1 Tsamuheri 2:1 - Kakaɨyari Niukieya

¹ Hana kemɨtiukwikaxɨ: «Ne'iyari Yawé hetsie tiwiyatɨ puyutemawie, netɨrɨkariya mana pɨtiwiya. Nepɨnetemawie Kakaɨyari mɨnetsi'utawikweitsitɨakɨ nepɨyɨwe memɨnetsi'aye'unie nemɨwara'iwa.

1 Tsamuheri 2:1 ပူးပေါင်းရင်းမြစ်များ

Nɨawari 13:5

Ne 'anaki'eriya mɨmariwetsie nepɨtiwiya, ne'iyari puyutemawie 'awikweitsitɨarikakɨ.

Piriputari 4:6

Xepɨkayu'iyaritɨaka tixaɨtɨ hepaɨtsita, matsi naimekɨ xeyunenewietɨ xe'iwawirietɨ pamɨpariyutsi xe'ipitɨatɨ, yaxeketeneutahɨawi Kakaɨyari tita xemɨte'iwawirie.

Nɨawari 92:10

Tuuru yeutanaka tɨrɨkariyaya pepɨnetsi'upitɨa, pepɨnetsi'ukawiri witsimu'ɨa 'aixɨa mɨ'anekɨ.

Nɨawari 89:17

'Ekɨtsɨ watɨrɨkariya witsipemɨ'ane pekanihɨkɨtɨni wahetsiemieme, mɨpaɨ mɨmatinakekɨ waɨkawa tɨrɨkariya pepɨtatsipitɨa.

Piriputari 4:4

Merikɨte, yuheyemekɨ xekeneyutemamawieka Ti'aitame hetsie xetewiyatɨ. Tawarita nepaine: Xekeneyutemamawieka.

Nɨawari 20:5

Tame tepuyutemamawieka kepauka pemɨrayu'iwa, takakaɨyari hetsiemieme tapatera teikɨ tenetseraxɨakuni. Yawé naime kemetiyetuirieni tita pemɨrewawiriwa.

Nɨawari 9:14

Kerutsareme kitenieyaritsie 'akwikarikɨ nepɨmatsikuxatani, 'awikweitsitɨarikatsie nemɨnetemawiekɨ.

Nɨawari 35:9

Mɨpaɨ ne'iyari pɨtiyutemawieka Yawé hetsie, puyutemawieka mutawikweitsitɨariekɨ,

Piriputari 3:3

Tame pɨta Kakaɨyari 'inɨarieya tepexeiya, tame pɨta tepɨhɨkɨ Kakaɨyari temayexeiya 'Iyari kemaine, tame taheyemekɨ tekaninaki'aka Kɨritsitu Ketsutsi hetsie temɨtewiyakɨ, mɨkɨ meta, yuri tepɨkate'erie herie miemetsie.

Xumatari 5:11

Mɨkɨ meta, 'aixɨa tepɨtetakɨhɨawe Kakaɨyari teha'eriwatɨ Tati'aitɨwame Ketsutsi Kɨritsitu yamɨtiuyurikɨ. Mɨkɨ kanihɨkɨtɨni kemɨ'ane mɨtatsi'upataxɨ 'aixɨa temɨtetaxeiyanikɨ.

'Awakuki 3:18

tsepanetɨ mɨpaɨ mɨti'ane, ne Yawé hetsie nekaniyutemawiekamɨkɨ, nepɨnetemawieka Kakaɨyari hetsie netiwiyatɨ, netsiwikweitsitɨwame.

Nɨawari 118:14

Yawé netɨrɨkariya kanihɨkɨtɨni meta nekwikari, mɨkɨ netsiwikweitsitɨwame kanihɨkɨtɨni.

Nɨawari 89:24

Nenaki'eriya ke'aixɨa mɨtikamie hamatɨana puyeikani, tɨrɨkariyaya nehetsiemiemekɨ 'aixɨa pɨraniuwani.

Memeyekɨ 15:21

Miriyami mɨpaɨ katiniukwikakaitɨni: Yawé xekenenɨawani, mɨkɨ mariwemekɨ mɨrayu'iwaxɨkɨ, kawayutsixi wahetsie memutei meta kawayutsixi haramaratsie pɨwareukaxɨri.

Memeyekɨ 15:1

Hikɨ Muitsexi meta 'ixaheritsixi xeime kwikari mekaniutakwika Yawé hetsiemieme, mɨpaɨ kananuyɨneni: Yawé nepɨtanɨawa, mariwemekɨ mɨrayu'iwaxɨkɨ haramaratsie pɨwareukaxɨri kawayutsixi meta teɨteri memutekai.

1 Pekuru 1:8

Xeme xepinaki'erie tsepa hatsuaku xemɨka'ixeiyawawe, tsepanetɨ hikɨ xemɨka'ixeiya, hetsiena yuri xemɨte'erie, 'ayumieme xepɨyutemamawie 'anayuhayewakamekɨ meta witsi'aneme kexemɨtepitɨarie,

Nɨawari 51:15

Neti'aitɨwame, neteni keneupitɨa, nemɨmetsinɨawanikɨ.

Nɨawari 18:2

Yawé 'ai hepaɨ kani'aneni, mɨnetsikunama, mɨnetsiwikweitsitɨa, nekakaɨyari kanihɨkɨtɨni, 'ai 'amutitɨtɨ taɨta mɨnetsi'awieta. Nehetsie kaninunuwametɨni, tɨrɨkaɨyemekɨ mɨnetsiwikweitsitɨa, mɨkɨ 'ateewa paitɨ pɨnetsi'awieta.

'Awakuki 3:1

'Awakuxi Kakaɨyari niukameya nenewierieya. Mɨpaɨ katiniukwikarieni.

Nɨawari 75:10

Kwinimieme memɨteyuti'ɨre Kakaɨyari meka'ayexeiyatɨ pekaniwarakumaweriyamɨkɨ, meta heitserie memexeiya watɨrɨkariya hetsiemieme 'aixɨa nekanitayɨmɨkɨ.

Nɨawari 71:8

Ne nepɨmetsinɨawa yemekɨ waɨkawa, tukarikɨ kepemɨtimariwekɨ nepɨtikuxata.

Matsiɨkɨtɨ kemɨratɨa 18:20

Kene'atemawieka muyuawi, mɨyamɨtiuyɨkɨ. Xekeneyutemamawieka xemeta Kakaɨyari teɨterimama, nɨ'ariekate, Kakaɨyari niukametemama. Kakaɨyari miyetuakɨ xeme pɨta heitserie xemexeiyanikɨ».

Rukaxi 1:69

Tatsiwikweitsitɨwame tɨrɨkaɨyeme kataneyenɨ'airieni, Rawiri kie mieme, ti'uximayatsiriwame

Nehemiyaxi 11:17

Mataniyaxi Mikahiyaxi nu'aya, Tsawiri nu'aya, 'Atsahapi nu'aya, muwa'ukiyaritɨkai memutikwikakai pamɨpariyutsi Kakaɨyari mɨpitɨariekatsie meta memɨyunenewiekatsie, Wakuwukiyaxi Mataniyaxi pɨparewiwametɨkai yu'iwamaritsie meta 'Awɨra Tsamuha nu'aya, Karari nu'aya, Kerutuni nu'aya.

Hutarieka 'inɨari 33:17

Kutse pɨmariwe tuuru mexɨakame hepaɨ, pɨtɨrɨkaɨye tuuru yeutanaka hepaɨ. Yu'awatekɨ pɨwatakwini nuiwarite hipame, pɨwakuxeɨrieni kwie manunieretsie paitɨ. Mɨpaɨ mepɨtetɨrɨkawi Manatsexi kuyaximama, meta 'Epɨrahini kuyaximama memuyuwaɨkawa».

Kuwi 16:15

»Newaiyari heiwerika kamixayari pɨhɨkɨ, Nekana tumuanaripa peuyune.

Nɨawari 148:14

Mɨkɨ yuteɨterima kaniwatɨrɨkariyani. Mɨkɨ xeikɨa mekenɨawani yunaitɨ hetsiena memɨtewiya, 'ixaheritsixi, 'ahurawa teɨterimama. Yawé kenɨawarieka.

1 Tsamuheri 1:6

Wixieya Penina waɨkawa kani'uximatɨakaitɨni, para ha'atɨ muyeikanikɨ xeikɨa, Yawé kaniweweme meyeitɨakaikɨ.

1 Tsamuheri 1:7

Xeiwiyari 'aye'axekaku kepauka memeta'axekai Yawé tukita: Hana yaxeikɨa pɨtikuhɨawaruwakai. Waɨkawa kaniutatsuakakaitɨni meta pɨkatikwaimɨkɨkai.

2 Kemɨtiuyɨ 20:27

Hikɨ 'arike, yunaitɨ Kuratsie meta Kerutsareme kiekatari, Kutsapati warawitɨtɨ, Kerutsareme mekananuaxɨani waɨkawa meyutemamawietɨ Yawé mɨwaruxɨnaxɨkɨ memɨwaraye'uniekai wahetsɨa.

Nɨawari 21:2

Pepeye'atɨiri tita yu'iyarikɨ mɨreuyehɨakai, pepɨkatitikweriri tita mɨra'iwawakai.

Nɨawari 89:18

Yawé, 'ekɨ tepɨa tahetsie nunuwame pepɨhɨkɨ, 'ekɨ, 'Ixaheri hetsie pemɨpatsie, petati'aitɨwame pepɨhɨkɨ.