1 Tsamuheri 29:4 - Kakaɨyari Niukieya

⁴ Hikɨ kuyaxi piritsiteutsixi wa'ukiriyama, 'Akihitsi hepaɨtsita meha'atɨ mɨpaɨ mekatenita'aitɨani: —Keniwaranɨnɨ'a memɨyehukɨ hakewa kwie pemɨwarexatɨa. Temɨtakwiyutsie memɨtatsi'anuweiyakɨ pepɨkawapitɨaka, nɨkahɨrixɨa tame pɨta metatsihetakwini. 'Aixɨa kaniuyuyuriweni tiyu'aitɨwame hetsɨa mɨreiyehɨwirienikɨ takuyaxima watayuniyame.

1 Tsamuheri 29:4 ပူးပေါင်းရင်းမြစ်များ

1 Tsamuheri 14:21

Merikɨtsɨ meripaitɨ hipatɨ hepɨrayutsixi piritsiteutsixi memɨwarutinɨkai, 'ana wahamatɨa memɨtitekai piritsiteutsixi memayuxeurietsie, 'ana Tsahuri meta Kunatani wahetsɨa pɨta mekanekɨne 'ixaheritsixi mekaniwarutinɨni.

1 Kemɨtiuyɨ 12:19

Yaxeikɨatatsiere hipatɨ kuyaxi Manatsexi nuiwarimama Rawiri mekaniutinɨni kepauka 'ikɨ piritsiteutsixi wahamatɨa mumiekai Tsahuri metamienike. Peru piritsiteutsixi wa'ukiyarima mepuyu'eni mɨkawaparewienikɨ. Waɨkawa mete'utixataka mekanita'imaiya yu'ɨtɨa mɨyemiekɨ, mɨpaɨ me'utiyuaka: «Rawiri tiyu'aitɨwame Tsahuri kanitinɨimɨkɨ, mɨpaɨ katatinikwimɨkɨ».

Rukaxi 16:8

»Hikɨ kutsiyarieya 'aixɨa kanainekaitɨni ti'uximayatame hepaɨtsita tsepa heitseriemekɨ mɨkayɨanekai, timaitɨ mɨyɨanekaikɨ. Hikɨ miemete matsi metemaitɨ mekaniyɨaka yuteɨterima wahepaɨtsita, hekɨaripa miemete yamekayɨakaku wahepaɨ.

1 Tsamuheri 27:6

Hikɨ 'Akihitsi 'ana tukariyaritsie kwitɨwa Tsikɨraki kwieyari kaniyetuirieni, 'ayumieme hikɨ Tsikɨraki Kura kwieyaritsie te'aitamete katiniwapiinitɨni.

1 Tsamuheri 29:9

'Akihitsi mɨpaɨ katinita'eiya: —Ne nekatinimaika nehetsie 'ekɨ Kakaɨyari niuki tuayameya hepaɨ pekani'aneni. Peru piritsiteutsixi tewa'aitɨwamete mɨpaɨ mekaniutiyuani pemɨkamiekɨ 'ekɨ tahamatɨa temɨtakwiyutsie.

1 Tsamuheri 30:1

Merikɨtsɨ Rawiri kuyaximama, hairieka tukaritsie Tsikɨraki mekaniu'axɨani, mana 'amarekitsixi Nekexi kwieyaritsie mekanitahaxɨakaitɨni meta Tsikɨraki kiekariyari mekaniutataiya.

Memeyekɨ 1:10

Hikɨ tekateniwata'aitɨakuni waɨkawamekɨ tetemaiwawetɨ, xɨka mɨpaɨ tekate'uyurieni matsi waɨkawa mepɨtamɨire, xɨka kuyaxa hayani, memɨtatsi'aye'unieta pɨta mekanakɨnikuni, metatsi'a'iwame mekaniyehuni 'ikɨ kwieyaritsie».

1 Kemɨtiuyɨ 12:20

'Ikɨ mekanihɨkɨtɨni Manatsexi nuiwarimama Rawiri memutinɨi kepauka Tsikɨraki metɨa: 'Arinatsi, Kutsawari, Keriyaheri, Mikaheri, Kutsawari, 'Erihú meta Tsiretahi, manatsexitsixi wa'ukiyarima mepɨhɨkɨtɨkai xeimiriyari kuyaxi memɨwanɨ'akai.