1 Tsamuheri 2:5 - Kakaɨyari Niukieya

⁵ Meripaitɨ 'ikwai 'anayuhayewame memexeiyakai, hikɨri paa 'etsipemekɨ mepuyutua. Meripaitɨ memɨte'uka'eniwakai haakakɨ hikɨri waɨkawa 'ikwai mehexeiyatɨ mekaniu'uwani. 'Uka mɨkaniwewekai 'atahutamexɨa kaniutiniweni, matsi yumɨireme yuniwema mɨwarexeiyakai kawarexeiyatɨ kanayani.

1 Tsamuheri 2:5 ပူးပေါင်းရင်းမြစ်များ

Rukaxi 1:53

Memeuhakakwikukai kaniwarutihɨniya 'aixɨa mɨti'anekɨ, peru memeuka'ukai kaniwareutanɨ'axɨani memamaweme.

Nɨawari 113:9

'Uka mɨkaniwewe, yukii mexeiyanikɨ kanipitɨaka meta tɨɨri mɨwarayexeiyakɨ. Yawé kenɨawarieka.

Keremiyaxi 15:9

Kaniku'amɨweni kemɨ'ane 'atahutame yuniwema 'ukitsi mɨwarayexeiyakai, ka'u'iwetɨ payeika. Tsepa mutuka pukɨ'iyɨriwa, 'ukaratsi yutewiyatɨ payeika yemekɨ. Kemɨ'ane memɨyuhayewa nepuwayetuani memɨkwi'iwakɨ memɨwaraye'unie wahɨxie», Yawé mɨpaɨ kanaineni.

Nɨawari 34:10

Mayetsi tɨɨrixi mepɨtiweranare meta mepeuhaakakwiku, peru kemɨ'ane Yawé memukuwautɨwe tixaɨtɨ pɨkatiwareuyehɨwa.

Rukaxi 16:25

Hikɨ 'Apɨrahami mɨpaɨ kaniutayɨni: “Neniwe, kena'eriwani 'aixɨa 'anemekɨ pepuyeikakai kepauka pemayeyurikai, peru Ratsaru 'aixɨa 'anemekɨ pɨka'uyeikakai, hikɨri mɨkɨ 'uwa kaninɨtɨarieka, 'ekɨ pɨta pepɨ'uximatɨarie.

Kitsariyaxi 54:1

«'Ekɨ 'ukaratsi hatsuaku pemɨkatiniwewe, keneutahiwani temawierikakɨ. 'Ekɨ, hatsuaku niweyame kukuiniyaya pemɨkamate, keneutakwikani meta keneutahiwani temawierikakɨ. 'Ukaratsi muku'eiriwaxɨ matsi waɨkawa tɨɨri warexeiyatɨ kanayeimɨkɨ, mɨwikie kemɨkatiwarexeiya —Yawé mɨpaɨ kanaineni—.

1 Tsamuheri 1:6

Wixieya Penina waɨkawa kani'uximatɨakaitɨni, para ha'atɨ muyeikanikɨ xeikɨa, Yawé kaniweweme meyeitɨakaikɨ.

1 Tsamuheri 1:20

Hana kaniutihukata, xeiwiyari hanuyeyaku xeime nunutsi 'ukitɨme kanayexeiya, Tsamuheri katiniterɨwa, mɨpaɨ 'utayɨka: «Yawé nemutawawirikɨ».

Karatsiyatari 4:27

Mɨpaɨ katine'uka: «Kene'atemawieka 'ukaratsi pemɨkaniwewe, tɨɨri pemɨkawarexeiya, keneutakwika. Keneutahiwa 'ukaratsi pemɨkatiukwinixɨ, kemɨ'ane tɨɨri mɨkawarexeiya, mɨkɨ matsi yumɨireme pɨwarexeiyani yuniwema, kemɨ'ane mɨrekakɨna, hipame xeikɨa pɨwarexeiyani».

Xuti 4:15

'Ikɨ nunutsikɨ 'aixɨa pepɨ'itɨarieka waɨkawa, hetsiena petiwiyatɨ, 'amu'e mutiniwexɨkɨ. 'Amu'e waɨkawa mɨmatsinaki'erie, matsi ke'aniwema me'atahutatɨ».

Kitsariyaxi 33:9

Kwie kaniyuheiwerieka meta kaniuwakini, Riwanu kaniyutewiyani meta kanitiyɨnareni, mayeweri Tsaruni makumawetsie hepaɨ 'anetɨ kanayani, Watsani meta Kaximeru kemɨtiutsiɨraɨyekai mɨpaɨri pɨkatiu'ane.