1 Tsamuheri 30:16 - Kakaɨyari Niukieya

¹⁶ Merikɨte 'Ekipitu kiekame 'amarekitsixi wahetsɨa kaniwarewitɨni, mɨkɨ mana memakutekaitsie mepakɨnɨkai mekaniyutemamawiekaitɨni, metekwatɨ meta me'ietɨwetɨ, piritsiteutsixi wapiini memɨtewarunawatsiriekaikɨ meta Kura kiekatari.

1 Tsamuheri 30:16 ပူးပေါင်းရင်းမြစ်များ

1 Tetsarunikatari 5:3

Kepauka mɨpaɨ memutiyuaneni: «Kayuwatɨ tepexeiya, tepɨkakweriwa'a», 'ana mekanika'unariekuni, yapauka pɨwa'axe 'uka mɨtiniwerɨme kwiniyaya mi'axe hepaɨ. Mepɨkatawikweni.

Kitsariyaxi 22:13

Peru neuxei, temawierika puxuawe. Wakaitsixi mepɨmawarie, muxatsi mepɨtakwikwiwa, wai pukwaiya meta winu pɨ'iya. «Tepɨtekwaka tepɨ'ietɨweni, 'uxa'a temɨkwinikɨri».

Kuwi 20:5

'axamɨtiuka'iyari kemɨtiyutemawie 'apɨkareutere, Kakaɨyari mɨka'ayexeiya temawierikaya yakatinimieni.

2 Tsamuheri 13:28

'Ikɨ 'Awitsaruni yuhetsɨa te'uximayatamete mɨpaɨ katiniwaruta'aitɨani: «'Aminuni xekenexeiyani xepɨkaheiyehɨpani. Kepaukari waɨkawa mɨtawekatsie ne yanekanitayɨmɨkɨ kepauka xemenukuweiya hikɨ xeme xekaneimiekuni. Xepɨkaheumamaka ne matsi nekanihɨkɨtɨni mɨpaɨ nemɨxeti'aitɨa. Xekeneyuwaɨriyani xekenetɨrɨkawini».

1 Tsamuheri 30:14

Kereteutsixi tau manatineika tserieta memɨtamakai tekateniwarekunawatsirieni, Kura kwieyaritsie meta Karewi kwieyaritsie meta Tsikɨraki kiekariyari tetehetataiyaxɨ.

Memeyekɨ 32:6

'Uxa'arieka ximeripaitɨ 'ixaheritsixi mekananuku'uni mekateni'atɨani mawari taiyariyari meta kename 'aixɨa memɨteyuxeiyanikɨ mawariyari. Hikɨ yunaitɨ mekananukayaxe mekateniukwani mekaniuti'ieni, kemɨtiwanake mekaniyɨakaitɨni.

Kutsuhexi 22:8

mɨpaɨ 'utaitɨ: «Xekenakunuaxɨa yukie 'aixɨa mɨti'ane xetehexeiyatɨ: huru, pɨrata, wurunitse, tepɨate, waɨkawa yukemarite meta waɨkawa tewaxi. Yunaitɨ xeketeneyumikwani 'iwamarixi tita xemɨtewarenawairi temɨwaraye'unie».

1 Tsamuheri 30:15

Hikɨ Rawiri mɨpaɨ katinita'iwawiya: —¿Mɨkɨ tenawayamete hakewa mepe'uwa wahetsɨa ketananuwitɨki? 'Ekipitu kiekame mɨpaɨ katinita'eiya: —Kakaɨyari hɨxie 'ekɨ yakenetineutahɨawi, kename pekanetsimieni meta neti'aitɨwame hetsɨa pekanetsiyetuani. Mɨpaɨ netimaitɨ nekaxenanuwitɨmɨkɨ hakewa memekutei tenawayamete.

Nɨawari 119:162

Ne nepɨnetemawie 'aniukikɨ kepemutayɨ, tewi waɨkawa mɨtiukaxei kemɨtiyutemawie hepaɨ.

Kitsariyaxi 9:3

'Ekɨ nuiwari muwerenikɨ yapepɨtiuyuri, waɨkawa temawierika pepɨwarupitɨa. Mɨkɨ 'ahɨxie mepuyutemamawie kepauka memuka'itsana hepaɨ, kepauka mete'a'iwaka piinitɨarika memɨteyutapitɨwa hepaɨ.

'Itsɨkate 8:11

Kerehuni ku'uwamete mematiteitsie kaneutiyune, Nuwa tserieta meta Yukiweya, mana kaniwarutakwini kepauka kuyaxi 'atsimemɨkateha'eriwakai.

1 Kemɨtiuyɨ 4:43

Mewarukwika 'Amareki teɨterimama memutawikwekai mana memukutekai, mana mekaniuyuhayewa, hikɨ 'akuxi mana mekanetiteni.