1 Tsamuheri 26:10 - Kakaɨyari Niukieya

¹⁰ Tawarita mɨpaɨ kaniutayɨni: —Kaniyuritɨni Yawé kemɨrayeyuri, mɨkɨtɨtɨ kanimiemɨkɨ. Yatɨni yɨkɨmana kanimɨmɨkɨ, yayumienetɨ kanemieriemɨkɨ.

1 Tsamuheri 26:10 ပူးပေါင်းရင်းမြစ်များ

Hutarieka 'inɨari 31:14

Yawé Muitsexi mɨpaɨ katiniutahɨawe: «'Atukari kanaye'aximeniri kepauka pemɨmɨni. Kutsuhexi keneuta'ini, kenawitɨtɨ kenemie 'ixuriki tukiyarita nemɨreita'aitɨanikɨ». Hikɨ mɨpaɨ mekaniuyɨni muwa mekanekɨne Muitsexi Kutsuhexi hamatɨa.

Tsutɨarika 47:29

Kepauka 'Ixaheri mɨximetɨ, Kutse katiniutanɨ'airieni. Mɨpaɨ katinitahɨawe: —Xɨka 'aheyemekɨ penetsinaki'erieka, neteuritɨa keneutame'i 'inɨari mayanikɨ kename yapemɨtikayani, yakenetineutahɨawi yuri pe'utaitɨ, pemɨkanetsikateukunikɨ 'Ekipitu.

Xumatari 12:19

Nenaki'erima, yuhetsiemieme xepɨkayukwitɨweni, matsi xeketenehayewani Kakaɨyari pɨta mɨwahekanikɨ. Mɨpaɨ pɨre'uxa: «Ne xehetsiemieme nepɨnemieneni, 'anepɨrapika ne,» kanaineni Ti'aitame.

Nɨawari 37:13

Matsi Yawé kaniutanaweni 'axateyuruwamete wahetsiemieme, timaitɨ watukari maye'aximekɨ.

1 Tsamuheri 31:6

Xei tukaritsie Tsahuri, niwemama yuhaikatɨ, 'i'ɨwiyame meta kuyaximama yunaitɨ mɨpaɨ mekateniukwini.

1 Tsamuheri 25:38

Hikɨ tamamata tukari 'anukayaku, Yawé Nawari katiniukwinitɨani hikɨ kaniumɨni.

1 Tsamuheri 25:26

»Peru hikɨ Yawé pɨkamatsipitɨa xuriya pemɨtayeurienikɨ 'ekɨ 'akɨmana yapetiwarakapitɨanike. Kaniyuritɨni Yawé kanayeyurini meta 'ekɨ. 'Ayumieme nepiwawirie kemɨ'ane memɨmatsi'aye'unie meta yunaitɨ memɨmatsimieku, Nawari hepaɨ mekatenikwinitɨariekuni.

Hutarieka 'inɨari 32:35

Neta yaxeikɨa 'anemekɨ nepɨtiwarakapitɨani. Kepauka tukari yamɨraye'ani, mepekaxɨrieni. Tukari pehurari mexɨiwa paye'axime kememɨtekwine”.

Matsiɨkɨtɨ kemɨratɨa 18:8

'Ayumieme kwiniya xeitukaritsie hetsiena kaninuamɨkɨ: mɨyakɨ, kwiniyakɨ meta hakakɨ pɨpitɨarieni. Taikɨ kanitataiyariemɨkɨ, kanitɨrɨkaɨyeni kemɨ'ane mitamari'itɨani Ti'aitame Kakaɨyaritɨtɨ».

Hepɨrayutsixi 9:27

Teɨteri wahetsie katininakimɨkɨ xeimieme memɨkwinikɨ, 'ariketa 'itsɨkame kaniwatahɨawimɨkɨ.

Rukaxi 18:7

¿Kakaɨyari matsi heitserie katiwapitɨani mɨkɨ mɨwaranayexei tukarikɨ tɨkarikɨ memihiwie? ¿'Areutere kawaparewimɨtɨ?

Ti'ɨkitame 3:2

Kepauka temɨtinunuiwa, kepaukata temɨkwini, kepauka mɨtiuka'iteɨrita, kepaukata temɨteka'uta,

Nɨawari 94:23

Mɨkɨ 'axaxemɨte'uyurikɨ pɨtixe'akapitɨani meta 'axaxemɨteyuriekɨ pɨxeka'una, Yawé takakaɨyari pɨxekwini.

Nɨawari 37:10

'Apɨkareutereri 'axateyuruwamete memɨka'u'uwanikɨ, tsepa 'aheyemekɨ pemɨwarutiwau pepɨkawataxeiya.

Kuwi 14:14

Xɨka tewi 'umɨni, tawariri 'ayeyuritɨ pɨka'ayani. Kenemɨreutere netiuka'eniwatɨ ne'uyeikatɨ nepɨta'ikwewani kepaukake nemɨxɨnarieni.

Kuwi 14:5

Tewi tukarieya 'ari puti'inɨatsie, 'ekɨ 'ari yapeputayɨ kepaɨmeme metseriyari 'amuyeikani, 'inɨariyari 'apepuyete mana manutiyani pɨkayɨwe.

Kuwi 7:1

»Teyunaitɨ waɨriyarika tepɨte'uximaya 'ena kwiepa. Tukari mɨyehane xeime hetsɨa temɨte'uximayaka hepaɨ pɨtimatsiɨkɨ.

1 Tsamuheri 24:15

Yawé kehɨkɨtɨni tame teyuhutame tahetsie kerahɨani, yaxeikɨa ke'uniere kemɨ'ane 'axamɨtiyuriene, ne kenemɨtiyuriene ke'utiniere, 'aixɨa kenetsi'uyurieni meta 'ahepaɨtsita kenetsi'utawikweitsitɨani».

Hepɨrayutsixi 10:30

Tame tepimate kemɨ'ane mɨpaɨ mutayɨ: «Nekɨmana nepɨnemieneni, 'anepɨrapika ne», tawari mɨpaɨ putayɨ: «Ti'aitame yuteɨterima pɨwa'uximatɨani».

1 Tsamuheri 24:12

Yawé tame teyuhutame tahetsie kerahɨani. Yawé katinimaika kemɨ'ane mɨtikɨhɨwirieni, peru ne hatsuaku nepɨkamatikwinitɨani.

1 Tsamuheri 25:39

Kepauka Rawiri mɨpaɨ mɨretima kename Nawari hemɨkai, mɨpaɨ kaniutayɨni: «Yawé 'aixɨa ketikuxaxatsiwani kemɨtiuyuri, Nawari hepaɨtsita kenemɨtiyurienikekai, Yawé 'aixɨa pɨtiuyuri mati'uximayatsiriwame 'axamɨkatiyurienikɨ, matsi yapɨtiuyuri Nawari yamɨyɨnikɨ ke'axamɨtiuyuri hepaɨtsita». Hikɨ 'ayumieme Rawiri 'Awikahiri hetsɨa niuki kanenɨ'ani, 'iwawirietɨ mitiwitɨnikɨ 'ɨyaya mayanikɨ.

1 Tsamuheri 31:4

Tsahuri yɨhɨweme mɨpaɨ katiniutahɨawe: «'A'ixipara kenewatihanaka keneneumi'a, yaketineuyuri mexi 'iya xitekiya 'inɨariyari memɨkahexeiya meka'axɨawawe, mɨkɨ xeikɨa mekanenitinanaimakuni». Merikɨte mi'ɨwiyakai waɨkawa kanimakaitɨni, mɨkɨ mɨpaɨ mɨtiuyurieni pɨkayuwaɨriyakai, 'ayumieme Tsahuri yukɨmana yu'ixipara watihanaka kaniuyumieni.