1 Tsamuheri 25:8 - Kakaɨyari Niukieya

⁸ Merikɨte te'a'uximayatsiriwamete keniwaruta'iwawiya, mɨkɨ mematenitaxatɨakuni. 'Aixɨa nepaineni 'ahepaɨtsita, xɨka 'aixɨa 'anemekɨ neteɨterima pewaranunake, 'ikɨ tukariyaritsie temawierika tekewewieka. Ximɨxi neuxei ketiniwayetuiri te'a'uximayatsiriwamete meta 'aniwe Rawiri tita pemɨrexeiyani”».

1 Tsamuheri 25:8 ပူးပေါင်းရင်းမြစ်များ

'Etsitexi 9:19

'Ayumieme huriyutsixi naitsarie kiekaritsie memeutitekai kiekari 'etsimɨyeyeutsie, 'ixɨarari mekaniutiwewiwakaitɨni tamamata heimana nauka tukaritsie 'araxi metseriyaritsie, temawierika tukariyari meta 'ixɨarari tukari, 'ana yunaitɨ mekateniyutamikwakaitɨni.

Rukaxi 11:41

Matsi taɨtana miemekɨ xeketeneyumikwani xeteyukanenimayatɨ, mɨkɨkɨ naitɨ 'itiyatɨ kanayeimɨkɨ xehetsiemieme.

Ti'ɨkitame 11:2

Me'atahutame yatɨni me'atahaikame ketiniwarumikwa tita pemɨrexeiya, 'atsipemɨkatimatekɨ tita 'uximatɨarikayari 'umɨramie 'ena kwiepa.

'Etsitexi 9:22

'ana memuxɨnariekɨ huriyutsixi hipatɨ mewaraye'uniekaku kepauka wahiwerika temawierika matɨa, kepauka meta wakukwiniya temawierika 'ixɨarariyari patɨa. 'Ayumieme peuyewekai memitiwewiwanikɨ temawierika tukariyari meta 'ixɨarari, yu'ikwai meta hipame metewatamikwatɨ, tixaɨtɨ memɨkatehexeiya metewakumikwatɨ.

1 Tsamuheri 24:11

Neuxei nepaapa, keneuxeiya 'a'ixuriki kɨtsimeyari nepahurie. Ne 'ikɨ 'etsiyeume nekaneukɨxiteni nepɨkamatsi'umi. Mɨpaɨ ketinemaika nehetsie tixaɨ 'axati'anetɨ pɨkatixuawe. 'Ekɨ matsi pekanenikuwauneni penetsimiemɨtɨ, tsepa ne 'axanekamatsi'uyuri.

1 Tsamuheri 3:6

Peru hutarieka Yawé kanitahɨawe: —Tsamuheri. Hikɨ mɨkɨ 'anukukeka kaneyani 'Eri muwayekateitsie mɨpaɨ katinitahɨawe: —'Ena nepuwe, ¿titayari penerahɨawe 'ekɨ? 'Eri mɨpaɨ katinitahɨawe: —Neuxei neniwe, ne nepɨkamatsihahɨawe. Kenemie kenekani.

1 Tsamuheri 25:9

Hikɨ kepauka Rawiri kuyaximama memu'axɨa, Nawari mɨpaɨ mekateniutaxatɨani Rawiri kemainekai, hikɨ mana mekaniti'uni meta'ikwewatɨ.