1 Tsamuheri 25:21 - Kakaɨyari Niukieya

²¹ Merikɨte Rawiri mɨpaɨ kaniutayɨkaitɨni: «Yakɨ xeikɨa pɨratɨa mɨkɨ tewi ketemɨte'ita'ɨwiri tewamama makumawetsie, para tixaɨ mɨkareuyehɨanikɨ. Hikɨ matsi pɨta 'axanetinakapitɨani 'aixɨa kenemɨtiparewi hepaɨtsita.

1 Tsamuheri 25:21 ပူးပေါင်းရင်းမြစ်များ

Temaiwawemete 17:13

Kemɨ'ane 'aixɨa tixeiyarietɨ 'axamɨti'anekɨ mɨtiwarakapitɨwa, yuheyemekɨ tɨɨriyamama 'axamepɨ'itɨarieka.

'Epetsutari 4:31

Xeketeneuhayewa xehayutsiɨriyatɨ xeteyuka'uxiwe'erietɨ xeyuhaxɨawiyatɨ xe'utihiwatɨ 'axaxe'utiyuatɨ. Mɨkɨ naitɨ ketixani'eriwani xehetsɨa, meta naitɨ 'axamɨti'ane.

'Epetsutari 4:26

Xɨka xeha'aka, perutsɨ 'axaxepɨkateyurieni, xepɨka'ipitɨaka xeitukari xemɨha'akakɨ.

Xumatari 12:21

Xepɨka'ipitɨaka tita 'axamɨti'ane mɨxeha'iwanikɨ, matsi tita 'axamɨti'ane xekena'iwani, 'aixɨa xeteyurietɨ pɨta.

1 Pekuru 3:17

'Aixɨa kaniyɨmɨkɨ xɨka xete'ukakukwineni 'aixɨa xemɨteyuriekɨ, xɨkate mɨpaɨ tinakeni Kakaɨyari, peru 'axaxemɨteyuriekɨ pɨkatixaɨ.

1 Tetsarunikatari 5:15

Xekeneyukweriwayurieka kapa xewitɨ 'axarekapitɨani xeime 'iya 'axamiyurikɨ, matsi yuheyemekɨ xeketenekuwawa 'aixɨa xemɨyuyuriekakɨ yuxexuitɨ, 'aixɨa xemɨwayuriekakɨ yunaime.

1 Pekuru 3:9

'Axaxete'upitɨarieme 'axaxepɨkawayurieni, 'axaxete'utahɨawarieme 'axaxepɨkatewakɨhɨaweni, matsitsɨ xekeneutawawiri Kakaɨyari 'aixɨa memɨ'itɨarienikɨ pɨta, 'ayumieme xeputa'inierie, xehetsie mɨtinakenikɨ 'aixɨa xemɨ'itɨarienikɨ.

Keremiyaxi 18:20

¿Kamɨtsɨ 'aixɨa mɨti'ane 'axamɨ'anekɨ tiyupitɨaritɨre? Mɨkɨri putsu mekaniwati'inieni muwa nemeukawenikɨ. Ne matsi nematsi'utahɨawixɨ wahetsiemieme nemɨtaniunikɨ, 'ahaxɨa wahetsie mɨkatinakenikɨ.

Nɨawari 38:20

'Aixɨa nemɨtiyurienekɨ, 'axa'anemekɨ mepɨnete'akapitɨwa, 'aixɨa mɨti'anekɨ xeikɨa nemɨnewaɨriyakɨ, 'ayumieme mepɨnetsi'aye'unie.

Nɨawari 37:8

Ketineuhayewa peha'atɨ, keneuku'eiri haxɨa, pepɨka'utaweranareni, mɨkɨ 'axamɨ'anetsie katiniyu'iniwani.

Nɨawari 35:12

Ne newanenimayakaku 'axa'anemekɨ mepɨnete'akapitɨwa, mɨkɨkɨ pɨnetsihekukukuine ne'iyaritsie,

Kuwi 30:8

Teɨteri 'atsimemɨkatemate mekanihɨkɨtɨni, 'axamemɨtemariwa, 'ayumieme yukie mepayeweiyarie.

1 Tsamuheri 25:13

Hikɨ Rawiri mɨpaɨ katiniwaruta'aitɨani: «Naime 'ixiparate xeketeneukuha'arita». Hikɨ yunaitɨ mekaniyukuha'aritɨani meta Rawiri. Kuyaxi nauka tsienituyari Rawiri mekaneweiya, huta tsienituyari mekaniyuhayewa tita memɨtehexeiyakai memɨte'ɨwiyanikɨ.

Tsutɨarika 44:4

Mehekɨneku yareutewikaku Kutse tiyu'uximayatsiriwame mɨpaɨ pɨtiutahɨawixɨ: «'Ikɨ teɨteri memekɨ, keniwaranukuweiya. Xɨka pewaranuku'axe mɨpaɨ ketiniwaretahɨawi: “¿Titayari 'axa'anemekɨ xenetehakapitɨa, titayari neti'aitɨwame tekɨxieya xetehenawa pɨrata tekɨxiyari?

1 Tsamuheri 25:7

Mɨpaɨ nepɨtiu'enaxɨ kename 'amuxatsima pewarexine. Meta pekatinimaika kepauka 'amuxatsi wahɨwemete tahamatɨa memu'uwakai, tepɨkawaru'uximatɨa hatsuaku. Kaximeritsie kepauka memɨtehɨtɨwekai, tixaɨtɨ tepɨkatewarunawatsiri.

1 Tsamuheri 25:15

Mɨkɨ teɨteri 'aixɨa mepɨtatexeiyakai. Kepaɨmexɨa tukari temu'uwakai wahamatɨa yeuta, hatsuaku mepɨkatatsi'u'uximatɨa, nitixaɨ mepɨkatate'unawatsiri.

1 Tsamuheri 25:20

'Awikahiri puxutsie 'anakaitɨ hɨritsie 'ukamietɨ Rawiri kaniuxeiya meta kuyaximama hepana me'ahukame, hikɨ mekananuyukunake.