1 Tsamuheri 2:2 - Kakaɨyari Niukieya

² »Nixewitɨ tɨma 'apɨka'uyeika Yawé hepaɨ patsietɨ, nixewitɨ pumawe tahetsie nunuwame takakaɨyari hepaɨ, xewitɨ hepaɨna 'anetɨ pumawe.

1 Tsamuheri 2:2 ပူးပေါင်းရင်းမြစ်များ

2 Tsamuheri 22:32

¿Kamɨtsɨ kemɨ'ane Kakaɨyari pɨhɨkɨ? Yawé xeikɨa kanihɨkɨtɨni. ¿Kemɨ'ane 'ai hepaɨ pɨ'ane? Takakaɨyari xeikɨa mɨpaɨ kani'aneni.

Kitsariyaxi 44:6

»Yawé mɨpaɨ kanaineni, Yawé Naimekɨmɨtɨrɨkaɨye, 'Ixaheri ti'aitameya meta 'iwikweitsitɨwame: “Ne mexɨakame nekanihɨkɨtɨni meta 'imatɨreme netɨhɨkɨ, tawarita xewitɨ kakaɨyaritɨtɨ kaniumaweni.

Nɨawari 86:8

Yawé, tawarita xewitɨ pumawe kakaɨyarixi watsata 'ahepaɨ tiuka'iyaritɨ, pumawe wewiyaya pemɨtiutiwewi hepaɨ ti'anenetɨ.

Nɨawari 89:8

Xewitɨ 'ahepaɨ 'anetɨ pumawe Yawé Kakaɨyari Naimekɨpemɨtɨrɨkaɨye, tɨrɨkariya pemexeiya meta 'aixɨa pemɨtikamie.

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

1 Pekuru 1:16

mɨpaɨ mɨre'uxakɨ: «Xeme xekenepatsieka nehetsiemieme, ne nemupatsiekɨ».

Keremiyaxi 10:6

Yawé, xewitɨ pumawe 'ahepaɨ 'anetɨ. Pepɨmariwe 'ekɨ, 'ekɨ yemekɨ pepɨmariwe meta pepɨtɨrɨkaɨye.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Hutarieka 'inɨari 3:24

“Yawé Kakaɨyari, 'ekɨ pekanitsutɨani ne mati'uximayatsiriwame penetixeitsitɨatɨ kepemɨtimariwe kepemɨtitɨrɨkaɨye, xewitɨ kakaɨyari pumawe muyuawitsie meta kwiepa mɨpaɨ tiyurienetɨ kepemɨtiyuriene meta mariweme kepemɨtiyuriwe.

Mawari 19:2

'ixaheritsixi memuyutixexeɨriwa mɨtiwataxatɨanikɨ 'ipaɨ mɨtiwatahɨawekɨ: «Xekenepatsieka, ne Yawé xekakaɨyari nemɨpatsiekɨ.

Xumatari 15:4

Naitɨ meripaitɨ mɨtiuti'utɨarie, temɨteti'ɨkitɨarienikɨ katiniuti'utɨarieni, para tete'uka'eniwatɨ 'utɨarika xapayari tatsinɨtɨakaku yuri temɨte'eriekakɨ teta'ikwewatɨ.

Kitsariyaxi 44:8

Xepɨka'uyɨyɨakatɨkani nixepɨkamamaka. ¿Xekateha'eriwa nemitahekɨataxɨ meripaitɨ? Xeme xemunenierixɨ xekanihɨkɨtɨni. ¿Tawarita xewitɨ Kakaɨyari tiuyeika? Hawaikɨ, tawarita xewitɨ 'Ai pumawe, ne xeime tawarita nepɨkamate”».

Kitsariyaxi 40:18

¿Kemɨ'ane Kakaɨyari hepaɨ 'aneme mepayeitɨani? ¿Kehepaɨ mete'iwewieni?

Kitsariyaxi 6:3

Mɨpaɨ yuxexuitɨ meteyutahɨawetɨ: «Kanipatsieka, kanipatsieka, kanipatsieka Yawé Naimekɨmɨtɨrɨkaɨye, naitsarie kwiepa pɨmatsiɨkɨ witsikemɨ'ane».

Nɨawari 111:9

Kakaɨyari yuteɨterima kaniwaruxɨna, hikɨ yutɨratu mɨpaɨ katiniuwewieni yuheyemekɨ mieme. Mɨkɨ mɨpatsie meta mɨtɨrɨkaɨye katinitewaka.

Nɨawari 99:5

Yawé hetsiemieme witsixekenaitɨkani mɨtakakaɨyari: hetɨana xekenetihɨxima'uweni: mɨkɨ kanipatsieka.

Nɨawari 89:6

¿Kemɨ'ane muyuawitsie Yawé hepaɨ pɨ'ane? ¿Kemɨ'ane muyuawitsie 'uyeikatɨ Yawé hepaɨ pɨ'ane?

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

Hutarieka 'inɨari 32:4

Mɨkɨ tete kanikɨtɨni, 'uximayatsikaya pɨheitserie, naitɨ huyeya 'aixɨa pɨ'anene. Kakaɨyari yapɨtikamie, 'axapɨkatiyuriene. Mɨkɨ heitserie pexeiya meta 'aixɨa pɨtiuka'iyari.

Nɨawari 99:9

Yawé hetsiemieme witsixekenaitɨkani mɨtakakaɨyari: xekenayexeiyani tukitana: Kanipatsieka Yawé takakaɨyari.

Nɨawari 73:25

¿Kemɨ'ane 'aku muyuawitsie nepexeiya metsɨ 'ekɨ xeikɨa? Xɨka 'ahamatɨa ne'uyeikani, kwiepa timiemeri nepɨkareuyehɨwa.

Nɨawari 71:19

Kakaɨyari 'aku, 'ekɨ mariweme pepɨtiuyuri, heitserie kepemɨtiyuriene meutitewatsie pɨye'axe. ¿Kakaɨyari 'aku, kemɨ'ane 'aku 'ahepaɨ pɨtiuka'iyari?

Nɨawari 71:3

'Ekɨ kenehɨkɨtɨni neterɨ muwa nemuyuti'awiwieta, muwa xeikɨa yuheyemekɨ nemeta'axeni kenehɨkɨtɨni, ketineuta'aita nemɨtawikweitsitɨarienikɨ, 'ekɨ 'ai nehetsie nunuwame pemɨhɨkɨkɨ.

Nɨawari 18:2

Yawé 'ai hepaɨ kani'aneni, mɨnetsikunama, mɨnetsiwikweitsitɨa, nekakaɨyari kanihɨkɨtɨni, 'ai 'amutitɨtɨ taɨta mɨnetsi'awieta. Nehetsie kaninunuwametɨni, tɨrɨkaɨyemekɨ mɨnetsiwikweitsitɨa, mɨkɨ 'ateewa paitɨ pɨnetsi'awieta.

Hutarieka 'inɨari 32:20

Hikɨ mɨpaɨ kaniutayɨni: “Nepɨwawarixiwiya, tsipara kemeteheutere, teɨteri 'axamemɨte'u'iyari mepɨhɨkɨ, tɨɨri yamemɨkatekahu mepɨhɨkɨ.

Hutarieka 'inɨari 4:35

»Mɨpaɨ pɨtiɨyɨ mɨkɨ naitɨ 'ahɨxie 'ekɨ mɨpaɨ pemɨtimaikakɨ kename Yawé Kakaɨyari xeikɨa hɨkɨ, meta kename tawarita xewitɨ ka'uyeika.

Xumatari 4:8

Kaniyutemawieka mɨkɨ tewi, Ti'aitame xɨka 'axatiyurieneme ka'erieka».

2 Tsamuheri 7:22

»Pepɨmariwe 'ekɨ, Yawé naimekɨmɨyɨwe. Tame mɨpaɨ tekatenetimani xewitɨ kaniumaweni 'ahepaɨ tɨrɨkaɨyetɨ meta tawarita yuri kakaɨyari pumawe.

2 Tsamuheri 22:3

nekakaɨyari, tete kanihɨkɨtɨni mɨwa nemuyuti'awiwieta. Nehetsie nunuwame pɨhɨkɨ, tɨrɨkariya nehetsie nunuwame, nemɨwayuti'awiwieta meutitewa pepɨhɨkɨ. Mɨkɨ neheima munua kanihɨkɨtɨni meta netsiwikweitsitɨwame. 'Ekɨ pepɨnetsi'utawikweitsitɨa hipatɨ menetsimietɨwekaku.

1 Te'aitamete 8:23

mɨpaɨ 'utaitɨ: «Yawé, 'ixaheritsixi takakaɨyari, xewitɨta Kakaɨyari 'apɨka'uyeika 'ahepaɨ 'anetɨ taheima muyuawitsie meta 'ena kwiepa, 'ekɨtsɨ 'atɨratu pekanaye'atɨwani meta pekaniwanenimayaka yuheyemekɨ kemɨ'ane memɨmate'uximayatsirie meta yu'iyarikɨ memɨmatsi'uweiya.

Nɨawari 18:31

¿Kemɨ'ane Kakaɨyari pɨhɨkɨ, Yawé xeikɨa kanihɨkɨtɨni? ¿Kemɨ'ane tete pɨhɨkɨ, takakaɨyari xeikɨa kanihɨkɨtɨni?

Nɨawari 99:3

'Aixɨa keraniuwani hetsiena mieme mɨmariwekɨ makaxiwatɨ: mɨkɨ kanipatsieka.

Mawari 11:44

Ne Yawé xekakaɨyari nepɨhɨkɨ, xekeneyupatani xepatsietɨ xekeneyuhayewani, ne nemupatsiekɨ. 'Ayumieme xeka'itiyatɨ xepɨkayuhayewani kwiepa yutawima memɨteku'uwa wahekɨ.

Mawari 11:45

Ne Yawé nekanihɨkɨtɨni, nemɨxe'ayewitɨ 'Ekipitu kwieyaritsie, xekakaɨyari nemayanikɨ. Xemeta xekenepatsieka ne nemɨpatsiekɨ.

Hutarieka 'inɨari 4:39

»Mɨpaɨ ketinetimati meta yurikɨ Yawé Kakaɨyari kenayeitɨwani taheima muyuawitsie meta 'ena kwiepa, meta kename tawarita xewitɨ ka'uyeika.