1 Tsamuheri 2:4 - Kakaɨyari Niukieya

⁴ »Memɨtɨrɨkawi watupi pɨtimura matsi memɨwerarani tɨrɨkariya pɨwapitɨa.

1 Tsamuheri 2:4 ပူးပေါင်းရင်းမြစ်များ

Nɨawari 76:3

Mana pitimuraxɨ 'ɨrɨ 'aixɨa mɨ'anene, kuya kɨmana muyukunarɨma, 'ixiparate, naime kuyaxa timieme.

Nɨawari 37:15

Wa'ixiparatɨtɨ wa'iyaritsie kaniuyekemɨkɨ, watupi kanitimurixɨamɨkɨ.

Piriputari 4:13

Naime nekatinikemaka Kɨritsitutsie netiwiyatɨ, mɨkɨ netsitɨrɨkariyakaku.

Nɨawari 46:9

Kuyaxa kaneutipariya naitsarie kwiepa. Tupi kaniutimura, pitsika 'amɨtɨtɨ kaniutimura, kaxetate kuyaxa mieme taipa kaneuxɨrieni.

Hepɨrayutsixi 11:34

mekanitɨni tai tsepa mɨtɨrɨkaɨyekai, mekaniutawikweni kutsirakɨ memɨkakwi'iwakɨ, tsepa memuweraranikai meputɨrɨkariyarie, kuyakɨ memɨyɨwawe mekanakɨne, mekaniwaranukuweiya kuyaxi xaɨtsie miemete.

2 Kurinitutari 12:9

Peru mɨkɨ mɨpaɨ pɨnetiutahɨawixɨ: «'Aixɨa netiuka'iyaritɨ kenemɨmatsiyuriene, tawarita tixaɨtɨ pepɨkareuyehɨaka. Peweranikaku netɨrɨkariya paye'atɨariwa». 'Ayumieme nenetemawietɨ matsi nepɨnexatani kenemɨtiwerani, Kɨritsitu tɨrɨkariyaya nehetsie muyuhayewanikɨ.

Nɨawari 37:17

matsi Kakaɨyari memɨka'ayexeiya watɨrɨkariya kaneutiparitɨariemɨkɨ, peru Yawé heitserie memexeiya kaniwaparewimɨkɨ.

Keremiyaxi 37:10

Tsepa yunaime xemɨtewarukwi kuyaxi wawiruniyutsixi, hipatɨ xeikɨa xɨka meyuhayewake mete'uka'eniwatɨ mematiteitsie, mɨkɨ mekananuku'uikuni kiekari mekanitataiyakuni”».

Kitsariyaxi 10:4

Tawariri yɨkɨ memɨte'uyurieni mepɨkayɨwaweni tixaɨtɨ memɨkatehɨkɨ mekanayuyeitɨakuni xeikɨa memanuhapanieni wahamatɨa yatɨni mekanikwikuni hipatɨ memɨkwi'iwa wahamatɨa. Tsepanetɨ 'ikɨ naitɨ mɨyamɨtiɨyɨ, Kakaɨyari haxɨaya pukaheunuawe, matsi 'akuxi yumamá kanitatseratɨkani.

'Epetsutari 6:14

'Ayumieme 'axekeneti'uka 'aixɨa. Kuya kemɨrayuhɨa, xemeta tita yuri mɨraine xekenekuxatani. Kuya tepɨa kemɨranakatɨkɨ yutawie kapa 'u'axienikɨ, xemeta heitseriemekɨ yaxeketenekahuni.

Hepɨrayutsixi 11:32

Merikɨte, ¿tita 'akuxi netitaxata? Kerehuni, Waraki, Tsanitsuni, Ketexi, Rawiri, Tsamuheri, meta Kakaɨyari niukametemama yunaime xɨka mɨkɨ newarutaxata, tukari peuyewekayeyu nehetsiemieme.

Nɨawari 18:39

'Ekɨ tɨrɨkariya pepɨnetsi'upitɨa nemɨnetamienikɨ, nehetɨa 'axamemɨte'u'iyari pekaniwati'uitɨani.

Nɨawari 46:10

«Kayuwatɨ xeketeneteni, mɨpaɨ xeketenetimati ne Kakaɨyari nemɨhɨkɨkɨ. Ne 'aixɨa nekatinitahɨawariemɨkɨ nuiwarite watsata. Ne nemariwetɨ nekanayeitɨariemɨkɨ kwiepa».

Kitsariyaxi 40:29

Mɨkɨ kemɨ'ane mu'uxe tɨrɨkaɨyeme payeitɨwa, meta kemɨ'ane memɨwerarani puwatɨrɨkariyatɨa.

Keremiyaxi 51:56

Kaniye'aka Wawiruniya 'uname, kuyaximama mekanitiwiyariekuni, watupi kanitimurariemɨkɨ. Karikɨ Yawé Kakaɨyari kanihɨkɨtɨni yakatiniwarakapitɨwani yuxexuime.