1 Tsamuheri 23:17 - Kakaɨyari Niukieya

¹⁷ Mɨpaɨ katinitahɨawe: «Pepɨkaheumaka, nepaapa pɨkayɨwekaxɨani mɨmatsimieni. 'Ekɨ 'Ixaheri kwieyaritsie ti'aitame pepayani, neta 'a'aurie mutikeni nepayani. 'Ikɨ hepaɨtsita nepaapa katinimaikari».

1 Tsamuheri 23:17 ပူးပေါင်းရင်းမြစ်များ

1 Tsamuheri 20:31

'Ayumieme mexi 'Itsahi nu'aya 'ena 'uyeikani, heitserie pepɨkahexeiya ti'aitame pemayanikɨ. 'Ayumieme mɨwawiemiekɨ ketineutanɨ'a, ke'atɨarieni kaneuyeweka mɨkɨ mɨmierienikɨ.

1 Tsamuheri 24:20

'Ayumieme hikɨ mɨpaɨ nepɨretima, 'ekɨ ti'aitame pekanayeimɨkɨ, 'Ixaheri kiekatari 'aixɨa mete'u'uwatɨ mekanakɨnikuni 'ahamatɨa.

Hepɨrayutsixi 13:6

'Ayumieme tekamamatɨ mɨpaɨ teputiyuane: «Ti'aitame kanihɨkɨtɨni kemɨ'ane mɨnetsiparewie, nepɨkamaka. ¿Kekuta netsi'uyuriwe tewi?»

Nɨ'ariekate 28:16

Kepauka Xumatsie temu'axɨa, Papuru kaniupitɨarieni yuxaɨtame kiita mayekanikɨ, xeime kuya hamatɨa mi'ɨwiyanikɨ.

Kitsariyaxi 54:17

Tsepa tepɨa matsimemiwame 'ahetsiemieme mutawewiya yapɨkatiyurieni, kemɨ'ane mɨmatsixanetani mɨkɨ tenieyatsie pepuwiere. 'Ikɨ kanihɨkɨtɨni te'uximayatamete memɨte'ukuhayewiyarie, tita mɨtiheitserie nehetsie mɨyetɨa ―Yawé mɨpaɨ kanaineni―.

Xumatari 15:24

kepauka 'Itsipaniya nemɨmietsie. Ne'uyemietɨ nepɨxexeiyamiekaku. Xemeta mana xemɨnetsiparewienikɨ nemeta'anikɨ, yapaɨmexɨa 'etsiwa xehetsɨa netemawieritɨarieyu.

Nɨ'ariekate 5:39

Mexɨka Kakaɨyari hetsɨa miemetɨni, xepɨkayɨwawe xemɨwata'imaiya, tietɨtsɨ Kakaɨyari xe'aye'unieka». Merikɨtsɨ mekani'enieni.

Rukaxi 12:32

»Nemuxatsima, tsepa xemɨkayumɨire, xepɨkaheumamaka, xe'ukiyari kaniyuwaɨriyani mɨtixepitɨanikɨ tita mɨrexeiya ti'aitametɨtɨ.

Kitsariyaxi 41:14

Kakuwu kwitsi, pepɨkamaka, 'Ixaheri 'etsipemɨpe ―Yawé mɨpaɨ kanaineni―, yaxeikɨa netsiere nekamaniparewimɨkɨ, Mɨpatsie 'Ixaheri hetsiemieme matsiwikwetsitɨwame kanihɨkɨtɨni.

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Temaiwawemete 19:21

Tewi waɨkawa puyu'iyaritɨa yu'iyaritsie yamɨtiyurienikɨ, matsi 'imatɨrieka Yawé kemɨtinake yapɨtiyɨni.

Temaiwawemete 14:26

Kemɨ'ane Yawé mayemakaxe mɨkɨ yuhetsie nunuwame pexeiya meta tɨɨriyamama mepɨ'ɨwiyarieka.

1 Tsamuheri 24:4

hikɨ mɨkɨ mɨpaɨ mekatenitahɨawe: —Hikɨrixɨa kanaye'ani, Yawé kepauka mɨpaɨ mɨmatiutahɨawixɨ: “Ne memɨmatsi'aye'unie nekamaniyetɨiriemɨkɨ, kemɨmatinake yapemɨtiyurienikɨ wahetsie”. Hikɨ Rawiri kananukukeni 'inɨkai 'umietɨ kaneyani Tsahuri manukateitsie, 'ana kamixaya kɨtsimeyari kaneukuxiteni.

1 Tsamuheri 24:19

Xɨka matsi'aye'unie xewitɨ miemɨkɨni, mɨkɨ kaniyɨwenikeyu mimienikɨ. Yawé waɨkawa 'aixɨa kematsiyurieka pemɨnereuyehɨwirikɨ.

Nɨawari 118:6

Yawé nehamatɨa kaniuyeikani, ne nepɨkaheuma, ¿xewitɨ tewi 'atsimɨnetsi'uyurieni pɨkayɨwe?

1 Tsamuheri 22:23

Peru pepɨkaheumaka. Nehamatɨa keneyuhayewani, ne nepɨmatsi'ɨwiyani. Kemɨ'ane mɨmatsimiemɨkɨni, nepɨta matsi kenetsi'umieni.

1 Tsamuheri 24:21

Yurikɨ Yawé hɨxie yakenetineutahɨawi, nenuiwarima memɨkakwi'iwanikɨ meta kememɨtetetewa memɨkahatɨmaiyarienikɨ.

1 Tsamuheri 25:30

'Ayumieme kepauka Yawé 'ixaheritsixi tiwa'aitɨwame mɨmatsi'ayeitɨa kemɨmatiutahɨawixɨ, meta 'Ixaheri kwieyaritsie kepauka mexɨakame mɨmatsi'ayeitɨa.

Kitsariyaxi 35:3

Xekenetseiriyani mamate mɨwerarani, tuunute xekenetseiriyani muyɨyɨakatɨka,

Kitsariyaxi 35:4

mɨpaɨ xeketeniwarutahɨawi yu'iyaritsie memɨmama: «Xekenetɨrɨkawini, xepɨkamamaka Xekakaɨyari kaninuamɨkɨ, punuani mɨtiwarakapitɨanikɨ, tiwapitɨanike kahekɨakamekɨ kanixetawikweitsitɨamɨkɨ».