1 Tsamuheri 20:1 - Kakaɨyari Niukieya

¹ Merikɨtsɨ Rawiri Nayuti Xama mɨrakutewatsie kanayeyani, Kunatani manukatsie kaneyani. Mɨpaɨ katinita'iwawiya: —¿Ne kenetiuyuri? ¿Titakɨ 'axanetiuyuri yanutsɨtɨni nekapɨtiuyumi 'apaapa titayari netimiemɨkɨni?

1 Tsamuheri 20:1 ပူးပေါင်းရင်းမြစ်များ

2 Pekuru 2:9

Kaniyɨweni Ti'aitame mɨwatawikweitsitɨanikɨ mɨkɨ Kakaɨyari memayexeiya kepauka memɨta'inɨatsieni, pɨyɨweta mɨkɨ heitseriemekɨ yamemɨkatekahu mɨwata'ɨwiyakɨ wa'uximatɨatɨ, 'itsɨkame 'arike mɨwata'iwawiyakɨ.

1 Wani 3:21

Nenaki'erima, ta'iyari xɨka katatsi'utatieni, 'aixɨa tepɨtemaika Kakaɨyari hɨxie,

2 Kurinitutari 1:12

'Aixɨa temutiyuanenikɨ mɨpaɨ tepaitɨka tahepaɨtsita, ta'iyaritsie 'aixɨa tepɨtetamate ketemɨyɨa 'ena kwiepa. Mɨpaɨ tepɨtemate, Kakaɨyari hetsiemieme tepatsietɨ tepɨyɨa, 'aixɨa tetehekɨatsietɨ Kakaɨyari kemɨtatipitɨa. Teɨteri wahepaɨ kememɨtemaiwawe tepɨkayɨa, matsi Kakaɨyari yatatipitɨakaku 'aixɨa kemɨtiuka'iyari, mɨpaɨ 'ayumieme tekaniyɨaka kwiepa memɨtama wahetsɨa, xehetsɨa matsi yemekɨ mɨpaɨ tekaniyɨaka.

1 Tsamuheri 24:17

Hikɨ Tsahuri Rawiri mɨpaɨ katinikuhɨawekaitɨni: —'Ekɨ matsi 'aixɨa pepɨtiuyeika keyuri ne, 'axamɨti'anekɨ 'aixɨa pepɨnetsi'uyuri.

1 Tsamuheri 24:11

Neuxei nepaapa, keneuxeiya 'a'ixuriki kɨtsimeyari nepahurie. Ne 'ikɨ 'etsiyeume nekaneukɨxiteni nepɨkamatsi'umi. Mɨpaɨ ketinemaika nehetsie tixaɨ 'axati'anetɨ pɨkatixuawe. 'Ekɨ matsi pekanenikuwauneni penetsimiemɨtɨ, tsepa ne 'axanekamatsi'uyuri.

1 Tsamuheri 24:9

Tsahuri mɨpaɨ katiniutahɨawe: —¿Titayari yuri petiwa'eririe 'ekɨ mɨpaɨ memɨmatekuhɨawe, kename nematsi'unie?

1 Tsamuheri 12:3

'Ena xepɨnetsi'uketsa. Yawé hɨxie kexemɨnete'utahɨawe xepɨyɨwawe meta menayexei hɨxie. ¿Kemɨ'ane tuuruya, puxuya nepunawa? ¿Kemɨ'ane nepukwamanaxɨ? ¿Kemɨ'ane nepuhiweritɨa? ¿Kemɨ'ane nepɨkarakapitɨa? Xekeneneutaxaneta nepɨrayukatuani kexemɨnetetawawirieni.

1 Tsamuheri 20:2

Kunatani mɨpaɨ katinita'eiya: —¿Titayarikuta petimierieni? Pɨkatixaɨ matsi, nepaapa naime kemɨtiyuriene kanetinikuxaxatiwani, tsepanetɨ kwinimieme mɨkati'ane. Pɨkaneti'awitsirie, 'aixɨa pɨka'ane kepemaine.

Nɨawari 54:3

Neuxei, teɨteri nemɨkawamate mekanenimietɨweni, mekanenimiekuni mɨkɨ memɨteyukananaima, mɨkɨ teɨteri 'ekɨ Kakaɨyari mepɨkametsinaki'eriku.

1 Tsamuheri 19:1

Merikɨtsɨ Tsahuri yuniwe Kunatani katiniutaxatɨani meta te'i'uximayatsiriwamete yunaime Rawiri kememɨtemieni. Peru Kunatani waɨkawa Rawiri mɨnaki'eriekaikɨ,

1 Tsamuheri 19:18

Merikɨte 'utawikweka yuta'unakari, Rawiri kaneyani Xama mɨrakutewatsie Tsamuheri hetsɨa naime reitaxatɨanike Tsahuri kemiyurienekai. 'Ayumieme mɨkɨ yuhutatɨ Nayuti mɨrakutewatsie menekɨne mana mehetiyaxeke.

1 Tsamuheri 20:32

Kunatani mɨpaɨ katinita'eiya: —¿Titayari timierieni? ¿Kekuta tiuyuri?

1 Tsamuheri 24:12

Yawé tame teyuhutame tahetsie kerahɨani. Yawé katinimaika kemɨ'ane mɨtikɨhɨwirieni, peru ne hatsuaku nepɨkamatikwinitɨani.

1 Tsamuheri 26:18

¿Titayari neti'aitɨwame mati'uximayatsiriwame penetiuweiya? ¿Kekuta netiuyuri? ¿Ketitakɨkuta 'axanetiuyuri?