1 Tsamuheri 26:21 - Kakaɨyari Niukieya

²¹ Hikɨ Tsahuri mɨpaɨ kaniutayɨni: —Ne 'axanepɨtiuyuri, Rawiri neniwe nehetsɨa kenenua. Nepɨkamatikwinitɨaniri. 'Ekɨ matsi pepɨkanetsi'umi pepɨnereuyehɨwiri, ne matsi nemɨka'uka'iyarini hepaɨ nepɨyɨane.

1 Tsamuheri 26:21 ပူးပေါင်းရင်းမြစ်များ

1 Tsamuheri 24:17

Hikɨ Tsahuri Rawiri mɨpaɨ katinikuhɨawekaitɨni: —'Ekɨ matsi 'aixɨa pepɨtiuyeika keyuri ne, 'axamɨti'anekɨ 'aixɨa pepɨnetsi'uyuri.

1 Tsamuheri 15:24

Tsahuri mɨpaɨ kaniutayɨni: —Yurikɨ pepaine 'axanepɨtiuyuri. Yawé 'aitsikaya nepɨkahaye'atɨa meta 'ekɨ kepemɨnetiuta'aitɨa. Ne kuyaxi nepɨwaretimaka 'ayumieme nepɨwaranu'eni.

Memeyekɨ 9:27

Merikɨtsɨ Parahuni katiniwarutanɨ'airieni, Muitsexi 'Aruni mame mɨpaɨ katiniwarutahɨawe: —Ne hikɨ nepɨretima 'axakenemɨtiyuriene. Yawé 'aixɨa pɨtatsiyuriene, tame pɨta 'axatepɨteyurie neteɨterima teyunaitɨ.

Mateu 27:4

mɨpaɨ 'utaitɨ: —'Axanepɨtiuyuri nemiyetuakɨ tewi hetsiena mɨkarahɨiya, xuriyaya mɨtayeurienikɨ. Mɨkɨ mɨpaɨ mekatenitahɨawe: —Tame mɨkɨ tepɨkateha'iwawa, 'ekɨri katini'amaiyatɨni.

1 Tsamuheri 15:30

Merikɨte Tsahuri mɨpaɨ katinita'eiya: —'Axanepɨtiuyuri. Peru hikɨ nepɨmatsiwawirie 'ukirawetsixi neteɨterima wahɨxie meta 'ixaheritsixi meketemaika kenemɨti'aitame. Meta Yawé 'akakaɨyari temɨtahɨawekɨ tanaitɨ keneukunua.

Nɨawari 116:15

Yawé puyukahiwerɨwa kepauka hetsiena yamemɨtekahu memɨtakukuwe.

Nɨawari 49:8

Xeime tukarieya mutawikweitsitɨani katinaye'aka, pumawe ka'inɨaritɨ kemɨraye'axe.

1 Tsamuheri 27:4

Kepauka Tsahuri mɨpaɨ mɨretima kename Rawiri Kahati kwieyaritsie 'uyuta'unakai, 'iweiyatɨri katiniuhayewa.

1 Tsamuheri 26:24

Hikɨ mɨpaɨ nepɨretima 'atukari waɨkawa pɨraye'akai, Yawé hikɨtane netukari raye'akame kehayeitɨaka meta kenetsiwikweitsitɨaka naimekɨ kenemɨtiuka'eniwa.

1 Tsamuheri 18:30

Hikɨ kepauka piritsiteutsixi wa'ukiyarima memayekɨkakai meheuyukwiyuka 'ixaheritsixi mewatakwinike, Rawiri matsi kaniwara'iwakaitɨni, keyuri Tsahuri kuyaximama memanuyetei. 'Ayumieme 'aixɨa katinikuxaxatsiwakaitɨni hetsiena mieme.

'Inɨatsie 22:34

Warami Yawé niuki tuayameya mɨpaɨ katiniutahɨawe: —'Axanepɨtiuyuri. Mɨpaɨ nepɨkaretima kename nehuye pe'anunarɨmakai. Kamɨtsɨ xɨka 'aixɨa kane'ane, nekanikunuamɨkɨ.

1 Tsamuheri 26:22

Hikɨ Rawiri mɨpaɨ katinita'eiya: —'Ekɨ ti'aitame, 'apitsika 'ena puwe, xeime kenetanɨ'a mati'uximayatsiriwame mekweimiekɨ.

Nɨawari 72:14

Pɨwaxɨna kememɨtenanaimarie, mɨtimatekɨ watukari meuyewetsekɨ.

1 Tsamuheri 13:13

Tsamuheri mɨpaɨ katinitahɨawe: —Neuxei pepɨka'uka'iyari. Yawé 'akakaɨyari 'aitsikaya pepɨkahaye'atɨawe kemɨmatiuta'aitɨa. Yawé matsipitɨanikekai ti'aitame pemayanikɨ yuheyemekɨ 'ixaheritsixi wahetsiemieme.

2 Te'aitamete 1:13

Hairieka ti'aitame xeime kuyaxi tiwa'aitɨwame kanenɨ'ani yaxeikɨa huta tewiyari heimana tamamata kuyaxi warawitɨkɨme. Kepauka 'ikɨ kuyaxi tiwa'aitɨwame munua hakewa 'Eriyaxi mekatei, hɨxiena kaniukatunumakeni meta mɨpaɨ katinitawawirieni: —Tewi Kakaɨyari hetsɨa pemɨmieme, neuxei kwerietɨ nepɨmatsiwawirie netukari hetsiemieme meta 'ikɨ huta tewiyari heimana tamamata mate'uximayatsiriwamete wahetsiemieme, pepɨkatatsikukukuyani.

2 Te'aitamete 1:14

Mɨpaɨ nepɨtimate tai muyuawitsie mieme pukaxɨri meta puwarutixɨtsitɨa mɨkɨ yuhutame kuyaxi tewa'aitɨwamete meta wakuyaxima. 'Ayumieme hikɨ nepɨmatsiwawirie netukari pemɨreuyehɨwirienikɨ.