1 Tsamuheri 27:10 - Kakaɨyari Niukieya

¹⁰ Hikɨ xɨka 'Akihitsi mɨpaɨ re'iwawiyani: «¿Kemɨ'ane kwieyaritsie pepɨrenawa?», Rawiri mɨpaɨ katiniku'eiyakaitɨni: «Kura kwieyari hetɨa meukayunetsie», yatɨni: «Kerameri nuiwarimama», yatɨni «Tatsutɨa hepatsie, kenitsixi memanu'uwatsie».

1 Tsamuheri 27:10 ပူးပေါင်းရင်းမြစ်များ

'Itsɨkate 1:16

'Uwaxi nuiwarimama Keni tewiyari, Muitsexi munieya, Kura xiɨyarimama mekaniwareweiya, Makutakɨya memɨyekɨ 'atsita makumawetsie Kura kwieyaritsie, Nekexi mukuma 'Arari kwieyari 'aurie. Mana mekaniuyuhayewa mana kiekatari wahamatɨa.

1 Kemɨtiuyɨ 2:25

Kerameri niwemama, Ketsiruni matɨarieya, mekanakɨne: matɨarieya Xamɨ, Wuna, 'Ureni, 'Utseni meta 'Ahiyaxi.

1 Kemɨtiuyɨ 2:9

Ketsiruni niwemama: Kerameri, Xamɨ meta Keruwahi.

1 Tsamuheri 30:29

Xakari, Kerameri nuiwarimama wakiekarite meta kenitsixi wakiekarite,

'Itsɨkate 4:11

Hewexi Keni tewiyari yuxaɨta kananayeyakaitɨni hipame kenitsixi wahamatɨa, Huwawi memɨxiɨyarieyatɨkai Muitsexi munieya, Tseretsi 'aurie Tsanahini kaninuani, xiu manuwe kaniuyutaxamarutɨani.

'Epetsutari 4:25

'Ayumieme xeketeneuhayewa xete'itawatɨ, yuxexuitɨ yuri xeketeneyutahɨawi, tanaitɨ 'axeikɨa temɨtaxewinikɨ xeiwaiyaritsie temɨmiemekɨ.

Temaiwawemete 29:25

Pewamakatɨ teɨteri 'akɨmana pepɨ'awiniya, kemɨ'ane Yawé hetsie yuri mɨti'erie kaniwikweitsitɨarieka.

Nɨawari 119:163

Yemekɨ nepixani'erie naime 'itarika, matsi waɨkawa 'a'aitsika nepɨnaki'erie.

Nɨawari 119:29

Pepɨkanetsipitɨaka huye mututuni nemanukuweweiyanikɨ, 'aniuki kemaine netimaikame kenenayeitɨaka.

2 Tsamuheri 17:20

Kepauka muwa memeutahaxɨa 'Awitsaruni kuyaximama, 'ukaratsi mɨpaɨ mekateniuta'iwawiya: —¿Hakewari Kunatani meta 'Akimatsi? 'Ukaratsi mɨpaɨ katiniwaruta'eiya: —Hapa 'anutaɨye mekananukɨne. Hikɨ Kuyaxi mekanayekɨne mewaruwauximetɨ, peru memɨkawarukaxeikɨ Kerutsareme mekanakunuaxɨani.

1 Tsamuheri 23:27

xewitɨ tixaxatame kaninuani, Tsahuri mɨpaɨ katiniutahɨawe: «Mexɨima ti'aitame piritsiteutsixi takwieyaritsie mepeye'axɨa mepɨtatsihekwitɨwe».

1 Tsamuheri 21:2

Mɨpaɨ katinita'eiya Rawiri: —Ti'aitame netsihetanɨ'aku nepeyetɨa, titakɨ mɨnereyenɨ'a nixewitɨ tɨma mɨpaɨ pɨkatimaika. Neteɨterima 'ari yanepɨtiwaretahɨawixɨ hakewa temetakaxeiya.

1 Tsamuheri 15:6

Kenitsixi 'amarekitsixi mepɨwaruku'eiri Tsahuri mɨpaɨ mɨtiwarutahɨawixɨkɨ: «'Amarekitsixi teɨteriyari wahamatɨa xepɨka'u'uwani xekenehu 'ateewa paitɨ. Kepauka tateɨterima 'ixaheritsixi 'Ekipitu memayekɨ, xeme 'aixɨa xepɨtatexeiyakai, 'ayumieme xeme mɨkɨ wahamatɨa xemɨka'unarienikɨ yanepɨkara'eriwa».

'Itsɨkate 5:24

»Kaheri kehɨkɨtɨni, Hewexi Keni tewiyari 'ɨyaya, waɨkawa 'aixɨa mɨ'itɨarie, waɨkawa 'aixɨa mɨ'itɨarie xamaruta memeutei.

'Inɨatsie 24:21

Hikɨ Warami kenitsixi waruxeiyaka mɨpaɨ kaniutayɨni: «Tsepa kuraru 'aixɨa 'aneme pemateka meta tsepa 'a'itua 'aitsie paitɨ makama,

Tsutɨarika 27:24

tawarita kanita'iwawiya: —¿Yurikɨ 'aku neniwe 'Etsahu petiyɨane? Kakuwu mɨpaɨ katinita'eiya: —Yurikɨ ne nekaniyɨaneni.

1 Tsamuheri 27:11

Rawiri xeime 'uki ya 'ukaratsitɨme pɨkawakuhayeikawakai 'ayeniereme, mɨpaɨ tiku'eriwatɨ xɨka Kahati kwieyaritsie xeime 'atɨani, mekanitaxanetakekaitɨni kemɨtiyurienekai hepaɨtsita. 'Ikɨ mɨya tiyurienetɨ xeikɨa piritsiteutsixi wakwietsie kaniuyeikakaitɨni, kepaɨmexɨa tukari muyuri mana 'uyeikatɨ.

1 Tsamuheri 29:8

Hikɨ Rawiri mɨpaɨ 'Akihitsi katiniutahɨawe: —¿Ketita petiukaxei 'axamɨti'ane? ¿'Ekɨ neti'aitɨwame tita petiukaxei mati'uximayatsiriwame hetsie, kepauka nemɨnetaxewirixɨtsie paitɨ 'atsita hikɨ? ¿Titayari mekanetepitɨa neti'aitɨwame meta ti'aitame memaye'unie wahamatɨa nemɨnetamienikɨ?