1 Tsamuheri 25:36 - Kakaɨyari Niukieya

³⁶ Hikɨ kepauka 'Awikahiri yukie munua, Nawari 'ixɨarari kaniwewiekaitɨni yutemawietɨ waɨkawa kanitawekaitɨ, 'ayumieme mɨkɨ 'atsipɨkatitahɨawixɨ 'uxa'ariekake.

1 Tsamuheri 25:36 ပူးပေါင်းရင်းမြစ်များ

Temaiwawemete 20:1

Xɨka winu 'anu'ieni ka'uka'iyaritɨ payani, yaxeikɨa nawa xɨka 'anu'ieni teɨteri pɨwaxamurieni, xewitɨ 'ietɨ timaiweme hepaɨ pɨkatiku'eriwa.

2 Tsamuheri 13:28

'Ikɨ 'Awitsaruni yuhetsɨa te'uximayatamete mɨpaɨ katiniwaruta'aitɨani: «'Aminuni xekenexeiyani xepɨkaheiyehɨpani. Kepaukari waɨkawa mɨtawekatsie ne yanekanitayɨmɨkɨ kepauka xemenukuweiya hikɨ xeme xekaneimiekuni. Xepɨkaheumamaka ne matsi nekanihɨkɨtɨni mɨpaɨ nemɨxeti'aitɨa. Xekeneyuwaɨriyani xekenetɨrɨkawini».

2 Tsamuheri 13:23

Merikɨtsɨ huta wiyari 'anuyeyaku, 'Awitsaruni kaniwaruta'inieni yunaime ti'aitame niwemama 'ixɨararipa, Wahari-Katsuxi paitɨ, 'Epɨrahini kwieyari manuka'atɨka heuhurakaku, mana teɨterimama muxatsi mekaniwarexitɨwekaitɨni.

1 Tsamuheri 25:19

mɨtiwa'aitɨa mɨpaɨ katiniwarutahɨawe: «Xeme meri xekeneuhuni neta xe'utɨma nepɨyemie». Peru yukɨna Nawari 'ikɨ hepaɨtsita pɨkatitaxatɨa.

Xumatari 13:13

'Aixɨa 'anemekɨ teke'u'uwani hekɨaripa memu'uwa wahepaɨ teyɨatɨ, teka'ixɨaratɨwetɨ, tekatarɨwetɨ, hipame tekawakumaɨwatɨ, tekarukutsixitɨtɨ, tekaheta'eririyatɨ meta teka'ɨtetsatɨ.

Mateu 10:16

Neri nepɨxeheutanɨ'axɨa muxatsi wahepaɨ 'ɨrawetsixi watsata. 'Ayumieme, xeketenemaiwaweni kuterixi wahepaɨ, peru xepɨka'inɨka tita 'axamɨti'ane kukuruxi wahepaɨ.

'Epetsutari 5:18

Xepɨkatarɨwetɨweni winukɨ. Mɨpaɨ tiyurienetɨ pɨrukuyaneni xeikɨa. Matsi 'Iyarikɨ pɨta xekenehɨpɨneni.

'Epetsutari 5:14

'Ayumieme mɨpaɨ paine: «'Ekɨ pemɨkutsu, kenanutanieri, mɨkite watsata kenanukukexi, meta Kɨritsitu kamanihekɨariyamɨkɨ».

Rukaxi 21:34

»Xekeneyɨ'ɨwiyani kapa xe'iyari 'u'itutuperekɨ xeku'ixɨaratɨwekaku xetarɨwekaku kwiepa mieme tukarikɨ xeyu'iyaritɨakaku. Xɨka mɨpaɨ xeteyuriekake, 'iya tukari yapauka pɨxe'axe,

Rukaxi 14:12

Meta kemɨ'ane mita'ini mɨpaɨ katiniutahɨawe: —Kepauka 'ikwai pemɨwewieka tuka ya taikai, pepɨkawa'inieka 'ahamikuma, 'a'iwama, 'amarema, 'aurawatari memeuka'u xeikɨa, mɨkɨta kapa mematsi'uta'inienikɨ, kapa mɨpaɨ perakapitɨarienikɨ.

Nahumi 1:10

Tupiriya mɨwawaki hepaɨ mekanitixɨtsitɨariekuni, xuya mayuyewiya hepaɨ, meta tarɨwekarixi winu 'iiyarikɨ memanutikɨ hepaɨ.

'Utseyaxi 4:11

hipame 'ukarawetsixi wahamatɨa me'ietɨwetɨ, kaxie winuyari pɨwareuyexɨrɨwa wa'eriwametsie.

Keremiyaxi 51:57

Memanuyetei meta temaiwawemete neniwatitarɨwaitɨamɨkɨ, meta kuwexinaruritsixi, teparewiwamete meta kuyaxi, hikɨ mekaneukutsikuni yuheyemekɨ, hatsuakuri mepɨkahayuhɨtɨani», Ti'aitame mɨpaɨ kanaineni, Yawé Naimekɨmɨtɨrɨkaɨye mɨtitewa.

Kitsariyaxi 28:3

'Epɨrahini memɨtarɨwe wakuruna kɨmana memuyuti'ɨre, kanitaketsinariemɨkɨ.

Kitsariyaxi 5:11

Xɨa'ui kemɨ'ane ximeri paitɨ memanuku'uwe winu xeikɨa me'iyuka memɨtitaruwenikɨ, memukutaikaiyarɨwa winukɨ metaruwetɨ.

Ti'ɨkitame 10:19

Paa kwatɨ kaniutanawemɨkɨ, winu'ietɨ kaniyutemawiekamɨkɨ, tuminita mitixɨtɨanikɨ kani'ayumiemetɨni.

Nɨawari 112:5

'Aixɨa pɨ'itɨarie kemɨ'ane mɨtiyuniniɨtɨwa piinite 'aixɨa 'anemekɨ, meta 'aixɨa 'anemekɨ yupiinitsie mɨti'uximaya.

1 Te'aitamete 20:16

Hikɨ tuka 'ayaku mekanayekɨne, mexi Weni-'Arari meta xeitewiyari heimana tamamata heimana huta te'aitamete mɨwara'iniekai yunaitɨ mehetarɨwekai mematiteitsie.

1 Tsamuheri 25:37

Merikɨte 'uxa'ariekake kepauka Nawari mukatawaipiekai 'anake katinitaxatɨani kemɨtiuyɨkai. Nawari matsi 'u'enaka yu'iyaritsie katiniutakwine hikɨ kaniuhurieni naitɨ.

2 Tsamuheri 3:20

Kepauka 'Awinexi Hewuruni munua, Rawiri 'ikwai 'ixɨarariyari kaniuwewieni hetsiena mieme meta memeweiyakai xeitewiyari memuyupaɨmekai wahetsiemieme.