1 Tsamuheri 2:25 - Kakaɨyari Niukieya

²⁵ Xɨka xewitɨ 'axatiuyurieni yu'iwa hepaɨtsita, Kakaɨyari kanihɨkɨtɨni kemɨ'ane heitserie mexeiya yamɨtayɨnikɨ, peru xɨka Yawé hetsɨa 'axatiuyurieni, ¿kemɨ'ane rahetsie pɨratanuani?» Matsi niwemama mepɨkahenu'eni wapaapa kemɨtiwarayemari'itɨwakai, Yawé pinakekai watukari mɨwanawairienikɨ xeikɨari.

1 Tsamuheri 2:25 ပူးပေါင်းရင်းမြစ်များ

Hepɨrayutsixi 10:26

Ta'iyari ya'anekaku xɨka tetawaɨriyani 'axatemɨteyuriekakɨ teheitimaime tita yuri mɨraine, mawari pɨkaxuawe tawari menuyeitɨanikɨ tita 'axatemɨte'uyuri.

1 Tsamuheri 3:14

'Ayumieme mɨpaɨ nekanaineni nuiwarimama wahepaɨtsita: Nixeime mawarikɨ ni'imikierikɨ nepɨkatiwareuyehɨwirieni ke'axamemɨte'uyuri 'Eri niwemama.

Kutsuhexi 11:20

matsi Yawé wa'iyari kaniutseiriyaxɨani memɨwaraye'unie kaniwaruyuitɨani memɨwatakwinikɨ 'ixaheritsixi, mɨpaɨ katiniuyurieni Kananitari memɨka'unarienikɨ mawari hepaɨ, 'ixaheritsixi mekawanenimayatɨ, Yawé Muitsexi kemɨtiuta'aitɨakai.

'Inɨatsie 15:30

»Peru kemɨ'ane 'axamɨtiuyuri mima, tsepa mana munuiwakame yatɨni 'ateewa mɨkiekame, Yawé hɨxie 'axakatiniuyurieni. Mɨkɨ yuteɨterima watsata payeweiyarieni.

Temaiwawemete 15:10

Kemɨ'ane huye 'aixɨa mɨ'ane muku'eirieni waɨkawa katinita'ɨkitɨariemɨkɨ 'anayeweiwatɨ, matsi kemɨ'ane mitixani'eri mɨkɨ pumierieni.

1 Timuteu 2:5

Kakaɨyari kaniyuxewini meta niukame puyuxewi kemɨ'ane Kakaɨyari mɨkɨhɨawe meta teɨteri, tewitɨtɨ Kɨritsitu Ketsutsi,

Hepɨrayutsixi 7:25

'Ayumieme kaniyɨweni mɨwatawikweitsitɨanikɨ yuheyemekɨ mɨkɨ 'ahurawa memakɨka Kakaɨyari hetsɨa mɨkɨ waparewiekaku, yuheyemekɨ 'ayenieretɨ pɨyɨwe yamɨtiwawiriekakɨ wahetsiemieme.

Nɨawari 51:4

'Ahepaɨtsita 'axanepɨtiuyuri, 'ahepaɨtsita xeikɨa, 'ahɨxie 'axanepɨtiuyuri, 'ayumieme 'ekɨ heitserie pepexeiya, ke'aixɨa pemɨtiyuriene, 'aixɨa pɨ'ane.

2 Kemɨtiuyɨ 25:16

Ti'aitame Kakaɨyari niukameya hɨxie kaniuyeniuni, mɨpaɨ katinitahɨawe: —¿'Ekɨta kemɨ'ane pɨmatsi'utahɨawixɨ ti'aitame 'ɨxatsitɨwameya pemayanikɨ? Xɨka peka'awaɨriyani pemɨmierienikɨ, 'axapepɨkanetikɨhɨaweni. Kakaɨyari niukameya 'imatɨrieka xeikɨa mɨpaɨ katinitahɨawe: —Ne xeikɨa mɨpaɨ nepɨtimate, mɨya pemɨtiyurienekɨ meta ne'ɨxatsi pemɨka'u'enikɨ, Kakaɨyari yaputayɨri pɨmatsika'una.

Hutarieka 'inɨari 1:17

Yunaime yaxeikɨa xeketeniwaparewieka, memɨkatɨrɨkawi meta memɨtɨrɨkawi. Xeime xepɨkamakaka, matsi Kakaɨyari pɨta 'aixɨa tiyuruwame kanihɨkɨtɨni. Xɨka kwinimieme ti'aneni xeme xemɨka'ikema hɨkɨtɨni, nehetsɨa xekeniwa'atɨa ne 'aixɨa nemɨtiyurienikɨ”.

Nɨawari 51:16

Mawari 'ekɨ pɨkametsinake meta mawari taiyariyari, xɨka metsinakenike ne nepɨmetsixatɨakakeyu.

Hutarieka 'inɨari 2:30

»Peru Tsikuni, Hetsiwuni kiekariyaritsie ti'aitame, yapɨkatiutanaki'eri mana temuyekɨnekɨ, Yawé takakaɨyari 'iyarieyatsie tse'ime mayeitɨakɨ, tame pɨta temɨte'ita'aitɨanikɨ, hikɨ ketemɨte'i'aitɨa.

Hepɨrayutsixi 10:27

Xɨkari mɨpaɨ 'aneni temamatɨ tepɨta'ikwewa temɨta'iwawiyarienikɨ xeikɨa, yuhaxɨakɨ kepauka mɨwataxɨtsitɨani mɨkɨ memeye'unie, yumexɨitɨatɨ taikɨ.

Kuwi 9:33

Tatsata 'itsɨkame kaniumaweni teyuhutame tahetsiemieme yamɨtayɨnikɨ.

Temaiwawemete 29:1

Kemɨ'ane mɨixa tierikayarikɨ mɨkaheu'ena yapauka kanika'unariemɨkɨ kanenimayatsietɨ.

Tsutɨarika 38:7

Matsi Yawé pɨka'inakixɨ Kura nu'aya kemɨtiyurienekai, kaninawairieni tukarieya.

Tsutɨarika 38:10

Hikɨ Yawé pɨka'inakixɨ mɨyamɨtiyurienekaikɨ, 'ayumieme yaxeikɨa kanimieni.

1 Te'aitamete 8:31

»Xɨka xewitɨ 'axatiuyurieni yu'iwa hepaɨtsita, xɨka 'utanɨ'arieni 'ena 'atuki manuwe mawari taiyame hɨxie yamɨtayɨnikɨ,

1 Te'aitamete 8:32

'ekɨ keneu'eni muyuawitsie paitɨ meta kemɨtiheitserie ketineuyuri te'a'uximayatsiriwamete wahetsie. 'Uximatɨarika keneupitɨa kemɨ'ane 'axamɨtiuyuri yemekɨ kemɨreuyewetse hetsiena mieme, kemɨ'aneta 'axamɨkatiuyuri keneuxɨna heitserie 'amuyeikakɨ.

2 Kemɨtiuyɨ 10:15

Ti'aitame teɨteri mɨkawaru'enikɨ, mɨpaɨ pɨtiuyɨ Kakaɨyari yahainekaku. Mɨpaɨ pɨraye'atɨarie Yawé niukieya Keruwuhani Nawati nu'aya kemɨtiutahɨawekai, Kakaɨyari niukameya 'Ahiyaxi Tsiru kiekame Keruwuhani yapɨtiutahɨawekai.

Temaiwawemete 13:1

Nunutsi mɨtimaiwe yupaapa 'ɨxatsieya kani'enieka, matsi mɨtiyukatawe'erie kepauka mɨ'ɨxatsitɨarie pɨka'iku'eniwa.

Ti'ɨkitame 3:3

kepauka mɨtiuyumieni, kepaukata muwaranayexɨrɨwani, kepauka mɨtiuka'unakɨ, kepaukata menukuketɨanikɨ,