1 Tsamuheri 25:24 - Kakaɨyari Niukieya

²⁴ Hetɨana 'ukaweka mɨpaɨ katinitahɨawe: —Neti'aitɨwame, neuxei hikɨ keneneupitɨa nemɨmatitaxatɨanikɨ, pemɨnetsi'enienikɨ nekamaniwawirieka, ne nekaneyɨni nehetsie kerahɨiyani.

1 Tsamuheri 25:24 ပူးပေါင်းရင်းမြစ်များ

'Etsitexi 8:3

Hikɨ tawarita 'Etsitexi ti'aitame hetsɨa kaniye'ani. Hɨxiena kanatiweni 'utatsuatɨ, kanitawawirieni 'Amani 'Akaki nuiwarieya huriyutsixi kemɨtiwaru'aitaxɨ yamɨkatiyɨnikɨ.

2 Tsamuheri 14:9

Hikɨ 'ukaratsi Tekuha kiekame, mɨpaɨ katinita'eiya: —'Ekɨ ti'aitame, mɨkɨ naitɨ nehetsie kerahɨiyani meta netɨɨriyama wahetsie, ti'aitame 'ahetsie pɨkatixaɨ meta pemɨra'aitatsie.

1 Tsamuheri 25:28

Ne nepɨmatsiwawirie ti'a'uximayatsiriwame xɨka 'axanetiuyurieni kenetineuyehɨwirieka. Yurikɨ Yawé kamaniyetuiriemɨkɨ 'anuiwarima memɨkaheuyeweni mete'aitatɨ, nixewitɨ matsi 'ekɨ 'axapɨkamatsiyurieni, 'ekɨtsɨ Yawé hetsiemieme pekani'amieneni.

2 Te'aitamete 4:37

Mɨkɨ hautahaka, 'Eritseu 'ɨkayatɨa kaniukahɨximakeni pamɨpariyutsi 'ipitɨanike. Hikɨ 'anake yuniwe 'awitɨtɨ kaneyani.

Mateu 18:29

Hikɨ hetɨana kaniutihɨximakeni 'iwaya ti'uximayatame, mɨpaɨ 'utaitɨ: “Kenenekwewieka kwerietɨ, naime nepɨmatipitɨani”.

2 Tsamuheri 14:12

Matsi 'ukaratsi katihayewatɨ mɨpaɨ katinikɨhɨawekaitɨni: —'Ekɨ ti'aitame ne ti'a'uximayatsirime 'ahetsɨa nemɨmieme keneneupitɨa ximɨxi matsi tawarita nemɨmatitaxatɨanikɨ. Ti'aitame mɨpaɨ katinitahɨawe: —Ketineutaxata.

Tsutɨarika 44:18

Kura 'ahurawa kaniuyani Kutse hɨxie, mɨpaɨ katinitahɨawe: —Pepɨkaha'aka neti'aitɨwame, 'awie nepɨmatitaxatɨanikeyu. 'Ekɨtsɨ ti'aitame pepɨmariwe yaxeikɨa Parahuni hepaɨtɨtɨ.

1 Tsamuheri 24:8

Peru Rawiri pitaxeiyakai huyeta 'uyeneyuke mitahiwienikɨ, mɨpaɨ katinitahɨawe 'ehiwiwatɨ: —Neti'aitɨwame, Neti'aitɨwame. Tsahuri yu'utɨma kananakuniere, 'ana Rawiri kwiepa kaniukahɨximakeni titunumawetɨ,

1 Tsamuheri 25:23

'Ayumieme kepauka 'Awikahiri Rawiri muxei, mexɨima yupuxutsie 'anakayaka hɨxiena kaniutihɨximakeni kwiepa paitɨ.

1 Tsamuheri 25:25

'Ekɨ matsi Nawari yuri pepɨkati'eririeka, kemɨtitewa yurikɨ yapɨtiuka'iyari. Mɨkɨ mɨpaɨ panuyɨne, “mɨka'uka'iyari” mɨpaɨ katinimariwani naitsarie. Ne matsi neti'aitɨwame 'anɨ'arima pemɨwarenɨ'a nepɨkawarexei.

Temaiwawemete 25:15

'A'inɨkai pe'ikɨhɨawetɨ kemɨ'ane kwiepa mɨti'aita kemɨtiku'eriwa pepipata, meta petiu'akanaki'erietɨ petikuxatɨtɨ waɨkawa katinikemaka.

Ti'ɨkitame 10:4

Xɨka ti'aitame 'uyeha'ani 'ahepaɨtsita, pepɨka'iku'e'eiriwani ketitakɨ pemɨtihɨritɨarie. Petiukanewietɨ waɨkawa 'axapemɨtiuyurikɨ kani'ayumiemetɨni.

2 Tsamuheri 20:17

Hikɨ Kuhawi mana 'ahurawa kaniutiyani. 'Ukaratsi mɨpaɨ katinita'iwawiya: —¿Kuhawi 'ekɨ petihɨkɨ? Kuhawi mɨpaɨ katinita'eiya: —Netsɨ nekanihɨkɨtɨni. Hikɨ 'ukaratsi mɨpaɨ katinitahɨawe: —Keneneu'eni ne ti'uximayatame 'ahetsɨa mieme kenemɨmatitaxatɨani. Kuhawi mɨpaɨ katinita'eiya: —Nepɨmatsi'enieni.