1 Tsamuheri 19:4 - Kakaɨyari Niukieya

⁴ Kunatani yupaapa Tsahuri Rawiri hetsiemieme mɨpaɨ katiniutahɨawe: —'Ekɨ ti'aitame matsi mati'uximayatsiriwame Rawiri pepɨkatikwinitɨaka. Mɨkɨ matsi 'axapɨkatiyuriene, matsi 'aixɨa pɨtiyuriene 'ekɨ 'ahetsiemieme.

1 Tsamuheri 19:4 ပူးပေါင်းရင်းမြစ်များ

Keremiyaxi 18:20

¿Kamɨtsɨ 'aixɨa mɨti'ane 'axamɨ'anekɨ tiyupitɨaritɨre? Mɨkɨri putsu mekaniwati'inieni muwa nemeukawenikɨ. Ne matsi nematsi'utahɨawixɨ wahetsiemieme nemɨtaniunikɨ, 'ahaxɨa wahetsie mɨkatinakenikɨ.

Tsutɨarika 42:22

Hikɨ Xuweni mɨpaɨ katiniwarutahɨawe: —Ne 'ayumieme mɨpaɨ nepɨtixekɨhɨawekai, tepɨkate'ikwinitɨaka tepɨka'ikumemiwani, xepɨkanetsi'u'eni. Hikɨri xɨari 'ayumieme tekatenayukatuayani mumawekɨ.

Temaiwawemete 17:13

Kemɨ'ane 'aixɨa tixeiyarietɨ 'axamɨti'anekɨ mɨtiwarakapitɨwa, yuheyemekɨ tɨɨriyamama 'axamepɨ'itɨarieka.

1 Tsamuheri 20:32

Kunatani mɨpaɨ katinita'eiya: —¿Titayari timierieni? ¿Kekuta tiuyuri?

Nɨawari 35:12

Ne newanenimayakaku 'axa'anemekɨ mepɨnete'akapitɨwa, mɨkɨkɨ pɨnetsihekukukuine ne'iyaritsie,

1 Tsamuheri 22:14

Hikɨ 'Akimereki Tsahuri mɨpaɨ katiniuta'eiya: —Ti'aitame, ¿kemɨ'ane yunaitɨ te'a'uximayatsiriwamete 'aixɨa pɨtiuyeika, Rawiri 'amune hepaɨ, kuyaxi tiwa'aitɨwame meta paratsiyuta 'aixɨa mɨtixeiyarie?

1 Kurinitutari 8:12

Mɨpaɨ 'axaxewayurietɨ yu'iwama, xewatawayatɨ mɨkɨ kememɨteyumatekɨ, 'axaxekaniyurieka Kɨritsitu.

2 Kemɨtiuyɨ 6:22

»Xɨka xewitɨ 'axatiuyurieni yu'iwa hepaɨtsita, xɨka 'utanɨ'arieni 'ena 'atuki manuwe mawari taiyame hɨxie 'uwetɨ yamɨtayɨnikɨ,

1 Tsamuheri 2:25

Xɨka xewitɨ 'axatiuyurieni yu'iwa hepaɨtsita, Kakaɨyari kanihɨkɨtɨni kemɨ'ane heitserie mexeiya yamɨtayɨnikɨ, peru xɨka Yawé hetsɨa 'axatiuyurieni, ¿kemɨ'ane rahetsie pɨratanuani?» Matsi niwemama mepɨkahenu'eni wapaapa kemɨtiwarayemari'itɨwakai, Yawé pinakekai watukari mɨwanawairienikɨ xeikɨari.

Tsutɨarika 9:6

»Xɨka xewitɨ tewi xuriyaya 'utayeurieni, mɨkɨta xewitɨ tewi kanimiemɨkɨ, tewi mutawewiyakɨ Kakaɨyari hepaɨ 'anetɨ.

1 Wani 3:15

Yunaitɨ yu'iwama memɨwa'uxie teyumemiwamete mekanihɨkɨtɨni, xeme xepɨtemate tiyumemiwame yɨkɨmana tukari mɨkaxɨwe pɨkahexeiya.

Nɨawari 59:4

Mekaniyumexɨitɨaka me'aye'axɨanike tsepa ne 'axanekawayuriene. Xeiya kenaye'a keneneuparewi. Keneneuxeiya hikɨ kenemɨ'ane.