1 Tsamuheri 20:8 - Kakaɨyari Niukieya

⁸ Metsɨ Yawé hɨxie tɨratu pekaniuwewieni nehamatɨa, kename ti'a'uximayatsiriwame nehɨkɨ, 'ayumieme waɨkawa nepɨmatsiwawirie yurikɨ pemɨnetikuxaxatɨwanikɨ. Xɨka ne 'axanetiuyurieni mɨpaɨ peretimani, 'apaapa hetsɨa pepɨkanetsiyetuayani, 'ekɨ matsi keneneumi'a.

1 Tsamuheri 20:8 ပူးပေါင်းရင်းမြစ်များ

2 Tsamuheri 14:32

Hikɨ 'Awitsaruni mɨpaɨ katinita'eiya: —Ne nepɨmatsi'utanɨ'a nepɨmatsiwawiriekai ti'aitame hetsɨa pemumiekɨ meta pemeita'iwawiyakɨ ketitayari Ketsuxi kiekariyaritsie nemeyeikakai nereyetɨa. Matsi 'aixɨa pɨyɨnikekai xɨka mana neheyuhayewake. Ti'aitame hɨxie nekanimieni, xɨka nehetsie tixuaweni, kenetsi'umieni.

1 Tsamuheri 18:3

Waɨkawa minaki'eriekaikɨ, tɨratu hamatɨana kaniuwewieni:

1 Tsamuheri 23:18

Merikɨte 'ayumieme yuhutatɨ tɨratu me'uwewieka Yawé hɨxie, Kunatani yukie kaneyani, Rawiri meta Huretsi kaniyuhayewa.

1 Tsamuheri 20:16

Yawé ketiwarukwinitɨani memɨmatsi'aye'unie. Hikɨ mɨpaɨ Kunatani tɨratu katiniuwewieni Rawiri meta 'iwamama wahamatɨa,

Nɨ'ariekate 25:11

'Axa xɨka netiuyurienike, tixaɨ xɨka netiuyurienike kemɨreuyewetse nemɨmɨnikɨ, nepɨkaneku'imawa nemɨmɨnikɨ. Metsɨ xɨka katiyuritɨni 'ikɨ kememɨteniukixie nehepaɨtsita, xewitɨ pɨkayɨwe mɨkɨ wahetsɨa mɨnetsiyetuanikɨ wanaki'aritɨamɨtɨ. Tsetsaxi hɨxie nekanitaniumɨkɨ.

Temaiwawemete 3:3

Hatsuaku pepɨkaratɨtɨmaiyani peti'akanaki'erietɨ meta yuri petikuxatatɨ: 'Aheyemekɨ mɨpaɨ ketinekamieni meta 'a'iyaritsie paitɨ kena'utɨaka.

Nɨawari 116:11

Mɨpaɨ neputayɨ newaɨripietɨ: «Yunaitɨ memɨte'itawa mepɨhɨkɨ».

1 Kemɨtiuyɨ 12:17

Rawiri kanayeyani waranukunakeke mɨpaɨ katiniwarutahɨawe: ―Xɨka 'aixɨa 'anemekɨ xekɨyɨaka xenetsiparewienike nekanixetanaki'erimɨkɨ, peru xɨka xenetsi'aye'unietɨ xeyɨaka xenetsiyetuanike, ta'ukiyarima wakakaɨyari yakeretimani meta ketiwarukwinitɨani, netsɨ tiyumiekame nepɨkahɨkɨ.

Xuti 1:8

Hikɨ Nuhemi mɨpaɨ katiniwarutahɨawe yumu'e'ema: ―Neuxei, yuxexuitɨ yukie xekeneutayeixɨa yumaamama wahetsɨa. Yawé 'aixɨa ketixexeiyani kexemɨtewanaki'eriekai memukwi, wahetsie kexemɨtewiyakai, yaxeikɨata kexemɨnetenaki'eriekai ne.

Kutsuhexi 22:22

―Yawé, Kakaɨyari mɨmariwe kakaɨyarixi wahɨxie, yurikɨ, Yawé, Kakaɨyari mɨmariwe kakaɨyarixi wahɨxie, mɨpaɨ pɨtimate kename 'axatekate'uyuri kename te'i'eirikutɨ tekayɨa. Xemetsiere 'ixaheritsixi yunaitɨ mɨpaɨ xeketenemaika. Mexɨka mɨpaɨ ka'aneni, 'aixɨa pɨ'ane xemɨtatsikwini.

Kutsuhexi 2:14

Mɨkɨ mɨpaɨ mekaniutiyuani: ―Tame yatepaitɨka Yawé hɨxie tatukari teyetuatɨ kename 'atsixekate'anuyekɨne, xɨkatsɨ pekatatsi'utaxaneta tame 'aixɨa tepɨteyurieni 'ahetsiemieme, tepɨtehaye'atɨani ketemaitɨka kepauka Yawé mɨtatsiyetuirieni 'ikɨ kwie.

Tsutɨarika 47:29

Kepauka 'Ixaheri mɨximetɨ, Kutse katiniutanɨ'airieni. Mɨpaɨ katinitahɨawe: —Xɨka 'aheyemekɨ penetsinaki'erieka, neteuritɨa keneutame'i 'inɨari mayanikɨ kename yapemɨtikayani, yakenetineutahɨawi yuri pe'utaitɨ, pemɨkanetsikateukunikɨ 'Ekipitu.

Tsutɨarika 24:49

Hikɨ, yaxekeneteneutahɨawi xɨka 'aixɨa xetekakɨnikuni xe'inaki'erietɨ neti'aitɨwame, metatsiere yaxeneteneutahɨawi xɨka katixaɨtɨni. Netari kenemɨyɨaneni».

1 Tsamuheri 20:9

Kunatani mɨpaɨ katinitahɨawe: —Mɨpaɨ pepɨka'utaineni, ne mɨpaɨ nepɨkatiyurieni. Matsi xɨka neretimani nepaapa kename matsimiemɨkɨ, kwitɨwa mɨpaɨ nekamatinitaxatɨamɨkɨ.

1 Tsamuheri 18:1

Merikɨtsɨ Rawiri Tsahuri yuhamatɨa metekuxatatɨ mete'utahayewakari, 'anatɨtɨ Tsahuri Rawiri pɨka'upitɨa para yukie mɨyemiekɨ yupaapa hetsɨa, 'ahura xeikɨa muyeikanikɨ ti'uximayatsirietɨ. Meta Kunatani Rawiri waɨkawa naki'erietɨ kanayani meta yɨkɨmana kemɨtiyunaki'erie hepaɨ katininaki'eriekitɨni.