1 Tsamuheri 2:6 - Kakaɨyari Niukieya

⁶ »Yawé tukari pɨtatsipitɨa meta mɨɨya, mɨkɨ yapɨtiyuriene temɨkateukienikɨ peru meta pɨtatsi 'anuku'uitɨwa.

1 Tsamuheri 2:6 ပူးပေါင်းရင်းမြစ်များ

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

Kitsariyaxi 26:19

Peru 'ahetsie metewiyatɨ memukwi mepanutaneniere, wa'umete tukari hexeiyatɨ payani. Xekenanutanenieri xekeneutihiwani temawierikakɨ, tumuanaripa xemɨkiekatari. Haɨtsi 'ahetsɨa mieme, haɨtsi ximeri mieme hepaɨ kani'aneni, kwie meta yumɨkite puwayetuani.

2 Te'aitamete 5:7

Xapa hakaterɨwaka, 'Ixaheri kwieyaritsie ti'aitame yukamixa kaneukatsana meta mɨpaɨ kaniutayɨni: «¿Nekuta Kakaɨyari netihɨkɨ? Ne nepɨkayɨwe xewitɨ mɨmɨnikɨ mexɨkatɨni manutanierekɨ nemipitɨani. ¿Titayari mɨkɨ netiwawirie nawi kwiniyayari mexeiya 'aixɨa 'aneme pemayeitɨanikɨ? Kaukatɨ mɨkɨ haxɨa mekuwautɨwe xeikɨa tahamatɨa».

Matsiɨkɨtɨ kemɨratɨa 1:18

meta nemayeniere nepɨhɨkɨ. Tsepa nemumɨkai, matsi hikɨ nepayeniere tsepa xeitsienituyari wiyari manuyekɨka, meta tiyepiwame nekana'ɨka memɨtakukuwe wahetsiemieme meta mɨkite wateukiyapa hetsiemieme.

Kuwi 5:18

Mɨkɨ katinakwinitɨamɨkɨ, matsita katina'uayemamɨkɨ, katinakuwaxɨamɨkɨ peruta katineunuitɨiriemɨkɨ.

Wani 11:25

Ketsutsi mɨpaɨ katinitahɨawe: —Ne nekanihɨkɨtɨni wa'uitɨwame, tukari netihɨkɨta. Kemɨ'ane nehetsie yuri mɨti'erie, tsepa mɨmɨki, kanayenierekamɨkɨ.

Mateu 12:40

Kunatsi ketsɨ 'amupatsie kemɨtiyekatei haika tukari haika tɨkari, mɨpaɨta yaxeikɨa Yuri Tewi kenemɨtitewa, kwieta nepɨyekani haika tukari haika tɨkari.

Nɨawari 116:3

Mɨki yuwiniyarikɨ pɨnetsihɨakai, 'uximatɨarika pɨnetsi'umi tɨma, 'anari waɨkawa nepɨtiuka'eniexɨa.

1 Tsamuheri 20:3

Hikɨ Rawiri yurikɨ mɨpaɨ katinitahɨawe: —'Ekɨ pemɨnetsinaki'erie 'apaapa yakatinimaika, 'ayumieme xɨari mɨpaɨ pɨtiu'eri: “Yapɨkaretimani matsi Kunatani, mɨkanutuixiekakɨ”. Peru Yawé mayeniere hɨxie meta 'ekɨ 'ahɨxie mɨpaɨ nekanaineni, kanehuraniri nemɨmɨnikɨ.

Nɨawari 68:20

Takakaɨyari, Kakaɨyari tiyuwikweitsitɨwame pɨhɨkɨ, Yawé Tati'aitɨwame pɨkatatsipitɨa temɨkwinikɨ.

Ti'ɨkitame 3:3

kepauka mɨtiuyumieni, kepaukata muwaranayexɨrɨwani, kepauka mɨtiuka'unakɨ, kepaukata menukuketɨanikɨ,

'Etsekieri 37:3

Hikɨ Yawé mɨpaɨ kanetiniutahɨawe: «Tewi pemunu'aya 'aku, ¿'ikɨ 'umete manutanenierekɨ tiyɨwe?» Neta mɨpaɨ nekatinita'eiya: «Yawé naimekɨmɨyɨwe 'ekɨtsɨ pekatinimaika».

'Etsekieri 37:12

'Ayumieme, ketiniwarutaxatɨa meta mɨpaɨ ketiniwaraye'eritɨa Yawé naimekɨmɨyɨwe mɨpaɨ kanaineni: “Neteɨterima, hakewa xemeteuke nepɨxehewatiyepiexɨani, nepɨxehewatihapani, nekanixe'atɨamɨkɨ 'Ixaheri kwieyaritsie.

1 Te'aitamete 17:22

Yawé 'Eriyaxi hiwarieya kaniu'enieni, hikɨ temaikɨ kananutaniere.

Nɨawari 30:4

Yawé xekenenɨawani, xeme 'aixɨa xemɨte'u'uwa hetsiena mieme, kemɨtipatsie xekenenɨawani.

Nɨawari 71:20

Waɨwaka 'uximatɨarikatsie pepɨnetsi'atiwitɨxime, matsi tawarita tukari pepɨnetsipitɨani, kwieta meukatewatsie paitɨ tawarita muwa pepɨnetsi'atihana.