1 Tsamuheri 20:3 - Kakaɨyari Niukieya

³ Hikɨ Rawiri yurikɨ mɨpaɨ katinitahɨawe: —'Ekɨ pemɨnetsinaki'erie 'apaapa yakatinimaika, 'ayumieme xɨari mɨpaɨ pɨtiu'eri: “Yapɨkaretimani matsi Kunatani, mɨkanutuixiekakɨ”. Peru Yawé mayeniere hɨxie meta 'ekɨ 'ahɨxie mɨpaɨ nekanaineni, kanehuraniri nemɨmɨnikɨ.

1 Tsamuheri 20:3 ပူးပေါင်းရင်းမြစ်များ

2 Te'aitamete 2:6

Tawarita 'Eriyaxi mɨpaɨ katinitahɨawe: —'Ena keneuyuhayewa, Yawé kanenenɨ'ani Kurutani paitɨ. Peru tawarita 'Eritseu yaxeikɨa kaniutayɨni: —Yurikɨ mɨpaɨ nekanaineni Yawé mayeyurikɨ meta 'ekɨ, hatsuaku 'axaɨtame nepɨkamatsihayewa. Hikɨ yunaitɨ yuhutatɨ mekanekɨne,

1 Tsamuheri 27:1

Merikɨtsɨ Rawiri mɨpaɨ katiniyukɨhɨawekaitɨni: «Tsieretsɨ hatsuaku Tsahuri pɨnetsimieni. 'Aixɨa kaniyɨmɨkɨ piritsiteutsixi wakwietsie nemɨneta'unakɨ mana nemekanikɨ. Mɨpaɨ Tsahuri netsiwaunetɨ 'Ixaheri kwieyaritsie kaniti'uximɨkɨ».

1 Tsamuheri 25:26

»Peru hikɨ Yawé pɨkamatsipitɨa xuriya pemɨtayeurienikɨ 'ekɨ 'akɨmana yapetiwarakapitɨanike. Kaniyuritɨni Yawé kanayeyurini meta 'ekɨ. 'Ayumieme nepiwawirie kemɨ'ane memɨmatsi'aye'unie meta yunaitɨ memɨmatsimieku, Nawari hepaɨ mekatenikwinitɨariekuni.

Hutarieka 'inɨari 6:13

»Yawé 'akakaɨyari kenayemakaxeni, mɨkɨ xeikɨa kenayexeiyani, yaketineyuhɨritɨa mɨkɨ kemɨtitewakɨ.

2 Te'aitamete 2:4

'Eriyaxi tawarita 'Eritseu mɨpaɨ katiniutahɨawe: —'Eritseu, 'ena keneuyuhayewa, Yawé kanenenɨ'ani Keriku paitɨ. Peru 'Eritseu tawarita mɨpaɨ katinitahɨawe: —Yurikɨ mɨpaɨ nekanaineni Yawé mayeyurikɨ meta 'ekɨ, hatsuaku 'axaɨtame nepɨkamatsihayewa. Hikɨ yunaitɨ mekanekɨne Keriku paitɨ.

2 Te'aitamete 2:2

Hikɨ 'Eriyaxi 'Eritseu mɨpaɨ katiniutahɨawe: —'Ena keneuyuhayewa, Yawé kanenenɨ'ani Weteri paitɨ. Peru 'Eritseu mɨpaɨ katinita'eiya: —Yurikɨ mɨpaɨ nekanaineni Yawé mayeyurikɨ meta 'ekɨ, hatsuaku 'axaɨtame nepɨkamatsihayewa. Hikɨ yunaitɨ mekanekɨne Weteri paitɨ.

1 Tsamuheri 1:26

Hana mɨpaɨ kaniutayɨni: «Neti'aitɨwame, yurikɨ nepɨtayɨni, ne 'ukaratsi nepɨhɨkɨ 'a'aurie nemutikatei 'uwa Yawé nenewieri nepitɨatɨ.

Hepɨrayutsixi 6:16

Teɨteri kepauka memɨyɨhɨritɨa, mepixata kemɨ'ane matsi waɨkawa mɨtɨrɨkaɨye, naimekɨ xɨka yuhɨritɨani, mɨkɨkɨ pɨtseiriyarie niuki, mɨkɨkɨ pɨnɨrie niuki xɨatɨarika.

Keremiyaxi 38:16

Peru Tserekiyaxi 'awie mɨpaɨ Keremiyaxi katiniutahɨawe: —Yawé hɨxie mɨpaɨ nepɨmerahɨawe, tukari mɨtatsi'upitɨa, nepɨkamatsimieni meta nepɨkamatsiyetuani 'ikɨ memetsimieku wahetsɨa.

Keremiyaxi 4:2

xɨka yurikɨ, 'aixɨa 'anemekɨ meta heitseriemekɨ, yape'utayɨni: “Yurikɨ Yawé 'amuyeikakɨ”, hikɨ, “hetsiena mieme nuiwarite 'aixɨa me'itɨarietɨ mepakɨne, meta me'inɨawatɨ mepakɨne”».

Nɨawari 116:3

Mɨki yuwiniyarikɨ pɨnetsihɨakai, 'uximatɨarika pɨnetsi'umi tɨma, 'anari waɨkawa nepɨtiuka'eniexɨa.

2 Tsamuheri 15:21

Matsi 'Itahi ti'aitame mɨpaɨ katiniuta'eiya: —Yurikɨ mɨpaɨ nekanaineni Yawé hɨxie meta 'ekɨ ti'aitame, tsepa temekwi'iwaxɨ yatsepa temɨkahekwi'iwaxɨ, ne nepɨyemie hakewa tsepa 'ekɨ pemetɨa.

1 Tsamuheri 17:55

Kepauka Rawiri muyumienekai piritsiteu tewiyari hamatɨa, Tsahuri 'ixeiyatɨ, 'Awinexi kuyaxi tiwa'aitɨwame mɨpaɨ katiniuta'iwawiya: —'Awinexi 'aku, ¿Kemɨ'ane mɨkɨ temaikɨ pupaapaya? —Neuxei ti'aitame, ne 'atsinepɨkatimate.

Hutarieka 'inɨari 28:66

Tukarikɨ meta tɨkarikɨ xeheumamatɨ xepe'uwani, waɨkawa xemariutsietɨ hawaikɨ tɨma 'aixɨa 'iyari xepɨkahe'uwani.

1 Tsamuheri 20:2

Kunatani mɨpaɨ katinita'eiya: —¿Titayarikuta petimierieni? Pɨkatixaɨ matsi, nepaapa naime kemɨtiyuriene kanetinikuxaxatiwani, tsepanetɨ kwinimieme mɨkati'ane. Pɨkaneti'awitsirie, 'aixɨa pɨka'ane kepemaine.

1 Tsamuheri 20:4

Kunatani mɨpaɨ katinitahɨawe: —Kenetiyurieni yakenetineutahɨawi, yanekatiniyuriemɨkɨ.