1 Tsamuheri 28:15 - Kakaɨyari Niukieya

¹⁵ Hikɨ Tsamuheri Tsahuri mɨpaɨ katiniutahɨawe: —¿Titayari peneti'uximatɨa tawarita nemɨnuanikɨ? Tsahuri mɨpaɨ katinita'eiya: —Waɨkawa matsi nekanine'iyaritɨaka piritsiteutsixi mekanenimietɨweni meta Kakaɨyari kaneniuku'eirieni. Pɨkanetsiku'eiya nineheinɨtsikatsie meta Kakaɨyari niukametemama wahetsie. 'Ayumieme nemɨmatsitahɨawekɨ nekaninewaɨriya, kenemɨtiyurieni yapemɨnetitahɨawekɨ.

1 Tsamuheri 28:15 ပူးပေါင်းရင်းမြစ်များ

1 Tsamuheri 28:6

'Ayumieme Yawé kaniutahɨawe, peru mɨkɨ pɨka'ita'ei, niheinɨtsitana ni'inɨari mupatsie Yawé hetsiemieme meta Kakaɨyari niukametemama waniuki.

1 Tsamuheri 18:12

Tsahuri mɨpaɨ katinimaikaitɨni kename Yawé 'iku'eiri, Rawiri hamatɨa pɨta 'uyeikakai. 'Ayumieme Rawiri 'ayemakatɨ kanayani.

'Utseyaxi 9:12

Tsepa tɨɨri memɨwaxeiya hipame mewawereme, ne nepɨwarakuyeitɨani 'ena kwiepa. Xɨa'ui kepauka mɨkɨ memɨxeku'eirieni.

Temaiwawemete 14:14

Mɨka'uka'iyari puyutemawie ke'axamɨtiyuriene hepaɨtsita, tewi 'aixɨa mɨtiuka'iyari puyutemawie 'aixɨa mɨtiyurienekɨ.

Mateu 25:41

»Hikɨ mɨpaɨ pɨtiwatahɨaweta mɨkɨ 'utatana memɨti'uka: “Xekenehu nehetsɨa xepɨkayuhayewani, xeme haxɨa xehetsie pɨtiunakixɨ, tai yuheyeme mɨta'atsie xekenehu Kauyumarie hetsiemieme meta niuki tuayametemama wahetsiemieme mukuha'aritsietsie.

Nɨawari 51:11

Pepɨkanetsikupatani 'ahetsɨa nemuyeikanikɨ, 'a'iyari mɨtiyupata pepɨkanetsikunawairiwani.

1 Tsamuheri 28:11

'Ukaratsi mɨpaɨ kaniutayɨni: —¿Kemɨ'anekuta pepɨxeiyamɨkɨ? Tsahuri mɨpaɨ katinita'eiya: —Tsamuheri nekanixatani.

1 Tsamuheri 28:8

Hikɨ Tsahuri kemarite yukɨ 'anenekame 'anakatɨxɨaka, teɨteri yuhutatɨ mekaneiweiya 'uyɨwikaku 'ukaratsi hetsɨa. Tsahuri mɨpaɨ katinitahɨawe: —'Iyari kene'atɨa mɨyuhekɨatakɨ nemixeiyakɨ. Mɨpaɨ ketineuyuri kemɨ'ane nemɨmatsitaxatɨani.

1 Tsamuheri 23:2

Yawé kaniuta'iwawiya: —¿Reuyewetse piritsiteutsixi nemɨwakwimiekɨ? Yawé mɨpaɨ katinita'eiya: —Kenemie, piritsiteutsixi keniwaretakuya, Kehira kiekariyari kenetawikweitsitɨa.

'Itsɨkate 16:20

Hikɨ kanitahiwieni: «Tsanitsuni mana piritsiteutsixi». Tsanitsuni 'anutaniereka mɨpaɨ katiniu'erieni: «Nepɨneta'unata hikɨ, nepɨwatawikweiya». 'Atsipɨkatimaikai kename Yawé 'iku'eiriekai.

1 Tsamuheri 23:4

Hikɨ Rawiri tawarita Yawé kaniutahɨawe, Kakaɨyari mɨpaɨ katinita'eiya: —Kenemie Kehira kiekariyaritsie, piritsiteutsixi nepɨmatsiyetuirieni pemɨwara'iwakɨ.

1 Tsamuheri 28:16

Hikɨ Tsamuheri mɨpaɨ katinita'eiya: —Kamɨtsɨ xɨka Yawé matsi'uku'eirieni matsi'aye'unietɨ pɨta xɨka yuhayewa, ¿Titayari ne penera'iwawiya?

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.