1 Tsamuheri 26:8 - Kakaɨyari Niukieya

⁸ 'Awitsahi Rawiri mɨpaɨ katiniutahɨawe: —Hikɨ Kakaɨyari matsiyetuirie mɨmatsi'aye'unie. Nemimienikɨ keneneupitɨa. Pitsikayakɨ nekanenukatseixɨamɨkɨ, xeimieme nekatiniyuriemɨkɨ, pɨkaheuyeweka tawarita.

1 Tsamuheri 26:8 ပူးပေါင်းရင်းမြစ်များ

1 Tsamuheri 24:4

hikɨ mɨkɨ mɨpaɨ mekatenitahɨawe: —Hikɨrixɨa kanaye'ani, Yawé kepauka mɨpaɨ mɨmatiutahɨawixɨ: “Ne memɨmatsi'aye'unie nekamaniyetɨiriemɨkɨ, kemɨmatinake yapemɨtiyurienikɨ wahetsie”. Hikɨ Rawiri kananukukeni 'inɨkai 'umietɨ kaneyani Tsahuri manukateitsie, 'ana kamixaya kɨtsimeyari kaneukuxiteni.

1 Tsamuheri 26:23

Merikɨte Yawé tame taxexuime ketarakapitɨani heitseriemekɨ kemɨtiyupitɨwa, yurikɨ kemaine. Yawé hikɨ pɨnetsi'atɨakai hakewa nemɨyɨwekai nemɨmatsimienikɨ, ne matsi nepɨkanewaɨri 'ekɨ Yawé matsi'anayexei pemɨhɨkɨkɨ.

1 Tsamuheri 23:14

Merikɨte Rawiri kaniyu'awietakaitɨni makumawetsie, muwakitsie Tsipi hɨriyaritetsie. Tsahuri tukarikɨ tɨkarikɨ kaniwaunekaitɨni, matsi Kakaɨyari pɨka'iyetua hetsɨana.

'Itsɨkate 1:4

Kepauka Kura kananeutsixi meta peretseutsixi mɨwarutakwi, Yawé kaniparewieni. Tamamata miriyari mekaniwarukwini Wetseki mɨrakutewatsie.

Kutsuhexi 21:44

Yawé kaniwarupitɨani memɨka'uximatɨariekakɨ, mɨpaɨ pɨreye'atɨa watutsima meripaitɨ kemɨtiwarutahɨawixɨ, nixewitɨ memɨwaraye'unie pɨkawara'iwaxɨ, Yawé muwarupitɨakɨ memɨwara'iwakɨ yunaime 'axamemɨwayurikukai.

Hutarieka 'inɨari 32:30

Tewi pɨkayɨwe yuxaɨta xeimiriyari mɨwara'iwa xɨka teteya ka'ituanike. Yuhutatɨ tamamata miriyari memɨwataweiyakɨ mepɨkayɨwawe xɨka Yawé kawayetuanike.

Xumatari 11:32

Kakaɨyari yunaime kaniwayetuani yamemɨkatekahunikɨ, yunaimeta mɨwanenimayakakɨ.

Nahumi 1:9

¿Kemetekuxata Yawé hepaɨtsita? Mɨkɨ kememɨte'uxa katiniwamuririemɨkɨ. Xeimieme xeikɨa pɨtiwakwinitɨani.

Nɨawari 31:8

Pepɨkanetsiyetua mɨnetsi'aye'unie hetsɨa, matsi pɨta xaɨtsie pepɨnetsi'atɨa 'a'akuyeukaku.

1 Tsamuheri 26:7

Merikɨte Rawiri 'Awitsahi hamatɨa 'ana tɨkariyaritsie mana mekaniye'axɨani, Tsahuri mekaniuxeiya mana mematiteitsie wahixɨapa kutsume, manutimu'utsie yupitsika 'uketɨ. 'Awinexi kuyaxi tiwa'aitɨwame 'auriena kaniukateitɨni kuyaxita wawarita mekanaheitɨkateitɨni.

1 Tsamuheri 26:9

Hikɨ Rawiri 'Awitsahi mɨpaɨ katiniutahɨawe: —Pepɨka'ikumemiwani, Yawé pɨka'ihayewa matsi pi'uximatɨani kemɨ'ane menayexei mɨmieni.

2 Tsamuheri 16:9

'Awitsahi Tsariwiya nu'aya ti'aitame mɨpaɨ katiniutahɨawe: —¿Kehapaɨtɨtɨ 'ikɨ tsɨkɨ mɨmɨki puyuwaɨriya 'axamɨmatikɨhɨawe neti'aitɨwame? Keneneupitɨa nemɨmiekɨ mu'uya nemanutixitenikɨ.

Keremiyaxi 40:15

Mitsipa kiekariyaritsie Kuhanahani Kareya nu'aya mɨpaɨ Kerariyaxi katiniutahɨawe 'awie: —Keneneupitɨa 'Itsimaheri Netaniyaxi nu'aya nemumiemiekɨ. Xewitɨ 'atsikatimaikaku. ¿Ketitayari tete'i'eirieka mɨmetsimienikɨ? Matsi xɨka mɨpaɨ tiɨyɨni mekanitayeixɨakuni huriyutsixi 'a'aurie memu'axɨa, mekaneuyewekuni keyupaumetɨ memuyuhayewatɨwe Kura kiekariyaritsie.

1 Tsamuheri 24:5

Hikɨ kaniyuhɨawekaitɨni mɨya mɨtiuyuri hepaɨtsita,