1 Tsamuheri 26:23 - Kakaɨyari Niukieya

²³ Merikɨte Yawé tame taxexuime ketarakapitɨani heitseriemekɨ kemɨtiyupitɨwa, yurikɨ kemaine. Yawé hikɨ pɨnetsi'atɨakai hakewa nemɨyɨwekai nemɨmatsimienikɨ, ne matsi nepɨkanewaɨri 'ekɨ Yawé matsi'anayexei pemɨhɨkɨkɨ.

1 Tsamuheri 26:23 ပူးပေါင်းရင်းမြစ်များ

Nɨawari 62:12

'ekɨ, Tati'aitɨwame, pepɨti'akanaki'erie waɨkawa, 'ekɨ yuxexuime yunaime yapepɨtiwarakapitɨwa kememɨte'uyurikɨ.

Nehemiyaxi 13:14

«'Ikɨ naime ketina'eriwani, nekakaɨyari, 'aixɨa keneneyurieka, pepɨkaratɨtɨmaiyani ke'aixɨa nemɨtiuyuri 'atukitsie mieme meta pemayexeiyarieka hetsiemieme».

1 Te'aitamete 8:32

'ekɨ keneu'eni muyuawitsie paitɨ meta kemɨtiheitserie ketineuyuri te'a'uximayatsiriwamete wahetsie. 'Uximatɨarika keneupitɨa kemɨ'ane 'axamɨtiuyuri yemekɨ kemɨreuyewetse hetsiena mieme, kemɨ'aneta 'axamɨkatiuyuri keneuxɨna heitserie 'amuyeikakɨ.

1 Tsamuheri 26:11

Merikɨte Yawé ne kenetsiparewieka, para menayexei hetsie 'axanemɨkatiyurienikɨ, pitsikaya xeikɨa keneutikwe'i meta tekɨxieya haa muyema manutimu'utsie muwe keneutihani, kɨmɨ tekaniyehuni.

1 Tsamuheri 26:9

Hikɨ Rawiri 'Awitsahi mɨpaɨ katiniutahɨawe: —Pepɨka'ikumemiwani, Yawé pɨka'ihayewa matsi pi'uximatɨani kemɨ'ane menayexei mɨmieni.

1 Tsamuheri 24:12

Yawé tame teyuhutame tahetsie kerahɨani. Yawé katinimaika kemɨ'ane mɨtikɨhɨwirieni, peru ne hatsuaku nepɨkamatikwinitɨani.

1 Tsamuheri 24:18

'Ayumieme hikɨ pepɨnetsixeitsitɨa nehetsie ke'aixɨa pemɨtiuyuri, Yawé 'ahetsɨa pɨnetsiyetuakai peru 'ekɨ pepɨkanetsi'umi.

1 Tsamuheri 24:19

Xɨka matsi'aye'unie xewitɨ miemɨkɨni, mɨkɨ kaniyɨwenikeyu mimienikɨ. Yawé waɨkawa 'aixɨa kematsiyurieka pemɨnereuyehɨwirikɨ.

1 Tsamuheri 26:22

Hikɨ Rawiri mɨpaɨ katinita'eiya: —'Ekɨ ti'aitame, 'apitsika 'ena puwe, xeime kenetanɨ'a mati'uximayatsiriwame mekweimiekɨ.

2 Tsamuheri 22:21

»Yawé pɨnerakapitɨa heitseriemekɨ yanemɨtiyurienekaikɨ, ne'iwarika pɨnetiyetuiri tixaɨtɨ 'axanemɨkatiuyurikɨ,

1 Tsamuheri 24:11

Neuxei nepaapa, keneuxeiya 'a'ixuriki kɨtsimeyari nepahurie. Ne 'ikɨ 'etsiyeume nekaneukɨxiteni nepɨkamatsi'umi. Mɨpaɨ ketinemaika nehetsie tixaɨ 'axati'anetɨ pɨkatixuawe. 'Ekɨ matsi pekanenikuwauneni penetsimiemɨtɨ, tsepa ne 'axanekamatsi'uyuri.

2 Tsamuheri 22:25

Yawé pɨnerakapitɨa heitseriemekɨ yanemɨtiyurienekaikɨ, ne'iwarika pɨnetiyetuiri 'aixɨa 'anemekɨ nemuyeikakaikɨ hɨxiena.

Kuwi 34:11

Kakaɨyari tewi kemɨtiu'uximayataxɨkɨ yapɨrekapitɨwa, kemɨreuyewetse hetsiena yapɨtiyuriene.