1 Tsamuheri 20:31 - Kakaɨyari Niukieya

³¹ 'Ayumieme mexi 'Itsahi nu'aya 'ena 'uyeikani, heitserie pepɨkahexeiya ti'aitame pemayanikɨ. 'Ayumieme mɨwawiemiekɨ ketineutanɨ'a, ke'atɨarieni kaneuyeweka mɨkɨ mɨmierienikɨ.

1 Tsamuheri 20:31 ပူးပေါင်းရင်းမြစ်များ

1 Tsamuheri 20:8

Metsɨ Yawé hɨxie tɨratu pekaniuwewieni nehamatɨa, kename ti'a'uximayatsiriwame nehɨkɨ, 'ayumieme waɨkawa nepɨmatsiwawirie yurikɨ pemɨnetikuxaxatɨwanikɨ. Xɨka ne 'axanetiuyurieni mɨpaɨ peretimani, 'apaapa hetsɨa pepɨkanetsiyetuayani, 'ekɨ matsi keneneumi'a.

1 Tsamuheri 19:6

Tsahuri kepauka Kunatani mu'eni, mɨpaɨ katinita'eiya: —Kaniyuritɨni Yawé kanayeniereni, kenemaine hikɨri Rawiri pɨkamɨni 'aixɨa nepɨtixeiyani.

Nɨawari 79:11

'Ahetsɨa paitɨ keheye'ani memehapanie watsuari, 'atɨrɨkariyakɨ memɨkwi'iwa keniwarutawikweitsitɨa.

2 Tsamuheri 19:28

Ne'iwama teyunaitɨ nepaapa hetsiemiemete peuyewetse temɨkwi'iwakɨ 'ahɨxie neti'aitɨwame. Mɨyatɨtɨ, ti'aitame ne ti'a'uximayatsiriwame 'amexatsie pemɨratikwa'a pepɨnetsi'upitɨa nemɨtikwanikɨ. Tawarita xɨari heitserie nepɨkahexeiya nematitawawirienikɨ ti'aitame.

1 Tsamuheri 26:16

Kepemɨtiuyuri 'aixɨa pɨka'ane, kaniyuritɨni Yawé kemɨrayeyuri. 'Ekɨ matsi peuyewetse pemumɨnikɨ meta 'akuyaxima tixe'aitɨwame xemɨka'uta'ɨwiyaxɨkɨ Yawé menayexei. Tsiparatsɨ ¿hakewa ti'aitame pitsikaya pewe, meta haa muyema tekɨxi manutimu'ukai muwekai?

1 Tsamuheri 20:30

Hikɨ Tsahuri waɨkawa ha'atɨ, Kunatani mɨpaɨ katiniutatieni: —'Ukaratsi 'axamɨtiuka'iyari pepɨnu'aya. Ne nekatimaikame peti'erie, 'Itsahi nu'aya matɨa kwinimieme xemɨteyunaki'erie, nepɨxeheutewiya 'ekɨ meta 'amaama pɨka'uka'iyari.

1 Tsamuheri 23:17

Mɨpaɨ katinitahɨawe: «Pepɨkaheumaka, nepaapa pɨkayɨwekaxɨani mɨmatsimieni. 'Ekɨ 'Ixaheri kwieyaritsie ti'aitame pepayani, neta 'a'aurie mutikeni nepayani. 'Ikɨ hepaɨtsita nepaapa katinimaikari».

2 Tsamuheri 12:5

Hikɨ 'u'enaka Rawiri waɨkawa kaniuyeha'ani mɨkɨ xiku hepaɨtsita, 'ayumieme Natani mɨpaɨ katiniutahɨawe: —Yurikɨ Yawé hɨxie mɨpaɨ nekanaineni, mɨkɨ tewi mɨya mɨreyuri kaneuyeweka mɨmierienikɨ.