1 Tsamuheri 23:16 - Kakaɨyari Niukieya

¹⁶ Kunatani Tsahuri nu'aya, Rawiri kanekɨhɨawe Huretsi mɨrakutewatsie, katinitaxatɨani mɨkatihayewanikɨ Kakaɨyaritsie tiwiyatɨ.

1 Tsamuheri 23:16 ပူးပေါင်းရင်းမြစ်များ

2 Timuteu 2:1

Merikɨte neniwe, kenetɨrɨkaɨyeni Kɨritsitu Ketsutsi yamatipitɨakaku 'aixɨa mɨtiuka'iyarikɨ.

'Epetsutari 6:10

'Imatɨrieka ne'iwama, Ti'aitame hetsie xetewiyatɨ xekenetɨrɨkariyarieka, kemɨ'ane mɨtɨrɨkaɨye xetɨrɨkariyakaku.

Rukaxi 22:32

Ne matsi nepɨnetanenewi 'ahetsiemieme pemɨkatihayewakɨ yuri peti'erietɨ. 'Ekɨta kepauka pemɨtihayewa peheuyewautsetɨ keniwatuikani 'a'iwama».

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.

Rukaxi 22:43

Hikɨ niuki tuayame matsiɨkɨtɨ kanayuyeitɨani hɨxiena taheima mieme 'itɨrɨkariyatɨ.

Nehemiyaxi 2:18

Hikɨ nekatiniwarutaxatɨani Kakaɨyari kemɨnetiparewiekai, yanekaniutayɨni ti'aitame kemainekai. Mɨyamete'u'enanaka mɨpaɨ mekaniutiyuani: ―Hikɨmɨtɨka tekatenita'uximayatakuni. Kememutiyua yamekateniuyurieni.

Temaiwawemete 27:9

Mixaxi meta witsimɨtiu'ɨatɨka 'iyari kanitemawieritɨwametɨni, 'ekɨta witsikepemɨtiwaxeiya 'iwatamete mɨkɨta waɨkawa pewaparewiekaku mekaniyuwaɨriyani.

Temaiwawemete 27:17

Tepɨa hepaɨna tepɨakɨ xɨka 'atamɨani kanetaxikaunariyamɨkɨ, meta tewi yuhepaɨ teɨteri wahamatɨa katinetimamateni.

Hutarieka 'inɨari 3:28

Kutsuhexi ketineutaxatɨa naime tita mɨreuyewetse, keneutuika waɨkawa muyuwaɨriyanikɨ, mɨkɨ pɨta kananuyeyerɨmɨkɨ 'ikɨ teɨteri mɨwaranuwitɨnikɨ meta mɨkɨ kaniwayetuiriemɨkɨ kwie pemɨxeiya”.

Kuwi 16:5

Neniukikɨ nekanixe'anutanieritɨawenike, nekanixe'ɨnɨtɨanike netenikɨ.

'Etsekieri 13:22

Xemetsɨ kemɨ'ane 'aixɨa mɨtiyukɨhɨawe xekaniunutuixitɨani 'itarikakɨ, ne neka'i'uximatɨakaku. 'Aixɨa xekatenehɨaweni 'axatiyuruwame mɨkatihayewanikɨ 'axakemɨtiyuriene, meta mɨkayutawikwetsitɨanikɨ.

1 Tsamuheri 23:15

Hikɨ Rawiri Huretsi 'uyeikatɨ, makumawetsie Tsipi kwieyaritsie, mɨpaɨ katinetimani kename Tsahuri 'ayeyakai 'ikuwaunetɨ 'imienike.