1 Tsamuheri 24:12 - Kakaɨyari Niukieya

¹² Yawé tame teyuhutame tahetsie kerahɨani. Yawé katinimaika kemɨ'ane mɨtikɨhɨwirieni, peru ne hatsuaku nepɨkamatikwinitɨani.

1 Tsamuheri 24:12 ပူးပေါင်းရင်းမြစ်များ

Nɨawari 43:1

Kakaɨyari, 'aixɨa ketineuyuri nehetsie. Nehetsie keneutanua 'ikɨ nuiwari wahɨxie yuri memɨkate'erie, keneneutawikweitsitɨa teɨteri memɨte'itawa watsata meta 'axamemɨte'u'iyari.

'Itsɨkate 11:27

Ne 'axanepɨkamatitahɨawiwe. 'Ekɨ pɨta 'axapepɨtiyuriene nehamatɨa pepɨ'amiemɨkɨ. Yawé, mɨmariwe 'itsɨkame, yake'utayɨni ketemaku'ane 'ixaheritsixi meta 'amunitsixi”».

Nɨawari 35:1

Yawé, nepumieriene, nehetsie keneutanua, keniwarutakuya kemɨ'ane memɨnetsimietɨwe.

Tsutɨarika 16:5

Hikɨ Tsarahi 'Apɨrami mɨpaɨ katiniutahɨawe: —'Ekɨtsɨ ya'anekame pekaniwiwieka kenemɨtinanaimarie. Ne nepɨmatsiyetuiri ti'uximayatame 'a'ɨya mayanikɨ, hikɨri mayehuka mariweme kanayuyeitɨwani. Yawé yake'utayɨni kemɨ'ane heitserie mexeiya, xɨka 'ekɨ yatɨni ne.

1 Pekuru 2:23

'Axatikɨhɨawarɨwatɨ 'axapɨkatiwarutahɨawixɨ, tikwinetɨ 'atsipɨkahainekai kename 'axawayurienikekai, matsi kaniyuyetuani kemɨ'ane heitseriemekɨ mɨwa'inɨata 'aixɨa miyurienikɨ.

Xumatari 12:19

Nenaki'erima, yuhetsiemieme xepɨkayukwitɨweni, matsi xeketenehayewani Kakaɨyari pɨta mɨwahekanikɨ. Mɨpaɨ pɨre'uxa: «Ne xehetsiemieme nepɨnemieneni, 'anepɨrapika ne,» kanaineni Ti'aitame.

Nɨawari 94:1

Yawé, Kakaɨyari 'ekɨ tahetsiemieme pemɨtiwarakapitɨwa, Kakaɨyari tahetsiemieme pemɨtiwarakapitɨwa, pematsiɨkɨme kene'ayeitɨa.

Kuwi 5:8

»Ne xɨka netiuka'eniwanike, Kakaɨyari hetsɨa 'ahurawa nepuyanike, hɨxiena naimekɨ nepɨnetahekɨatawe.

Matsiɨkɨtɨ kemɨratɨa 6:10

Karima mekaniutihiwakaitɨni mɨpaɨ me'utiyuatɨ: «¿Kutsiyari 'aku pemɨpatsie, yuri pemaine, kepaukake pepɨwatakwewieni, kepaukake 'uximatɨarika pepɨwapitɨani kwiepa memɨtama taxuriya memutayeurikɨ?»

1 Tsamuheri 26:23

Merikɨte Yawé tame taxexuime ketarakapitɨani heitseriemekɨ kemɨtiyupitɨwa, yurikɨ kemaine. Yawé hikɨ pɨnetsi'atɨakai hakewa nemɨyɨwekai nemɨmatsimienikɨ, ne matsi nepɨkanewaɨri 'ekɨ Yawé matsi'anayexei pemɨhɨkɨkɨ.

Tsutɨarika 31:53

'Apɨrahami Kakaɨyarieya meta Nakuxi Kakaɨyarieya ta'itsɨkame kehɨkɨtɨni. Hikɨ Kakuwu 'aixɨa kaniutayɨni Kakaɨyari hepaɨtsita paapaya 'Itsahaki mimakaxekai hetsie.

1 Tsamuheri 24:15

Yawé kehɨkɨtɨni tame teyuhutame tahetsie kerahɨani, yaxeikɨa ke'uniere kemɨ'ane 'axamɨtiyuriene, ne kenemɨtiyuriene ke'utiniere, 'aixɨa kenetsi'uyurieni meta 'ahepaɨtsita kenetsi'utawikweitsitɨani».

2 Tsamuheri 22:48

Mɨkɨ Kakaɨyari pɨtiwarakapitɨwa 'axakememɨnetsi'uyuri, mɨkɨ teɨteri nehetɨa puwa'atɨwa nemɨtiwa'aitɨakakɨ.

1 Tsamuheri 20:1

Merikɨtsɨ Rawiri Nayuti Xama mɨrakutewatsie kanayeyani, Kunatani manukatsie kaneyani. Mɨpaɨ katinita'iwawiya: —¿Ne kenetiuyuri? ¿Titakɨ 'axanetiuyuri yanutsɨtɨni nekapɨtiuyumi 'apaapa titayari netimiemɨkɨni?

1 Kemɨtiuyɨ 12:18

'Amatsahi hetsie 'Iyari kaninuani, xeitewiyari heimana tamamata mɨwanɨ'a, mɨpaɨ kaniutayɨni karima: «Rawiri tame 'ahetsɨa tepumiemete. 'Ahamatɨa tepu'uwa, 'Itsahi pemɨnu'aya. Haikakɨa yatepaitɨka kayuwatɨ tepɨmatsipitɨa, 'ekɨ meta kemɨ'ane mɨmatsiparewie. Kemɨ'ane mɨmatsiparewie Kakaɨyari kanihɨkɨtɨni». 'Ana Rawiri kaniwarutanaki'erieni meta yukuyaxima wa'ukiyarima wahamatɨa kaniwaranuka'uitɨani.