɨwamexɨitɨakai 'ixaheritsixi mɨkɨ kwieyaritsie memayekɨnekɨ. Mɨpaɨ meputiyuanekai: «Xɨka mekahekɨne tame tekanikwikuni».

Keremiyaxi 48:7

'Awewiyatsie pemɨtiwiyakɨ meta 'apiinitɨarikatsie, 'ekɨtatsiere pekaniwiyariemɨkɨ. 'Akakaɨyari Kemuxi mɨtitewa kananutɨkiemɨkɨ xeime kwieyaritsie, mara'akatemama meyunaitɨ meta memɨwaparewiekai.

Keremiyaxi 46:25

Yawé Naimekɨmɨtɨrɨkaɨye, 'Ixaheri Kakaɨyarieya mɨpaɨ kanaineni: «'Amuni nekatinikwinitɨamɨkɨ, Tewatsi kiekariyari wakakaɨyari, meta 'Ekipitu, meta wakakaɨyarixima meta mana te'aitamete, meta Parahuni meta yunaime kemɨ'ane hetsiena memɨtewiya.

1 Kemɨtiuyɨ 15:13

Matɨari tepɨkaxe'uta'ini xeme, tameta Yawé takakaɨyari tepɨka'uta'iwawiyaxɨ, yemekɨ kemɨreuyewetse, 'ayumieme mɨkɨ puyeha'a tahepaɨtsita».

2 Tsamuheri 6:9

'Ana Rawiri Yawé waɨkawa 'ayemakatɨ kanayani, mɨpaɨ kaniutayɨni: «'Aixɨa pɨyɨni matsi Yawé kakunieya xɨka nekahekweni».

1 Tsamuheri 6:20

Weti-Tsemetsi memɨtamakai mɨpaɨ mekaniutiyuani: «Kakaɨyari Yawé kanihɨkɨtɨni mɨpatsie. ¿Kemɨ'ane hɨxiena putakewe? ¿Hakewa tepenunɨ'ani kakunieya tahetsɨa mɨkayuhayewanikɨ?»

1 Tsamuheri 4:8

Neuxei tameri keteyɨaka. ¿Kemɨ'ane pɨtatsiparewieni kakaɨyarixi memɨtɨrɨkawi wahetsɨa, makumawetsie memɨwaruka'unaxɨ 'ekipitutari yunaime waɨkawa kwiniyakɨ?

Memeyekɨ 10:7

Merikɨtsɨ Parahuni mɨtiwa'aitɨakai mɨpaɨ mekatenitahɨawe: —¿Kepaukake 'ikɨ pɨtihayewa tawiniyari hɨkɨtɨtɨ? Keniwarupitɨa memeuhunikɨ teɨterimama, para memeyexeiyanikɨ Yawé yukakaɨyari. 'Ekɨ xɨari 'atsipepɨkatimate mepɨte'uka'eniwa 'ekipitutari.

Memeyekɨ 9:28

Hawaikɨ tawariri nepɨkawakunuitɨani, nepɨwapitɨani memayekɨnekɨ, perutsɨ Yawé xekenetawawiri nehetsimieme, tɨranari meta tee wiyeriyari mɨkaxuawenikɨ.

Memeyekɨ 8:28

Parahuni mɨpaɨ katinita'eiya: —Nepɨxepitɨani xemɨte'imawirieyukɨ Yawé yukakaɨyari humapaitɨ. Peru 'ateewapai xekahekɨkatɨ, meta xepeitawawirieni nehetsiemieme.

Memeyekɨ 8:8

Hikɨ Parahuni, Muitsexi 'Aruni mame kaniwarutakwewieni. Mɨpaɨ katiniwarutahɨawe: —Yawé xekeneutawawiri temutsi mɨwataweiyakɨ nehetsie meta neteɨterima wahetsie, neta nepɨxepitɨani xemɨyehukɨ xemɨteheitimawirienikɨ.

1 Tsamuheri 5:6

Yawé 'Atsiruri memɨtamakai meta yateewa wa'aurie memɨtamakai, haiya 'amɨnene pɨwareyenɨ'airi memɨte'uka'eniwanikɨ.

1 Tsamuheri 5:8

Hikɨ yunaime piritsiteutsixi 'ukirawetsixi mekaniwarukuxeɨrieni mɨpaɨ mekateniwaruta'iwawiya: —¿Kete'iyurieni 'ikɨ 'ixaheritsixi wakakaɨyari kakunieya? Mɨpaɨ mekateniwaruta'eiya wa'ukitsiema: —Kahati kiekariyaritsie xekenetuayu. Hikɨ mɨpaɨ mepɨte'uyuri.