1 Tsamuheri 20:5 - Kakaɨyari Niukieya

⁵ Hikɨ Rawiri mɨpaɨ katinitahɨawe: —Pepɨtimate metseri mɨhekwa 'ixɨarariyari 'uxa'a mayani, nepɨrekwanikekai 'apaapa hamatɨa mexatsie. 'Aixɨa kaniyɨmɨkɨ nemɨneti'awietakɨ 'ɨtsita keneneupitɨa warie taikaike nemɨnuanikɨ.

1 Tsamuheri 20:5 ပူးပေါင်းရင်းမြစ်များ

'Inɨatsie 10:10

»Kepauka 'ixɨarari waɨkawa meuyewetse xemutiwewiwani, meta metseri mɨhekwa tukariyari 'anatsiere xekateniutihɨtsiwakuni mawari taiyariyari memewewienikɨ meta 'aixɨa memɨteyuxeiyani mawariyari hetsiemieme. 'Ana Kakaɨyari xeme pɨxehaye'erieni. Ne Yawé 'akakaɨyari nekanihɨkɨtɨni».

1 Tsamuheri 19:2

mɨpaɨ Rawiri katiniutahɨawe: «Keni'akweriwayurieka nepaapa Tsahuri katinikuwauneni kehapaɨ mɨmatimieni. 'Ɨtsita muwa keneyuti'awieta 'uxa'a ximeri.

'Inɨatsie 28:11

»Metseri maye'axenitsie mexɨakame tukaritsie mawari taiyariyari pekaniutiwewiwamɨkɨ Yawé hetsiemieme, yuhutame tsikerutsixi, xeime muxa 'ukitɨme, meta 'atahutame muxatsi xeiwiyari mehɨtɨkaime 'aixɨa memɨ'anene memɨkatekukuye.

Nɨawari 81:3

Muxa 'uki 'awaya xekeneutahɨtsi metseri manatiwenitsie, meta metsa mɨxikɨraɨyenitsie, ta'ixɨarari tukariyaritsie.

Kurutsetari 2:16

Xewitɨ 'ayumieme pɨkaxexanetani tita xemɨtekwa'akɨ meta tita xemɨte'iekɨ, xemiwewiekɨ 'ixɨarari, yatɨni metsa mɨhekwa 'ixɨarariyari, yatɨni 'uxipiya tukari kexemɨkate'iwewiekɨ.

Nɨ'ariekate 17:14

Kwitɨwata 'iwamarixi Papuru haramara tetsita mekanitanɨ'ani mɨyemiekɨ. Tsiraxi meta Timuteu Wereyatsie mekaniyuhayewa.

Wani 8:59

Hikɨ 'ayumieme tetexi mekaniutitɨkɨ me'ituaxake. Ketsutsi kaniyuti'awieta, tuki kuraruyarita kaniwayeyani watsata 'umietɨ.

Temaiwawemete 22:3

Kemɨ'ane mɨtimaiwe 'axamɨti'ane katinixeiyani mɨkɨ 'ateewa puyeyeika, matsi mɨkatimaiwe mana kaniuyeyeikani 'ayumieme pɨtiuka'eniwa.

Nɨawari 55:12

Xɨka mɨnetsi'aye'unie netsi'anutatiexɨani, ne nepinewiwe, xɨka mɨnetsi'aye'unie netsinanaimaka, ne nepɨneti'awietawe.

1 Tsamuheri 20:19

Kahauyewekamekɨ, warie kenemie meripaitɨ hakewa pemeyuti'awietaxɨtsie, tete 'Etseheri mɨtitewa manuka 'aurie keneyuhayewani.

1 Tsamuheri 20:6

Xɨka netsiheku'iwawani 'apaapa, Wereni nemɨmiekɨ kename ne'uyutawau 'ahetsɨa mɨpaɨ ketinetahɨawi, nekiekari meta ne'iwama muwa meheyuxeɨrie mawari mehewewienike metseri mɨhekwa hetsiemieme.

2 Te'aitamete 4:23

Kɨnaya mɨpaɨ katinita'iwawiya: —¿Titayarikuta hikɨ kwitɨwa hetsɨana petimie? Metseri hekwame 'ixɨarariyari pɨkahɨkɨ meta 'uxipiya tukari. Mɨkɨ mɨpaɨ katiniuta'ani: —Tsepatsɨ.

1 Tsamuheri 20:4

Kunatani mɨpaɨ katinitahɨawe: —Kenetiyurieni yakenetineutahɨawi, yanekatiniyuriemɨkɨ.

1 Tsamuheri 20:18

Mɨpaɨta katinitahɨawe: —Metsa mɨhekwa 'ixɨarariyari 'uxa'a kanihɨkɨtɨni. Hikɨ mematsihetɨmaiyatɨ 'a'ɨpari xeikɨa mehexeiyatɨ mekameneta'iwaukuni.

1 Tsamuheri 20:24

Hikɨ Rawiri 'ɨtsita kaniyuti'awieta. Kepauka maye'a metsa mɨhekwa 'ixɨarariyari, ti'aitame tikwanike mexatsie kaniutiyerɨni,

1 Tsamuheri 20:27

Hikɨ 'uxa'arieka, hutarieka tukaritsie metseri mɨhekwa 'ixɨarariyari mekaniuwewieni, Rawiri yɨ'ɨparitsie pɨka'ayeixakai, hikɨ Tsahuri Kunatani mɨpaɨ katiniuta'iwawiya: —¿Keri titayari 'Itsahi nu'aya takai meta hikɨ kareukuyeixɨa mɨtikwanikɨ?

'Amuxi 8:5

Xeme mɨpaɨ xekaniutiyuaneni: «¿Kepaukari payeika metseri mɨhekwa 'ixɨarariyari 'iku 'uriyari temutuanikɨ, yatɨni, kepaukari 'uxipiya tukari paye'ani tɨriku temutuanikɨ?» Xeme xepiwautɨwe 'inɨari 'etsipeme xemeyeitɨanikɨ meta matsi 'amɨraye'akakɨ, tepɨa ti'inɨnɨatame tinawayame xemayeitɨakɨ