1 Tsamuheri 2:10 - Kakaɨyari Niukieya

¹⁰ »Yawé memeye'unie kaniwaka'unamɨkɨ, muyuawitsiepaitɨ mimierɨkari kananakanɨ'amɨkɨ wahetsie. Yawé yunaime kwiepa memɨtama pɨwa'itsɨkame, mɨkɨ ti'aitamekɨ manukakeni waɨkawa tɨrɨkaɨyeme payeitɨani meta mɨkɨ menayexei tɨrɨkariya pupitɨa».

1 Tsamuheri 2:10 ပူးပေါင်းရင်းမြစ်များ

Nɨawari 2:9

Mana pekatinita'aitamɨkɨ tepɨa 'itsɨyari pe'akwetɨ, pekaniwatitaramɨkɨ haxu xariteyari hepaɨ».

Nɨawari 89:24

Nenaki'eriya ke'aixɨa mɨtikamie hamatɨana puyeikani, tɨrɨkariyaya nehetsiemiemekɨ 'aixɨa pɨraniuwani.

Nɨawari 96:13

Yawé hɨxie xekeneutikwikani, 'ukanamieniri. 'Ukanamieniri kwiepa 'aixɨa tiyurienike. Kwiepa memɨtama kaniwataxanetamɨkɨ kemɨtiheitseriekɨ, meta teɨteri wahetsie yuri mainekɨ.

Memeyekɨ 15:6

Yawé, 'atɨrɨkariya pepuhekɨataxɨ mariwemekɨ, Yawé, memɨtatsi'aye'uniekai pepɨwarutitsanaxɨa.

Nɨawari 98:9

Yawé hɨxie xekeneutikwikani, 'ukanamieniri kwiepa 'aixɨa tiyurienike. Kwiepa memɨtama wahetsie 'aixɨa katiniyurimɨkɨ, teɨteri wahetsie 'aixɨa 'anemekɨ katinita'aitamɨkɨ.

Nɨawari 20:6

Hikɨ mɨpaɨ nepɨtimate Yawé ti'aitame menayexei pɨtawikweitsitɨani, pita'eiya muyuawi mɨpatsietsie paitɨ yutɨrɨkariyakɨ memamariwaweme pɨwara'iwa.

1 Tsamuheri 7:10

Mexi 'akuxi Tsamuheri mawari wewiekai piritsiteutsixi mekanaye'axɨani 'ixaheritsixi mekaniwarutakwini, peru 'ana Yawé tɨranariya waɨkawa kanenɨ'ani piritsiteutsixi wahetsɨa, 'ana mɨkɨ mekaneuyuyexɨrieni mekana'iwarieni 'ixaheritsixi mekaniwara'iwa.

Rukaxi 19:27

Mɨkɨ meta memɨnetsi'aye'uniekai memɨkanetsinaki'eriekai netiwa'aitɨwame nemayanikɨ, xekeniwarahapaka, nehɨxie xekeniwarukuya”».

Mateu 28:18

Hikɨ Ketsutsi 'ahurawa kaniuyani, katiniwarutaxatɨani, mɨpaɨ 'utaitɨ: —Naimekɨ heitserie nepexeiya taheima meta kwiepa.

Ti'ɨkitame 12:14

'Uximayatsika matsi, 'axamɨ'anene meta 'aixɨamɨ'ane meta 'awie ketemɨteyurie Kakaɨyari naime kanita'iwaumɨkɨ.

Ti'ɨkitame 11:9

Hikɨ kene'atemawieka mexi petemaikɨ, 'a'iyari keneupitɨa mɨyutemawiekakɨ. Kemɨtiku'eriwa keneyeweiyani meta 'ahɨxitekɨ kepemɨtiuyukahiwe'erie, matsi kena'eriwani Kakaɨyari mɨkɨ naimekɨ kamenita'iwawiyamɨkɨ.

Nɨawari 45:7

'Ekɨ 'aixɨa mɨti'ane pepɨtinaki'erie, 'axamɨti'aneta pepɨti'uxiwe'erie, 'ayumieme Kakaɨyari pɨmetsi'anayexei 'ekɨ, 'a'iwama pɨkawaranayexei, 'akakaɨyari temawierika hatseitiyari pɨmetsi'ukawiri.

Nɨawari 21:1

Ti'aitame puyutemawie 'atɨrɨkariyakɨ, Yawé. Waɨkawamekɨ puyutemawie pemiparewiekɨ mɨrayu'iwakɨ.

Nɨawari 2:6

«Ti'aitame nekananukakeni Tsiyuni nehɨri mɨpatsie hetsie».

Nɨawari 2:2

Te'aitamete mepeye'unie, 'itsɨkate Yawé mepɨkaha'eriwa meta kemɨ'ane manayexeiyarie hepaɨtsita.

'Itsɨkate 5:31

»Mɨpaɨ mekete'ukwini yunaitɨ Yawé, memɨmatsi'aye'unie. Peru kemɨ'ane mɨmatsinaki'erie, tau hepaɨ ke'aneni kepauka maneika xawatɨtɨ». Hikɨ 'ixaheritsixi kayuwatɨ mekanexeiyakaitɨni huta tewiyari wiyari.

2 Kurinitutari 5:10

Kaneuyewekani tanaitɨ tematsiɨkɨtɨ temayeitɨarienikɨ Kɨritsitu 'uwenieya hɨxie hakewa mɨtatsiheta'iwawiya, taxexuitɨ temɨte'apiniyarienikɨ 'aixɨa ketemɨte'uyuri meta 'axaketemɨte'uyuri, tawaiyaritsie te'u'uwatɨ.

Nɨ'ariekate 10:38

Ketsutsi natsaretitanaka kanihɨkɨtɨni, kemɨ'ane Kakaɨyari mikawiri 'Iyari Mɨtiyupata meta 'itɨrɨkariyatɨ. Mɨkɨ 'aniuyeikakaitɨni 'aixɨa tiyurienetɨ, yunaime Kauyumarie mɨwa'uximatɨakai 'aixɨa meteheu'eriekame kaniwarayeitɨwakaitɨni, Kakaɨyari hamatɨana muyeikakaikɨ.

Nɨ'ariekate 4:27

Yurikɨ 'ikɨ kiekaritsie mekaniyukuxeurieni Herurexi meta Punitsiyu Piratu, teɨteri memɨkahuriyutsixiri meta 'Ixaheri teɨteriyari, 'aniwe mɨpatsie 'ahetsiemieme Ketsutsi me'aye'unietɨ, kemɨ'ane pemanayexei,

Rukaxi 1:69

Tatsiwikweitsitɨwame tɨrɨkaɨyeme kataneyenɨ'airieni, Rawiri kie mieme, ti'uximayatsiriwame

Mateu 25:34

»Hikɨ Ti'aitame mɨpaɨ pɨtiwatahɨawe mɨkɨ tserietana memɨti'uka: “Xeme xekenakɨni, ne'ukiyari 'aixɨa mɨxe'uyuri, ne'ukiyari mɨra'aita yuhetsiemieme xekenayeitɨa mukuha'aritsie kepauka kwie munetɨarietsie paitɨtɨ.

Kitsariyaxi 45:24

Mɨkɨ mɨpaɨ mepɨtiyuani nehetsiemieme: “Yawé hetsie xeikɨa kanixuaweni tita mɨtiheitserie meta tɨrɨkariya”». Yunaitɨ kemɨ'ane memiyehekaxɨ mɨkɨ hɨxie mekaniti'uikuni, mekanitewiyatsitɨariekuni.

Kitsariyaxi 32:1

Neuxei, xewitɨ ti'aitame heitseriemekɨ katinita'aitamɨkɨ meta kuwexinaruritsixi 'aixɨa 'anemekɨ mekatenita'uximayatakuni.

Nɨawari 148:14

Mɨkɨ yuteɨterima kaniwatɨrɨkariyani. Mɨkɨ xeikɨa mekenɨawani yunaitɨ hetsiena memɨtewiya, 'ixaheritsixi, 'ahurawa teɨterimama. Yawé kenɨawarieka.

Nɨawari 89:17

'Ekɨtsɨ watɨrɨkariya witsipemɨ'ane pekanihɨkɨtɨni wahetsiemieme, mɨpaɨ mɨmatinakekɨ waɨkawa tɨrɨkariya pepɨtatsipitɨa.

Nɨawari 28:8

Yawé yuteɨterima muwatɨrɨkariya kanihɨkɨtɨni, meta kemɨ'ane pemenayexei pekaniwikweitsitɨaka.

Kuwi 40:9

¿'Amamá kuta nemamá hepaɨ titɨrɨkaɨye? ¿'Aniuki kuta neniuki hepaɨ tiutatɨrarɨka?

2 Tsamuheri 22:14

»Muyuawitsie Yawé tɨranarieya kaniuyu'eniɨriɨkɨre, yemekɨ Kakaɨyari 'Amutewi niukieya kanewayuku'eiya.

2 Tsamuheri 7:13

Mɨkɨ pɨhɨkɨtɨni kii nehetsiemieme mɨtawewieni muwa 'aixɨa nemɨtimariwanikɨ meta heitserie nepipitɨani yuheyemekɨ mɨti'aitanikɨ.

2 Tsamuheri 7:8

»Kamɨtsɨ, Rawiri neti'uximayatsiriwame mɨpaɨ ketineutahɨawi, mɨpaɨ kanaineni Yawé Naimekɨmɨtɨrɨkaɨye: “Ne muxatsi pewahɨnekaku nekamananayexeiya, matsi pɨta neteɨterima 'ixaheritsixi pemɨtiwata'aitɨanikɨ.

1 Tsamuheri 16:1

Merikɨtsɨ Yawé Tsamuheri mɨpaɨ katiniutahɨawe: —¿Kepaɨmexɨari pepuyurieka Tsahuri hetsiemieme pe'utatsuatɨ xɨkari ne 'Ixaheri kwieyaritsie mɨti'aitametɨnikɨ neka'inaki'erieka? Matsi hatseiti 'a'awata keneutahɨniyaka kenemie. Wereni huyeyari 'utɨma nekamanitanɨ'amɨkɨ 'Itsahi kie, ne mɨkɨ nu'aya xeime nepanayexei ti'aitame mayanikɨ.

1 Tsamuheri 15:28

Merikɨte 'ayumieme Tsamuheri mɨpaɨ katinitahɨawe: —Yawé hikɨ kwitɨwa mɨpaɨ pɨmatiutsaniri 'Ixaheri kwieyari pemɨra'aitatsie, 'aixɨa tiuka'iyarime pɨyetuiri pɨta.

1 Tsamuheri 12:18

Tsamuheri Yawé kaniutahɨawe, hikɨ mɨkɨ tukaritsie Yawé wiyeri tɨranari kaneyenɨ'ani, hikɨ yunaitɨ teɨteri mekaniutimamani Yawé hɨxie meta Tsamuheri hɨxie.

1 Tsamuheri 12:13

'Aixɨa kani'aneni, tixe'aitɨwame 'ena kaniuweni xemita'iwau xemenayexei. Peru mɨpaɨ xeketenemaika, Yawé kanihɨkɨtɨni mɨkɨ xeti'aitɨwame mɨxeyetuiri.

1 Tsamuheri 12:3

'Ena xepɨnetsi'uketsa. Yawé hɨxie kexemɨnete'utahɨawe xepɨyɨwawe meta menayexei hɨxie. ¿Kemɨ'ane tuuruya, puxuya nepunawa? ¿Kemɨ'ane nepukwamanaxɨ? ¿Kemɨ'ane nepuhiweritɨa? ¿Kemɨ'ane nepɨkarakapitɨa? Xekeneneutaxaneta nepɨrayukatuani kexemɨnetetawawirieni.

Kitsariyaxi 29:6

Yawé Naimekɨmɨtɨrɨkaɨye 'ahetsɨa kaninuamɨkɨ, mimierɨkarikɨ kaninuamɨkɨ, kwie watayuitɨwatɨ, meta waɨkawa tɨranari xuawitɨatɨ, kaninuamɨkɨ haikɨri 'amɨpa mɨtɨrɨkɨye 'ayu'eriyame hamatɨa meta tai tiyutaiyame hamatɨa.

'Etsekieri 29:21

»'Iya tukaritsie 'ixaheritsixi nepɨwatɨrɨkariyatsitɨani, hikɨ 'ana 'ekɨ, 'Etsekieri, pepɨtiwataxatɨani 'aixɨa 'iyari. 'Ana mɨpaɨ mepɨtehetimani kename ne, Yawé nehɨkɨ».

1 Tsamuheri 12:17

Hikɨ witarita pɨkahɨkɨ, matsi 'itsanaxa pɨhɨkɨ, peru ne Yawé nenitahɨawimɨkɨ, mɨkɨ menɨ'anikɨ wiyeri meta tɨranari, mɨpaɨ 'ana yaxepɨtehetimani kename Yawé hɨxie 'axaxete'uyuri xemitawawirikɨ xeime ti'aitame».

Nɨawari 20:7

Mɨkɨ yukaxetate kuyaxa miemetsie mekaneuwawaɨreni, 'iyata yukawayutsixi 'amemɨpapa wahetsie mekaneuwawaɨreni, peru tameta takakaɨyari Yawé hetsie tekaneuwawaɨreni.

Nɨawari 89:25

Ne tɨrɨkariya nekanipitɨamɨkɨ haramaratsie mɨti'aitanikɨ, meta haa muyehapanetsie mɨtiwa'aitɨakakɨ.

Nɨawari 132:17

»Hikɨ tawarita Rawiri tɨrɨkariya nepɨpitɨani, meta nemenayexei kɨxemeya nepɨtaiya.