1 Tsamuheri 25:1 - Kakaɨyari Niukieya

¹ Merikɨtsɨ Tsamuheri kaniumɨni, Xamatsie kaniukateukieni matawerixɨtsie. 'Ixaheritsixi yunaitɨ mekaniyukuxeɨrieni meyuhiwerietɨ hetsiena mieme. Mɨyatiuyɨku Rawiri Mahuni makumawetsie kanakayune.

1 Tsamuheri 25:1 ပူးပေါင်းရင်းမြစ်များ

1 Tsamuheri 28:3

Merikɨte kepauka Tsamuheri mumɨ, 'ixaheritsixi yunaitɨ mepɨyuheiwerietɨkatei hetsiena mieme, Xamatsie menikateuku mana mɨkiekarieyatɨkaikɨ. Tsahuri mɨkɨ kwieyaritsie, memɨtemaikai mɨkite wahamatɨa memɨtekuxata meta memɨteyukewaiya kaniwarayeweiyaxɨakaitɨni.

Hutarieka 'inɨari 34:8

Xeitewiyari heimana tamamata tukari mepuyuri me'utitsuatɨ 'Ixaheritsixi, Muitsexi hetsiemieme Muhawi makuweritsie, mɨpaɨ paɨmexɨa tukari mepeyuhiweriekai mɨkɨ kememɨte'uhukai.

'Inɨatsie 20:29

Kepauka yunaitɨ memɨtehetima kename 'Aruni hemɨkai, xeitewiyari heimana tamamata tukari mekanitsuariwiyatɨwekaitɨni.

2 Kemɨtiuyɨ 33:20

Hikɨ kepauka Manatsexi mumɨ, kaniukateukieni yuparatsiyuta, hikɨ nu'aya 'Amuni kanitsutɨani 'utɨmana ti'aitatɨ.

Nɨ'ariekate 8:2

Hipatɨ teɨteri Kakaɨyari memayexeiyakai 'Etsitewani mekanekuteuku, waɨkawamekɨ meyuhiwerietɨ hetsiena mieme.

'Inɨatsie 10:12

Hikɨ 'ixaheritsixi Tsinahi mekaniyekɨne memakutekaitsie makumawetsie paitɨ mekaniu'axɨani, Parani mɨrakutewatsie hai hakewa meuyeya.

Tsutɨarika 21:21

Parani mɨrakutewatsie kaniukateitɨni makumawetsie, maamaya 'ekipitutanaka kaniwitɨtɨani.

1 Te'aitamete 2:34

Hikɨ Wenahiyaxi Kuyara nu'aya heyaka Kuhawi kanemieni meta katiniuta'aita mɨkateukienikɨ kiiya mati'utsie paitɨ makumawetsie.

'Inɨatsie 13:3

Yawé kemainekai, Muitsexi kaniwarenɨ'ani Parani makumawetsie mekaniyekɨne. Yunaitɨ mɨkɨ 'ixaheritsixi memanuyetei mekanihɨkɨtɨkaitɨni.

Kitsariyaxi 14:18

Yunaitɨ nuiwarite tewa'aitɨwamete 'aixɨa 'anemekɨ mepu'uxipie, yuteukiyapa yuxexuitɨ.

Nɨawari 120:5

Xɨa'ui ne, 'ateewa nemuyeika Metseki kwieyaritsie, 'ena nemuka Tseraxi 'ixuriki kiiyari mati'u.

1 Tsamuheri 7:17

'Arike pɨ'axekai Xama kiekariyaritsie manukateitsie, mana 'ukaitɨ kani'itsɨkametɨkaitɨni 'Ixaheri kwieyaritsie. Manata mawari taiyame kaniutawewieni Yawé hetsiemieme meyexeiyanikɨ.

'Inɨatsie 13:26

Karetsi mekaniu'axɨani makumawetsie Parani Muitsexi manukatei, 'Aruni meta yunaitɨ 'ixaheritsixi, mekateniwarutaxatɨani kemɨre'anekai meta 'ikwaxite mekateniwaruxeitsitɨani mana mɨrexuawekai.

'Inɨatsie 12:16

'Anake 'ixaheritsixi mekanayekɨne Katseruti, Parani makumawetsie mekaniu'axɨani.

Tsutɨarika 50:11

Kepauka kananeutsixi memɨwaruxei meyuxeɨriekame Hatahari maka'etsatsie me'utitsuaname, mɨpaɨ mekaniutiyuani: «'Ekipitutari hiwerika mepɨwewie yemekɨ waɨkawa patsiekamekɨ». 'Ayumieme mana, Kurutani meuhuratsie, mekateniuterɨwa 'Aweri-Mitsirahini.

Tsutɨarika 14:6

yaxeikɨata hureutsixi Tsehixi hɨriyaritsie kiekatari, 'atsitapaitɨ Parani mekaniye'axɨani makumawe meuhuratsie.

2 Te'aitamete 21:18

Manatsexi kaniumɨni, kaniukateukieni yuparatsiyuta, 'Utsa harawerita witsimɨtiuye'anetsie. Nu'aya 'Amuni titewatɨ kanitsutɨani hetsiena mieme ti'aitatɨ.

Tsutɨarika 23:2

kaniumɨni Kiriati-'Ariwa mɨrakutewatsie, tatsɨari Hewuruni kiekariyaritsie Kanani kwieyaritsie. 'Apɨrahami puyuheiweriekai waɨkawa hetsiena mieme.

1 Tsamuheri 1:19

'Uxa'arieka ximeri Yawé nenewieri me'upitɨaka menekɨne yukie Xama kiekariyaritsie. 'Erikana yɨ'ɨya matɨa Hana kaniukahuni, Yawé Hana kanaye'erieni.

Tsakariyaxi 1:5

»”¿Hakewa mepe'uwa xetutsima? ¿Kakaɨyari niukametemamata mete'ayeyuyuri?