1 Tsamuheri 30:14 - Kakaɨyari Niukieya

¹⁴ Kereteutsixi tau manatineika tserieta memɨtamakai tekateniwarekunawatsirieni, Kura kwieyaritsie meta Karewi kwieyaritsie meta Tsikɨraki kiekariyari tetehetataiyaxɨ.

1 Tsamuheri 30:14 ပူးပေါင်းရင်းမြစ်များ

Tsupuniyaxi 2:5

Xɨa'ui kereteutsixi teɨteriyari haramara tetsita memɨtama. Yawé niukieya xehepaɨtsita yakanaineni kemɨtixekwinitɨani, piritsiteutsixi Kanani kwieyaritsie xemɨtama: «Ne nekanixekwimɨkɨ nixeimetɨma mana nepɨkahayewa».

'Etsekieri 25:16

'Ayumieme, Yawé naimekɨmɨyɨwe mɨpaɨ kanaineni: Ne ne'iwaɨyɨ nekanitikweimɨkɨ piritsiteutsixi wahetsiemieme. Kereteutsixi nekaniwarakumaweriyamɨkɨ, meta haramara tetsita memuyuhayewaxɨ nekaniwareuyehɨamɨkɨ.

1 Te'aitamete 1:44

Metatsiere kaniwaruta'aitɨani Tsaruki mawari wewiwame, Natani Kakaɨyari niukameya meta Wenahiyaxi Kuyara nu'aya metatsiere kereteutsixi, pereteutsixi, Tsarumuni memanutiyenikɨ ti'aitame murayatsie.

1 Te'aitamete 1:38

Tsaruki mawari wewiwame, Natani Kakaɨyari niukameya meta Wenahiyaxi Kuyara nu'aya, meta kereteutsixi, pereteutsixi, Tsarumuni mekananutiyeni Rawiri ti'aitame murayatsie, meta me'ihɨtɨ 'auriena mekaneutiwetɨkateitɨni kepauka Kikuni haixayari hepa kɨatsata memukahukai.

2 Tsamuheri 8:18

Wenahiyaxi Kuyara nu'aya, mɨkɨ kuyaxi Rawiri hɨwemete kereteutsixi meta pereteutsixi pɨtiwa'aitɨwametɨkai. Mɨkɨta Rawiri niwemama 'ahurawa 'iparewiwamete mexɨakate mepɨhɨkɨtɨkai.

1 Tsamuheri 30:16

Merikɨte 'Ekipitu kiekame 'amarekitsixi wahetsɨa kaniwarewitɨni, mɨkɨ mana memakutekaitsie mepakɨnɨkai mekaniyutemamawiekaitɨni, metekwatɨ meta me'ietɨwetɨ, piritsiteutsixi wapiini memɨtewarunawatsiriekaikɨ meta Kura kiekatari.

1 Tsamuheri 30:1

Merikɨtsɨ Rawiri kuyaximama, hairieka tukaritsie Tsikɨraki mekaniu'axɨani, mana 'amarekitsixi Nekexi kwieyaritsie mekanitahaxɨakaitɨni meta Tsikɨraki kiekariyari mekaniutataiya.

Kutsuhexi 15:13

Yawé kemainekai, Kutsuhexi Karewi Kepune nu'aya kwie yayeume kaniyetuirieni Kura kwieyaritsie mieme. Mɨkɨ kwie kanihɨkɨtɨni Kiriati-'Ariwa, Hewuruni tɨtɨ ('Ariwa 'anakitsixi teɨteriyari wa'ukiyari kanayani).

Kutsuhexi 14:13

Hikɨ Kutsuhexi Kakaɨyari kaniutawawirieni Karewi 'aixɨa muyurienikɨ, Hewuruni kwieyari kaniyetuirieni.

1 Kemɨtiuyɨ 18:17

Wenahiyaxi Kuyara nu'aya kuyaxi kereteutsixi meta pereteutsixi pɨtiwa'aitɨwametɨkai, matsi ti'aitame Rawiri niwemama mexɨakate te'uximayatamete mepɨhɨkɨtɨkai paratsiyuta.

Kutsuhexi 21:12

'Epuruni 'aurie kiekari mamanetɨkatei meta kwie, mepɨka'uxatɨarie rewitsixi, meripaitɨri kaniuxatɨariekaitɨni Karewi Kepune nu'aya.

1 Tsamuheri 25:3

Nawari katinitewakaitɨni, Karewi kaninuiwarieyatɨkaitɨni. 'Awikahiri 'ɨyaya katinitewakaitɨni, mɨkɨ witsikatini'ɨimarikaitɨni timaiwetɨ, matsi Nawari pɨkayukɨhɨawekai 'axakatiniuka'iyarikaitɨni.

1 Tsamuheri 30:13

Hikɨ Rawiri mɨpaɨ katinita'iwawiya: —¿Kemɨ'ane rahetsɨa pepɨti'uximaya? ¿Hakewa pepeyetɨa? Mɨkɨ mɨpaɨ katinita'eiya: —'Ekipitutanaka nepɨhɨkɨ, waɨriyarika ti'uximayatame xeime 'amareki tewiyari hetsiemieme. Haika tukari nanukamieni nemɨtikuyekai, neti'aitɨwame kaneniuku'eirieni.

1 Tsamuheri 30:15

Hikɨ Rawiri mɨpaɨ katinita'iwawiya: —¿Mɨkɨ tenawayamete hakewa mepe'uwa wahetsɨa ketananuwitɨki? 'Ekipitu kiekame mɨpaɨ katinita'eiya: —Kakaɨyari hɨxie 'ekɨ yakenetineutahɨawi, kename pekanetsimieni meta neti'aitɨwame hetsɨa pekanetsiyetuani. Mɨpaɨ netimaitɨ nekaxenanuwitɨmɨkɨ hakewa memekutei tenawayamete.